Mataayo 19:9 - Imuuma Eehya

⁹ Keno nkobhatëëbhya ni-igha, umushaasha wowonswe ono akobhorra mokaaye etarëngë igha m-mosooraare, amare atete uwöndë, uyö no-bhosooraare akokora.”

Mataayo 19:9 ပူးပေါင်းရင်းမြစ်များ

Mataayo 19:10

Mbe, abheegha abha Yëësu bhakaghamba igha, “Nyoore amangʼana agha omokari na umushaasha ni-igho gharë, nyakara ömöntö atakaateta.”

Mataayo 19:8

Yëësu akabhahonshora igha, “Mosa yaaikërëëyi igha mobhorre bhakëënyu, ko bhoora moona emetwe ëmëköngʼu, kasi keno Waryobha yaatunanga ukurwa okosemoka, ti-kiyö kyaarë hë.

Mataayo 5:32

Kasi bhoono öni ndabhatëëbhya igha, ömöntö wowonswe ono araabhorre mokaaye, etarëngë igha m-mosooraare, nkunyoora örë amökörrë igha m-mosooraare. Ghwiki ni-igha, ömöntö wowonswe ono araatete omokari ono yaabhorrwa, uyö wonswe no-bhosooraare akokora.”

Ruuka 16:18

“Hano umushaasha araabhorre mokaaye, amare atete uwöndë, uyö no-bhosooraare oraanyoore akörrë. Na umushaasha ono araatete omokari ono yaabhorrwa, uyö wonswe, no-bhosooraare oraanyoore akörrë.”

1 Abhakörintö 5:1

M-boheene, amangʼana ghaatohekeera igha, obhosooraare bhörëngë mö-bhëënyu muyö. Obhosooraare bhuyö, m-bono bhotakaamaahekaini kora ko-bhantö bhano bhatamanyirë Waryobha. Obhosooraare ubhwa ömöntö okotaara na mokaa suwaabho.

1 Abhakörintö 7:39

Omokari ono atëtirwë, nabhöhirwë na amaraghërryö agha öbhötëti, ko-nkaagha yonswe igho, eno ukunyoora mushaasha uwaaye ataraakwa. Kasi hano mushaasha uwaaye araakwe, hayö nkobha arë ömötöönööni, aratora okotetwa na ömöntö wowonswe igho, ono akutuna, kasi ömötëti uyö, abhe Umukiristo.

1 Abhakörintö 7:4

Omokari atakaabha na ubhwera kö-möbhërë ughwaye, kasi ateghere mushaasha uwaaye ubhwera bhuyö. Umushaasha wonswe ateghere mokaaye ubhwera ubhwa kö-möbhërë ughwaye.