Mataayo 17:2 - Imuuma Eehya

² Hano waanyöörrë bhakëërëngë ku-nguku kuyö, Yëësu akaisyörya ekesosa ikyaye. Ubhusyö ubhwaye, bhokarabherra kya iryobha, na singibho isyaye, sekamekameka kya emerengaari ighya iryobha.

Mataayo 17:2 ပူးပေါင်းရင်းမြစ်များ

Mataayo 17:1

Hano syaahëtirë sinsikö isansabha, Yëësu yaaghëghirë Peetero, Yaakobho, na mura uwaabho Yaakobho ono yaabherekerwanga igha Yohana. Akariina nabho ku-nguku entambë, okore aikare nabho righara.

Mataayo 17:3

Kamwë igho, bhakamaaha Mosa bhaana Ëriya, bharashumaasha nawe.

Mataayo 28:3

Maraika uyö, yaangʼesangʼesanga kya ëkëmësyö ikya enkobha. Singibho isyaye, ne-ndabhu shaa syaarë.

Maariko 9:3

Singibho isyaye sekamekameka bhököngʼu, sekarabherra okokera bhono sekaafurrwë na umufuri uwa singibho wowonswe igho, ko-kebhara kono.

Ruuka 9:29

Hano yaahikirë iyö, akasimya okosaasaama Waryobha. Enkaagha eno yaasaasaamanga, ituubho iyaaye ekaisyörya. Singibho isyaye sekarabherra shaa, sekamekameka bhököngʼu.

Yohana 1:14

Mbe, uyö akobherekerwa igha Engʼana, yaabhaayë ömöntö, kora akaikara mö-bhëëtö. Tokamaaha ubhuhika ubhwaye, ubhuhika ubhwa Omoona umumwëmwë ono akurwa ko-Taata, aishööyë örööbhö na obhoheene.

Yohana 17:24

Abhantö bhayö waangʼaana Taata, nkwighomba ndë bhabhe hamwë na öni ahasë hano ndebhanga, okore bhamaahe ubhuhika ubhwane bhono waangʼaana, ko bhoora waanhanshirë, kora ekebhara keno ketaraabhombwa.

Abharuumi 12:2

Ku bhuyö, motakeegha seteemo isya abhantö abha ko-kebhara kono. Mutighe Waryobha abhasyöri senkoro isyënyu, okore mobhe na amaitegherro amahya. Hayö ho moreeghe, momanye keno Waryobha akobhatonera. Keno akobhatonera, na-mangʼana amaiya ghano ghahekerana, agha ökömötëghërya.

Okohonyora 10:1

Hano ghayö ghaahööyë, nkamaaha maraika uwöndë uwa obhotoro, araika ukurwa mu-ryobha. Maraika uyö, yaarenga aibhöhiibhwi amasaarö, na ko-motwe ughwaye, riitë irya abhaasi ryaarenga riköönyirë-ko. Ubhusyö ubhwaye, bhwaamësyamësyanga kya iryobha, na amaghörö aghaaye ngaarë kya imitimö gheno gheekoka omorro.

Okohonyora 20:11

Mbe, nkamaaha Waryobha aikaayë ku-kitumbë ekenene ekerabhu ikya ekekama. Mu-ryobha na ekebhara, bhekamwihëënërya-ho, kora tibhyamaahekana ghwiki hë.