Mataayo 14:3 - Imuuma Eehya

³ Herode yaaghambirë igho, ko bhoora yaaghöötirë Yohana, akamotoora mo-kebhohe. Yaamöbhöhirë ko okoghera iya amangʼana ghano Yohana yaaghambirë, agha Herode okoteta Herodia, na mbe kare hayö, Herodia m-mokwe uwa Herode yaarë, ko bhoora yaarenga atëtirwë na Firipö mura uwaabho Herode uyö.

Mataayo 14:3 ပူးပေါင်းရင်းမြစ်များ

Mataayo 11:2

Enkaagha eno Yohana Omobhatiisya yaarë mo-kebhohe, yaaighuurë amangʼana ghano Kiristo yaakoranga. Ku bhuyö akatomana-yo abheegha abhaaye

Mataayo 14:6

Enkaagha iya inyangi iya ukwebhorwa ukwa Herode, mohara uwa Herodia akabhina akatëghërya Herode na abhaghëni abhaaye bhayö yaaraarëkirë.

Mataayo 4:12

Mbe, hano Yëësu yaaighuurë igha, Yohana Omobhatiisya arëngë mo-kebhohe, akarwa hayö, akaghya mo-mokowa ughwa Ghariraaya.

Maariko 6:14

Omokama Herode Antipa uwa ikyaro kiyö, yaaighuurë amangʼana agha Yëësu ko bhoora Yëësu yaamanyekaini ahasë honswe igho. Abhandë bhaaghambanga igha, “Uyö n-Yohana Omobhatiisya we aryökirë ukurwa mo-bhaku, kiyö nkyo kekoghera aana obhotoro ubhwa okokora amakono ghayö.”

Maariko 6:17

Herode Antipa, yaarenga aitëtëri Herodia mokaa mumura uwaabho ono yaabherekerwanga igha, Firipö. Yohana Omobhatiisya uyö, yaatëëbhyanga Herode igha, “M-mughiro ukuruusya mura uwëënyu mokaaye, na ambe mura uwëënyu taraakwa hë.” Amangʼana ghayö ghakaghera Herodia akarererra Yohana Omobhatiisya, kora akatuna enshera iya ukumwita, kasi tiyaaghinyöörrë hë. Ku bhuyö Herode Antipa akatoma abhasirikare bhaghoote Yohana bhamotoore mo-kebhohe. Yaamorendanga okore Herodia atakaamwita, ko bhoora yoobhohanga Yohana Omobhatiisya igha, m-möntö uwa heene kora m-möhörëëru. Herode Antipa yaahanshirë bhököngʼu ukwitegherra Yohana, kasi hano yaamaranga ukumwitegherra, yaaighwanga bhoghogho bhököngʼu mo-nkoro iyaaye.

Maariko 6:22

Hano waanyöörrë abhaghëni bhaikaayë mu-nyangi hayö, mwisëkë uwa Herodia akasoha akabhina. Herode Antipa na abhaghëni abhaaye bhonswe igho bhakashomerwa. Ku bhuyö omokama akatëëbhya umwisëkë uyö igha, “Nsabha kyokyonswe igho keno ukutuna, nendaakohaane.”

Maariko 8:15

Mbe, Yëësu akabhatëëbhya igha, “Mwiyangarre na ehamiira iya Abhafarisaayo, bheena iya omokama Herode Antipa.”

Ruuka 13:1

Enkaagha iyö, abhantö bhaatëëbhëri Yëësu kya bhoora Piraato yaitirë Abhaghariraaya nyabhorebhe. Amaanyinga agha abhantö bhayö, akaghaishooghania na amaanyinga agha situgho isya ikimwenso keno bhaamwenseranga Waryobha.

Ruuka 13:31

Ko-nkaagha iyöiyö, Abhafarisaayo nyabhorebhe, bhaaghëëyë ku-Yëësu, bhakamötëëbhya igha, “Tanora urwe hano, oghende ahasë ahandë, ko bhoora, omokama Herode Antipa, nkutuna arë akwite.”

Ruuka 23:11

Herode na abhasirikare abhaaye, bhonswe bhakasimya ukumushabhura, kora bhakamötöörya singibho isya ekekama. Hano bhakomara, bhakamukyörya ghwiki ku-Piraato.

Ruuka 23:7

Na hano yaamanyirë igha m-Moghariraaya uwa kö-bhötöngi ubhwa Herode Antipa, akabhatoma bhamuhire ko-Herode, ko bhoora enkaagha iyö, Herode Yërusarëëmu hayö yaarë.

Ruuka 3:1

No-mooka ughwa ikömi na kataano ghwaarë, ughwa öbhötöngi ubhwa Kaisaari Tibhërio. Pontio Piraato nö-mötöngi uwa Yudea yaarë. Herode Antipa, we yaatonganga omokowa ughwa Ghariraaya. Firipö mura uwaabho Herode, we yaatonganga omokowa ughwa Iturea na ughwa Tiraköniti. Risania umwene yaatonganga omokowa ughwa Abhirene.

Ruuka 8:3

Yoana mokaa Kuza wonswe ho yaarë. Kuza uyö, we yaarë umwimërërri uwa ëbhëntö ibhya omokama Herode Antipa. Yaare-ho Susana, na abhakari abhandë abhaaru. Abhakari bhayö, mbaasororanga ëbhëntö ibhyabho, kö ökötöörya Yëësu na abheegha abhaaye.

Amangʼana agha Abhatomwa 12:1

Ko-nkaagha iyö, omokama Herode Aghiripa uwa mbere, akasimya ukunyankya abhantö abha ekanisa.

Amangʼana agha Abhatomwa 4:27

“M-maheene, amangʼana ghayö ngaaikörrë mu-mughi monomono. Omokama Herode Antipa, na Pontio Piraato, bhaasikaini hamwë na Abhakyaro, na Abhaisiraëri, okore bharebherre Yëësu, ömököri uwa emeremo uwaaho, umwahorwa ömöhörëëru.