Mataayo 15:32 - Imuuma Eehya

³² Ho Yëësu yaamarrë, akabherekera abheegha abhaaye, akabhatëëbhya igha, “Urusikö rono, nu-urwa katatö, abhantö bhano bharëngë hamwë na bhëëtö, bhoono tebhaana ibhyakorya bhyobhyonswe igho hë, nkobhaabhera ndë. Tinkutuna okoraghana nabho bhaghende waabho bhasëngëëyë igho, ko bhoora bharatora okoghwa ko-nshera.”

Mataayo 15:32 ပူးပေါင်းရင်းမြစ်များ

Mataayo 12:40

Kya bhoora Yoona yaabhaayë mo-nda iya ughuswë ku-sinsikö isatö, omobhasö na ubhutikö, ni-igho öni Omoona uwa Ömöntö ndebha mo-mbeehera sinsikö isatö, omobhasö na ubhutikö.

Mataayo 14:13

Hano Yëësu yaaighuurë igha, Yohana aitirwë, akariina mu-bhwato akarwa hayö, akaghya ahasë hano abhantö bhatarë. Hano rikomo irya abhantö ryaangʼurrë hano akughya, rekarwa mu-mighi ghiyö, rekamosoorana rwa maghörö.

Mataayo 15:33

Abheegha abhaaye bhayö bhakabhöörya Yëësu igha, “Bhoono uwe nkokanya örë igha, ntunyoora emekaate ighya ukwisa abhantö bhangʼana hano bhonswe igho mwi-sisi mono?”

Mataayo 20:34

Yëësu akabhaabhera, akabhakunia ko-maiso aghaabho. Kamwë igho, amaiso aghaabho ghakaramökya, bhakahwena, bhakasoorana Yëësu.

Mataayo 27:63

Bhakatëëbhya Piraato igha, “Omonene, torahiita igha, enkaagha eno omongʼaini ono waanyöörrë akërëngë möhöru, yaaghambirë igha, ‘Nindiryoka urusikö urwa katatö.’

Mataayo 9:36

Hano yaarööshë abhantö abhaaru bharösirë, tebhaana uwa okobhatöörrya hë, akabhaabhera. Mbaarë kya amangʼöndi ghano ghataana ömörëësya uwa okoghangarra.

Maariko 9:22

N-kaaru risambwa riyö rekomorekeranga mo-morro handë mo-manshë, okore rimwite. Bhoono nyoore notora okokora ryoryonswe igho, twabhere, ötötöörri.”

Ruuka 7:13

Hano Omonene Yëësu yaarööshë umusinö uyö, akamwabhera. Akamötëëbhya igha, “Kira, otakaakuura.”

Amangʼana agha Abhatomwa 27:33

Mbe, hano öröghörö rwaasambirë, Pauro akatërëmya bharikyaye bhayö bhonswe igho, ko okobhatëëbhya igha, “Mwamarrë sinsikö ikömi na inye, motakomeena ëkëntö kyokyonswe igho.

Abhaëbhuraania 4:15

Momanye igha, uyö we Omonene uwa abhasëngëri, ono akotora ököghömërrania na bhëëtö kya igho törë, ko bhoora yaashaashwa ko mangʼana ghonswe igho kya bhëëtö, kasi tiyaakörrë ëkëbhë kyokyonswe igho hë.