Mataayo 16:4 - Imuuma Eehya

⁴ Bhëënyu nu-rwebhoro oroghogho mörë, kora temoona umukumo hë. Kiyö nkyo kekoghera moratuna rikono irya ekemanyërryö irya ököbhöörökya igha, nku-Waryobha naarwa. Tëmbööröki ekemanyërryö kyokyonswe keera hë, kasi ni-ikya ömörööti Yoona ikyene igho.” Mbe, Yëësu akatanora, akabhatigha hayö.

Mataayo 16:4 ပူးပေါင်းရင်းမြစ်များ

Mataayo 15:14

Mutighe, bhayö n-kya abhahukuru bhano bhakoraahuna abhahukuru bharikyabho. Umuhukuru hano yaraahuuna umuhukuru murikyaye, m-bonswe igho bhakoghwa mu-bhwina.”

Mataayo 16:5

Mbe, abheegha abha Yëësu bhakaamboka inyansha ukughya humbu, kasi okanyoora bhëëbhirë okoghegha emekaate.

Maariko 8:12

Yëësu akaighwa bhoghogho mo-nkoro iyaaye. Akabhabhöörya igha, “N-kwakë bhëënyu abhantö abha rekora reno, mukutuna ekemanyërryö? No-bhoheene nkobhatëëbhya igha, tëmbööröki ekemanyërryö kyokyonswe igho hë.”

Maariko 8:38

Ömöntö ono akoommaahera sënsöni öni na amangʼana aghaane, ko-nkaagha eno iya abhantö bhano bhakokora ëbhëbhë, uyö we öni Omoona uwa Ömöntö ndemaahera sënsöni ku-bhuhika ubhwa Taata, hano ndiisha ukurwa mu-ryobha, hamwë na abhamaraika abhahörëëru.”

Amangʼana agha Abhatomwa 18:6

Kasi Abhayahudi bhayö, bhakamunyeera senkaani na okomotoka, ku bhuyö akaghankamora singibho isyaye, na okobhatëëbhya igha, “Hano moraasire m-bëënyu abheene, taaho ömöntö ono amaanyinga aghaaye gharaanyiromberre hë! Tigha öni bhoono ngende okoraarekera Abhakyaro.”

Amangʼana agha Abhatomwa 2:40

Peetero akaghëndërrya okobhakangʼasërrya amangʼana amaaru, agha okobhakaania na okobharaghërrya. Akabhasaasaama ko okoghamba igha, “Mwikërri Waryobha abhatööri, okore murwe mo-rekora righogho reno, motakaasha ukushibhibhwa.”