Mataayo 18:20 - Imuuma Eehya

²⁰ Ko bhoora igha, hano bhasikana hamwë abhantö bhabhërë handë bhatatö ku iriina iryane, öni wonswe kunyoora örë hamwë ndë nabho.”

Mataayo 18:20 ပူးပေါင်းရင်းမြစ်များ

1 Abhakörintö 5:4

Hano mwaikomania hamwë ku iriina irya Omonene uwëëtö Yëësu Kiristo, öni wonswe nkunyoora örë enkoro iyaane n-hamwë ërë na bhëënyu. Kora na obhotoro ubhwa Yëësu Kiristo bhwonswe, nkunyoora örë hamwë bhörë na bhëënyu.

Okohonyora 21:3

Nkaighwa engamba enene, erarwera ku-kitumbë ikya ekekama eraghamba igha, “Taighwa! Waryobha hamwë amënyirë na abhantö abhaaye. Naraaikare hamwë nabho. Mbaraabhe abhantö abhaaye, wonswe naraabhe Waryobha uwaabho.

Mataayo 28:20

Möbhëëghi okoghoota ghonswe igho ghano naabharaghërrëëyi. Na öni, nendaabhenga hamwë na bhëënyu nkaagha syonswe igho, okohekera umuhiko ughwa ekebhara keno.”

Yohana 20:26

Hano sinsikö monaane syaahëtirë, okanyoora abheegha abha Yëësu bhaikomaini ghwiki mu-nyumba. Toomasi wonswe ho yaarë. Ebhesaku mbyaarenga bhisiikirwë, kamwë igho, bhakatookera Yëësu areemerra ghatëghatë iyaabho, akabhakëërya igha, “Mobhe na omorembe!”

Yohana 20:19

Abheegha abha Yëësu bhaaikomaini hamwë mu-nyumba, omoghoroobha ughwa urusikö ruyöruyö. Bhakasiika-ho ebhesaku, ko bhoora bhoobhohanga abhatangati abha Abhayahudi. Mbe, mbaatöökëëyë Yëësu aimërëëyë ghatëghatë iyaabho, akabhatëëbhya igha, “Mobhe na omorembe bhamurë.”

Okohonyora 2:1

Ömöntö uyö arëngë kya m-Moona uwa Ömöntö akaghëndërrya ököntëëbhya igha, “Andekera maraika uwa ekanisa iya Ëfësö, ömötëëbhi igha, Ghano ngo nkoghamba öni ono ngötërrëëyë sinyota muhungatë mo-kobhoko ukwane ukwa bhoryo. Öni nö-öni nkoghenda ghatëghatë iya ebhetangora muhungatë ibhya esahaabhu bheera ibhya okotoora-ko setara. Mwitegherre ghano nkobhatëëbhya.

Firimoni 1:2

Torakëërya na umusubhaati Afia, bhaana Arikipo umwitani murikyëtö uwa riihë irya okoraareka Amangʼana Amaiya agha Yëësu Kiristo. Torakëërya hamwë na abhakumya bhano bhakusikaneranga ka waaho kuyö.

1 Abhatësarönikë 1:1

Ritashandighi reno, nö-öni Pauro ndyandëkirë toona Siriwano hamwë na Timoteo. Ekanisa iya umughi ghono ghokobherekerwa igha Tësarönikë, m-bëënyu tukwandekera, abhantö bhano mukukumya Taata uwëëtö Waryobha na Omonene uwëëtö Yëësu Kiristo. Waryobha abhahaane örööbhö na omorembe.

Yohana 8:58

Yëësu akabhahonshora igha, “No-bhoheene nkobhatëëbhya igha, kora Ibhurahimu hano yaarenga atareebhorwa, öni ho naarenga.”

Mataayo 18:21

Mbe, Peetero akaghya ku-Yëësu, akamöbhöörya igha, “Omonene hano umukumya murikyane araansarri engʼana, mmwabhere karenga? Mwabhere hare muhungatë?”