Mataayo 17:4 - Imuuma Eehya

⁴ Peetero akatëëbhya Yëësu igha, “Omonene, ahasë hano n-haiya. Hano oraaikërri, nendaahaghaashe hano ibhighutu bhitatö. Ëkëmwë ikyaho, ikyëndë ikya Mosa, na ikyëndë ikya Ëriya.”

Mataayo 17:4 ပူးပေါင်းရင်းမြစ်များ

Mataayo 17:3

Kamwë igho, bhakamaaha Mosa bhaana Ëriya, bharashumaasha nawe.

Ruuka 9:33

Hano abhantö abhabhërë bhayö bhaatanoranga ukurwa ku-Yëësu hayö, Peetero akatëëbhya Yëësu igha, “Omonene uwëëtö, m-buuya bhëëtö tobhe hano. Tohaghaashe hano ibhighutu bhitatö, ëkëmwë ikyaho, ikyëndë ikya Mosa na ikyëndë ikya Ëriya.” Peetero yaaghambirë igho, kasi atamanyërrëëyi keno yaaghambanga.

Yohana 17:24

Abhantö bhayö waangʼaana Taata, nkwighomba ndë bhabhe hamwë na öni ahasë hano ndebhanga, okore bhamaahe ubhuhika ubhwane bhono waangʼaana, ko bhoora waanhanshirë, kora ekebhara keno ketaraabhombwa.

Yohana 7:2

Mbe, bhoono inyangi iya Ibhighutu ibhya Abhayahudi okanyoora ihikirë haangʼë.

Abhafiripi 1:23

Ndarutanwa ghatë iya amangʼana abhërë ghayö. Öni nkwighomba ndë igha, hano nkaarwa ko-kebhara kono, ngende kwikara hamwë na Kiristo. Ko-robhaara urwane, iyö yo engʼana inshiiya bhököngʼu.

1 Yohana 3:2

Abhaghonshe abhaane, ntomanyirë igha, bhoono m-baana abha Waryobha törë, kasi teraamanyekana bhuuya kya bhono torebha hë. Keno tomanyirë ni-igha, hano Yëësu Kiristo arikyora ko-kebhara kono, nturituubhana nawe, ko bhoora ntoremomaaha bhono arë.

Okohonyora 21:23

Umughi ghuyö, tëghötöndörrëywë na emerengaari ighya iryobha handë ighya umwëri, ko bhoora ubhuhika ubhwa Waryobha, mbwo bhokobharra umughi ghuyö, na Omoona Ringʼöndi we ëkëmörë.