Mataayo 17:3 - Imuuma Eehya

³ Kamwë igho, bhakamaaha Mosa bhaana Ëriya, bharashumaasha nawe.

Mataayo 17:3 ပူးပေါင်းရင်းမြစ်များ

Mataayo 17:2

Hano waanyöörrë bhakëërëngë ku-nguku kuyö, Yëësu akaisyörya ekesosa ikyaye. Ubhusyö ubhwaye, bhokarabherra kya iryobha, na singibho isyaye, sekamekameka kya emerengaari ighya iryobha.

Mataayo 17:4

Peetero akatëëbhya Yëësu igha, “Omonene, ahasë hano n-haiya. Hano oraaikërri, nendaahaghaashe hano ibhighutu bhitatö. Ëkëmwë ikyaho, ikyëndë ikya Mosa, na ikyëndë ikya Ëriya.”

Maariko 9:4

Ëriya bhaana Mosa, abharööti abha Waryobha abha kare, bhakabhabhooshokera, bhakashumaasha na Yëësu.

Ruuka 1:17

Enkoro iyaaye na obhotoro ubhwaye, mberebha kya ibhya Ëriya. Naretangatera Omonene, okore amösëëmëri abhantö. Ko bhoora nareghera senkoro isya abhaibhöri sighwerrane na isya abhaana abhaabho. Narekora abhamangarru bhakyore ko-bhongʼaini ubhwa abhantö abha heene ko-Monene Waryobha.”

Ruuka 16:16

“Amaraghërryö agha Mosa na amaandeko agha abharööti, mbyaabhatangatirë igho, okohekera ko-nkaagha iya Yohana Omobhatiisya. Ukusimirya hayö, Amangʼana Amaiya agha Obhokama ubhwa Waryobha, nkoraarekwa gharë, na abhantö bhonswe igho, nkokangʼasërribhwa bharë igha, bhasohe-mo.

Ruuka 24:27

Hayö ho yaabharaghërrëëyi amangʼana agha Kiristo, ghano yaandëkëëywë, akasimirya mo-Maandeko Amahörëëru ghano ghandëkirwë na Mosa, akaghëndërrya mo-Maandeko Amahörëëru ghonswe igho, na agha abharööti.

Ruuka 24:44

Akabhatëëbhya igha, “Ghano na-mangʼana ghaara naabhatëëbhyanga hano twaarë hamwë. Naabhatëëbhëri igha, ghonswe ghano naandekerwa ngarikora, ngakaabha amangʼana agha amaraghërryö ighya Mosa, amaandeko agha abharööti, hamwë na agha mo-Zabhuri.”

Ruuka 9:33

Hano abhantö abhabhërë bhayö bhaatanoranga ukurwa ku-Yëësu hayö, Peetero akatëëbhya Yëësu igha, “Omonene uwëëtö, m-buuya bhëëtö tobhe hano. Tohaghaashe hano ibhighutu bhitatö, ëkëmwë ikyaho, ikyëndë ikya Mosa na ikyëndë ikya Ëriya.” Peetero yaaghambirë igho, kasi atamanyërrëëyi keno yaaghambanga.

Yohana 1:17

Ko bhoora Waryobha yaarëëtirë amaraghërryö aghaaye ko okohetera Mosa, bhoono arëëtirë örööbhö na obhoheene ubhwaye ko okohetera ku-Yëësu Kiristo.