Mataayo 15:14 - Imuuma Eehya

¹⁴ Mutighe, bhayö n-kya abhahukuru bhano bhakoraahuna abhahukuru bharikyabho. Umuhukuru hano yaraahuuna umuhukuru murikyaye, m-bonswe igho bhakoghwa mu-bhwina.”

Mataayo 15:14 ပူးပေါင်းရင်းမြစ်များ

Ruuka 6:39

Yëësu akabharëngërya ëkërëngyö keno igha, “Umuhukuru natora okoraahuna umuhukuru murikyaye? Ndamanya hano araamoraahuune, m-bonswe igho bharaaghwe mu-rirooma!

Yohana 9:39

Mbe, Yëësu akaghamba igha, “Öni naasha ko-kebhara kono okobhotora ibhiina, okore abhahukuru bhamaahe, na bhano bhakomaaha, bhahukure.”

1 Timoteo 6:5

Kora nkoghera gharë abhantö bhanga ukwighwerrana. Abhantö kya bhayö, emetwe ghyabhasarekera, tebhaana obhoheene hë. Nkokanya bharë igha, okosooka Waryobha ne-nshera iya okoneebhera-mo.

2 Peetero 2:1

Kasi ko-nkaagha eera iya abharööti abha Isiraëri, bhaibhökirë abharööti abha obhorongo. Ni-ighoigho erebha kö-bhëënyu igha, abhëëghya nyangasheka mbaryebhoka. Abhantö bhayö, mbarësöhya amëëghyö agha ukusirya abhantö, na mbaryanga Omonene ono yaabhatungurya. Ko okokora igho, mbareghera ukusika ukwabho kobhangohere.

2 Peetero 2:17

Abhantö bhayö n-kya ibhisima bheno bhetaana amanshë, n-kya indumbë eno ikuhuushwa na ikighumbë. Ahasë aha ikisuntë ekenene ho Waryobha yaabhasëëmërya.

Okohonyora 19:20

Kasi ughutyënyi ghuyö hamwë na ömörööti uwaaye uwa obhorongo oora yaaghökörëëyë amakono, bhaaghëghirwë këghötërëëyë. Ko amakono aghaaye ghayö, ömörööti uyö, yaangʼainirë abhantö bhano bhaarë na ekemanyërryö ikya ughutyënyi ghuyö, na bhano bhaasengerranga ritöndö iryagho. Bhonswe igho bhabhërë bhayö, mbaatabhutirwë bharëngë bhahöru mu-nyansha eno ikwibhugha omorro na ubhurutu ubhwa ikibhiriiti.

Okohonyora 22:15

Kasi abhaturutumbi bhonswe igho, abhasooraare, abhaiti abha abhantö, bhano bhakosengerra ëbhëtöndö, na bhonswe igho bhano bhakorongoha, mbarebha kebhara iya umughi ghuyö, kya sësëësë.