Mataayo 16:23 - Imuuma Eehya

²³ Kasi Yëësu akaisyörrya Peetero, akamohonshora igha, “Ndwera-ho ghore Oghosambwa! Nkushaashya örë okondebherra, okore ntakaakora bhono Waryobha akutuna. Amaitegherro aghaaho ghayö, n-ga kinyabhantö, tegharëngë agha Waryobha hë.”

Mataayo 16:23 ပူးပေါင်းရင်းမြစ်များ

Mataayo 16:22

Mbe, Peetero akahira Yëësu mbareka, akamokaania aramötëëbhya igha, “Ore Omonene, Waryobha taatighe ghayö ghakunyoore hë!”

Mataayo 18:7

Haahö, bhëënyu abhantö abha ko-kebhara kono, ko bhoora amangʼana agha ukutimba, ngariisha. Amangʼana agha ukutimba ghayö, ni-igha ghaashe, kasi haahö, kö-möntö ono arereeta amangʼana agha ukutimba ghayö.

Mataayo 4:10

Kasi Yëësu akaghohonshora igha, “Ndwera-ho ghore Ghosambwa. Tenkosaasaame hë, ko bhoora yandëkirë mo-Maandeko Amahörëëru igha, ‘Ni-igha osaasaame Omonene uwaaho Waryobha, na ukumwighwera umwene igho.’”

Maariko 8:33

Kasi Yëësu akaisyörya, akamaaherra abheegha abhaaye. Akahamera Peetero igha, “Ndwera-ho ghore Oghosambwa! Amaitegherro aghaaho ghayö, n-ga kinyabhantö, tegharëngë agha Waryobha hë.”

Ruuka 4:8

Yëësu akaghohonshora igha, “Mo-Maandeko Amahörëëru yandëkirwë igha, ‘Ni-igha osaasaame Omonene uwaaho Waryobha, na ukumwighwera umwene igho.’  ”

Yohana 6:70

Ho bhoono Yëësu yaabhatëëbhëri igha, “Tenaabhashaaghora bhëënyu ikömi na bhabhërë? Kasi ömwë mö-bhëënyu muyö, aamo uwa Oghosambwa.”

Abharuumi 14:13

Ku bhuyö ni-igha, tutighe okotemana amasoro, kora totakaakora kyokyonswe igho, keno keraakore umukumya murikyëtö aituuretuure, handë ikya okoghera akore ëbhëbhë.

Abharuumi 14:21

Nyakara utighe okorya inyama na ukunywa idivai, handë okokora kyokyonswe keera kikutimba murikyaho.

Abhafiripi 3:19

Abhantö bhayö mbarekamba bhasikibhwi, ko bhoora bhaakora igha, oronamba urwabho ndwo waryobha uwaabho. Amangʼana agha sënsöni ghano bhakokora igha ngo bhakwiheemera. Amangʼana ghano bhakwitegherra na-agha ko-kebhara kono.

Abhakorosaai 3:2

Motemerenga omotwe ghano gharëngë mu-ryobha, motakaaitegherra amangʼana agha ko-kebhara kono.