Mataayo 18:9 - Imuuma Eehya

⁹ Hano iriiso iryaho reraaghere okore ëbhëbhë, ni-igha uriihe, oretabhute iyö. Nyakara osohe mö-bhöhöru ubhwa amakora ghonswe igho, oona eketongʼo, kuyö tekokorengʼaana na okobha na amaiso ghonswe igho abhërë, kasi orekerwe mo-morro ghotakurima amakora ghonswe igho.”

Mataayo 18:9 ပူးပေါင်းရင်းမြစ်များ

Mataayo 16:26

Bhoono ömöntö n-hoorohooro kë araanyoore, hano akaanyoora ëbhëntö bhyonswe igho ibhya ko-kebhara kono, kasi asiri öbhöhöru ubhwaye? Handë n-kë ömöntö akaaruusya, okore anyoore öbhöhöru ubhwa amakora ghonswe igho?

Mataayo 18:8

Hano oraanyoore igha no-kobhoko ukwaho, handë igha ököghörö ukwaho nko kokoghera orakora ëbhëbhë, kobhotore, okotabhute iyö. Nyakara osohe mö-bhöhöru ubhwa amakora ghonswe igho oona ekebheera, kuyö tekokorengʼaana na okobha na amabhoko aghaaho abhërë ghonswe igho, handë amaghörö aghaaho ghonswe igho, kasi orekerwe mo-morro ghotakurima amakora ghonswe igho.

Mataayo 19:17

Yëësu akamohonshora igha, “N-kwakë ökömböörya engʼana iya öbhöntö ubhwa heene? Tamaaha, Waryobha umwene igho we uwa heene. Kasi nyoore heene nkutuna örë osohe mö-bhöhöru ubhwa amakora ghonswe igho, ghoota imighiro ighya Waryobha.”

Mataayo 5:22

Kasi bhoono öni nkobhatëëbhya ndë igha, motakaarererra ömöntö wowonswe oora. Hano moraarererre ömöntö wowonswe oora, ni-igha mushibhibhwi mo-bharasa. Na hano mwatoka ömöntö igha m-mushiimushiimu, na okomoroka amariina amaghogho, ni-igha mushibhibhwi mo-bharasa enene. Na hano moraareghe ömöntö wowonswe igho, na ökömötëëbhya igha, Waryobha amwihiime, hayö ni-igha motabhutwe mo-morro ghotakurima.

Mataayo 5:29

Hano iriiso iryaho irya bhoryo reraakokorerre okore ëbhëbhë, resomore oretabhute iyö. Nyakara obhorwe iriiso ko-kebhara kono, okore ömöbhërë ughwaho ghwonswe igho, ghotakaasha okotabhutwa mo-morro ghotakurima.

Maariko 9:47

Hano iriiso iryaho reraakokorerre okore ëbhëbhë, resomore. Nyakara osohe mo-Bhokama ubhwa Waryobha oona eketongʼo, okokera okobha na amaiso abhërë ghonswe igho, omare otabhutwe mo-morro ghotakurima.

Amangʼana agha Abhatomwa 14:22

Bhakaheta mu-mighi ghiyö bharatërëmya abheegha abha Yëësu, okore bhaghëndërri okobha na umukumo. Mbaabhatërëmyanga ko okobhatëëbhya igha, “Ni-igha tohetere mu-nyanko insharu, totaraasoha mo-Bhokama ubhwa Waryobha.”

Abhaëbhuraania 4:11

Mbe, tokore omotono ughwa okosoha mo-bhotooro muyö, okore ömöntö wowonswe igho atakaakerwa kya bhono bhaaghuuka abhëëtö bhaakërrwë ukwighwera Waryobha.

Okohonyora 21:27

Kasi ikinyanku kyokyonswe keera, tekeresoha mu-mughi muyö hë. Ömöntö wowonswe uwa amanyënyëëri handë omorongo, uyö taresoha-mo hë. Kasi abhantö bhano bharesoha mu-mughi ghuyö, m-baara urinyoora amariina aghaabho ghaandekwa mo-Ketabho ikya Öbhöhöru ikya Omoona Ringʼöndi.