Mataayo 2:4 - Imuuma Eehya

⁴ Mbe, Herode akakora ikiikaro na abhanene abha abhasëngëri bhonswe igho na abhëëghya abha amaraghërryö agha Mosa. Akabhabhöörya igha, “Kiristo hai aryebhorrwa?”

Mataayo 2:4 ပူးပေါင်းရင်းမြစ်များ

Mataayo 13:52

Ku bhuyö akabhatëëbhya igha, “Umwëghya wowonswe ono amanyirë amaraghërryö agha Waryobha na Obhokama ubhwa Waryobha, uyö n-kya ömöntö ono aana inyumba, eno akuruusya-mo ëbhëntö ibhya kare na ebhehya.”

Mataayo 2:3

Hano omokama Herode yaaighuurë amangʼana ghayö, igha omoona aibhööywë ono araabhe omokama, akabha na entarëki. Abhantö bhonswe igho Yërusarëëmu haara bhakoobhoha ko-keno Herode akaakörrë.

Mataayo 2:5

Bhakamohonshora igha, “Naryebhorrwa mu-mughi ughwa Bhëtërëhëëmu ghono ghörëngë Yudea. Ko bhoora ni-igho ömörööti Mika yaandëkirë. Yaandëkirë igha,

Mataayo 21:15

Abhanene abha abhasëngëri, na abhëëghya abha amaraghërryö agha Mosa, mbaarööshë amakono ghano Yëësu yaakoranga. Kora bhakaighwa abhaana mo-bhogho ubhwa risengerro irya Waryobha hayö bharaghamba igha, “Akumibhwi umwebhorwa Daudi.” Ku bhuyö bhakarerra bhököngʼu.

Mataayo 21:23

Yëësu akasoha ghwiki mo-bhogho ubhwa risengerro irya Waryobha. Hano yëëghyanga-mo, abhanene abha abhasëngëri na abhaghaaka abha Ikiyahudi bhakaghya ku-Yëësu, bhakamöbhöörya igha, “M-bwera kë bhokoghera orakora amangʼana ghayö? N-nawë yaakohaana ubhwera bhuyö?”

Mataayo 26:3

Mbe, ko-nkaagha iyö, abhanene abha abhasëngëri na abhaghaaka abha Ikiyahudi, bhakaikomania mu-nyumba iya omonene uwa abhasëngëri, ono yaabherekerwanga igha Kayafa.

Mataayo 26:47

Enkaagha eno waanyöörrë Yëësu akishumaasha, tamaaha, Yuuda ömwë uwa bheegha abhaaye ikömi na bhabhërë bhaara, akatora aana rikomo rinene irya abhantö. Rikomo riyö, ryaaruurë ko-bhanene abha abhasëngëri na abhaghaaka abha Ikiyahudi, bhamanööyë imishonge na sirungu.

Mataayo 27:1

Hano bhwaakëëyë, abhanene abha abhasëngëri bhonswe igho, hamwë na abhaghaaka abha Ikiyahudi, bhakamaaha igha, bhaite Yëësu.

Mataayo 7:29

Keno kyaaghërrë bhakaroghoora, m-boora Yëësu atëghyanga kya abhëëghya abha amaraghërryö agha Mosa. We yëëghyanga kya ömöntö ono aana obhotoro ukurwa ku-Waryobha.

Maariko 8:31

Ho Yëësu yaamarrë, akasimya ukwëghya abheegha abhaaye igha, Omoona uwa Ömöntö, ni-igha nnyankibhwi bhököngʼu. Kora abhaghaaka abha Ikiyahudi, abhanene abha abhasëngëri abha Waryobha, bheena abhëëghya abha amaraghërryö agha Mosa, mbaraanyange kora bhaanyite, kasi urusikö urwa katatö, nindiryoka.

Ruuka 20:19

Abhëëghya abha amaraghërryö agha Mosa, na abhanene abha abhasëngëri, bhakamanya igha, m-bo arëngëëyi ëkërëngyö kiyö igha, m-barëmi abhaghogho! Bhakarerra bhököngʼu, bhakatuna bhamoghootere-ho, kasi bhakoobhoha abhantö.

Ruuka 23:10

Abhanene abha abhasëngëri, na abhëëghya abha amaraghërryö agha Mosa ho bhaarë. Bhakaghëndërrya ukumushongera bhököngʼu.

Yohana 18:3

Mbe, Yuuda akatangata rikomo irya abhasirikare abha Ikiruumi, hamwë na abhasirikare abha risengerro bhano bhaatömirwë na bhanene abha abhasëngëri hamwë na Abhafarisaayo. Bhakaghya mu-bhusitaani muyö, bhaghötërrëëyë setara bheena imyenge na ibhyöghë.

Yohana 3:10

Yëësu akamohonshora igha, “Uwe nu-mwëghya uwa Abhaisiraëri örë, ono ösöökirwë bhököngʼu, n-kwakë otamanyirë amangʼana ghano?

Yohana 7:32

Mbe, hano Abhafarisaayo bhaaighuurë rikomo irya abhantö rerashamerrana amangʼana ghayö, Abhafarisaayo bhayö hamwë na abhanene abha abhasëngëri bhakatoma abhasirikare abhaabho bhaghoote Yëësu.

Yohana 8:3

Abhëëghya abha amaraghërryö agha Mosa na Abhafarisaayo, bhakamoherra omokari ono yaaghöötirwë arakora obhosooraare, bhakamotoora ghatëghatë iya rikomo irya abhantö.

Amangʼana agha Abhatomwa 23:9

Mbe, bhakanyeerana senkaani sëndörö kai abheene ko bheene. Abhëëghya abhandë abha amaraghërryö agha Mosa na Abhafarisaayo, bhakeemoka bhakakora senkaani bharaghamba igha, “Tetokomaaha igha ömöntö ono aana risoro ryoryonswe reera hë. Nyoore n-disambwa handë maraika we ashumaashirë nawe!”

Amangʼana agha Abhatomwa 4:5

Nyinkyo yaako abhasëngëri, abhaghaaka abha Ikiyahudi, na abhëëghya abha amaraghërryö agha Mosa, bhakaikomania Yërusarëëmu hayö.

Amangʼana agha Abhatomwa 6:12

Bhakasëëghërrya bhököngʼu abhantö, hamwë na abhaghaaka abha Ikiyahudi, na abhëëghya abha amaraghërryö agha Mosa. Bhakaghya ku-Sitefaano, bhakamoghoota, bhakamuhira mo-bharasa iya abhanene abha Abhayahudi.