Mataayo 2:6 - Imuuma Eehya

⁶ ‘Bhëënyu abhantö abha Bhëtërëhëëmu eno ërëngë ku-kyaro ikya Yuuda, bhëënyu tebhaakoserwa hë, kö-bhötöngi ubhwa mu-kyaro ikya Yuuda hano! Ko bhoora ömwë uwëënyu, narebha ömötöngi omonene, naretonga abhantö abhaane Isiraëri kya hano ömörëësya yarëësya amangʼöndi aghaaye.’”

Mataayo 2:6 ပူးပေါင်းရင်းမြစ်များ

Mataayo 2:1

Yëësu yaaibhörëëywë mu-mughi ghono ghwaabherekerwanga igha Bhëtërëhëëmu, mo-mokowa ughwa Yudea, enkaagha eno omokama Herode yaatonganga. Tamaaha mbe, enkaagha iyö, yo abhamanyi abha sinyota bhaarwërëëyë röghörö, bhakahika Yërusarëëmu. Bhakabhöörya abhantö igha,

Mataayo 28:18

Mbe, Yëësu akabhasuntarra, akabhatëëbhya igha, “Waryobha angʼaayë ubhwera bhwonswe igho ubhwa mu-ryobha na ko-kebhara kono.

Yohana 21:16

Yëësu akabhöörya Peetero urwa kabhërë igha, “Simööni, mumura uwa Yohana, nonhanshirë?” Peetero akamohonshora igha, “Yëë, Omonene, kana uwe nomanyirë igha nenkohanshirë.” Yëësu akamötëëbhya igha, “Naghya amangʼöndi aghaane.”

Yohana 7:42

Kasi, Amaandeko Amahörëëru teghakoghamba igha, Kiristo narirwera mu-rwebhoro urwa omokama Daudi? Ghwiki igha m-Bëtërëhëëmu aryebhorrwa, mu-mughi ghono Daudi yaaibhörëëywë-mo?”

Abhaëfësö 1:22

Waryobha akatoora ëbhëntö bhyonswe igho mu-bhwera ubhwa Yëësu Kiristo. Akamokora abhe we omotwe ughwa ekanisa iyö, yo Abhakiristo.

Abhakorosaai 1:18

We omotwe ughwa ömöbhërë, ekanisa yo ekobherekerwa igha, ömöbhërë. Ensonga iya engʼana iyö ni-igha, we okosemoka ukwa ekanisa, ghwiki we uwa mbere ukuryoka ukurwa mo-bhaku, okore abhe omonene uwa ëbhëntö bhyonswe igho.

Abhaëbhuraania 7:14

Nemanyekaini igha, we mmo-kabhira iya Yuuda yaarwërëëyë. Mosa tiyaaghambirë engʼana yoyonswe igho ko-kabhira iyö, ko amangʼana agha öbhösëngëri.

Okohonyora 11:15

Mbe, maraika uwa muhungatë akahuuta orotera urwaye. Ho naaighuurë sengamba sindito mu-ryobha iyö, seno syaaghambanga igha, “Öbhötöngi ubhwa ekebhara bhobhaayë mo-mabhoko agha Omonene Waryobha uwëëtö na Kiristo uwaaye ono yaashaaghööyë ökötöörya abhantö. Omonene Waryobha, naraatonge amakora ghonswe igho.”

Okohonyora 2:27

Areetonga kö öbhöbhë ko okobhatemera inyimbo iya ikyoma, narebhabhondora kya sinyöngö.” Narehaanwa ubhwera kya bhoora öni naahaaywë na Taata.

Okohonyora 7:17

Ko bhoora Omoona Ringʼöndi ono arëngë haangʼë na ikitumbë ikya ekekama, narebha omokaraabhërri uwaabho. Narebhatangata ukughya mo-seseeka isya amanshë agha öbhöhöru, na Waryobha narebheeya amaisöri.”