Mataayo 13:47 - Imuuma Eehya

⁴⁷ Yëësu akabharëngërya ëkërëngyö ikyëndë igha, “Ghwiki Obhokama ubhwa Waryobha mbonga righokooro. Abhantö nkotegha bharë mo-manshë bhaghöötya sinswë isya teemo nsharu.

Mataayo 13:47 ပူးပေါင်းရင်းမြစ်များ

Mataayo 13:44

Yëësu akaghëndërrya ukwëghya. Akabhatëëbhya igha, “Obhokama ubhwa Waryobha, mbonga ëkëntö ikya öbhöghöri keno kyaabhisirwë kö-möghöndö. Hano ömöntö uwöndë yaakërööshë, akakibhisa ghwiki. Akashomerwa, akakora omotono ughwa ököghörya ëbhëntö ibhyaye bhyonswe igho, akaghoghora.”

Mataayo 13:46

Hano yaaghërööshë, akaghörya ëbhëntö ibhyaye bhyonswe igho bheno yaarë nabhyo, akaghora iruuru iyö.”

Mataayo 13:48

Kasi hano ryaghöötya sinswë, abhatëghi nkuriruta bharë rihika ko-morambo. Mbe, bhoono bhashaaghora sinswë sinshiiya, bhasetoora mo-kekapo, na sinswë sengogho bhasetabhuta.

Mataayo 4:19

Yëësu akabhatëëbhya igha, “Monsoorane, mobhe abheegha abhaane. Nendaabhëëghi ököghöötya abhantö, kya bhono mwaarë ököghöötyanga sinswë.”

Maariko 1:17

Yëësu akabhatëëbhya igha, “Monsoorane, mobhe abheegha abhaane. Nendaabhëëghi ököghöötya abhantö, kya bhono mwaarë ököghöötyanga sinswë.”

Ruuka 5:10

Yaakobho na Yohana bhamura abha Zebhedaayo, bhano bhaarë mu-bhwato ubhwöndë, mbaarë na öbhömwë na Simööni ko-mangʼana agha öbhötëghi. Abheene bhonswe, ghayö ngaabharöghöörri. Yëësu akatëëbhya Simööni igha, “Uwe otakoobhoha. Uwe m-möghökööri uwa sinswë örë, kasi ukurwa reero, na-bhantö oraaghokoorenga.”

Yohana 15:2

Kera risagharya reno retakwama sehagho na mbe nku-öni rërë, Taata nkuriruusya arë ku-öni. Kasi kera risagharya reno rikwama sehagho, Taata nkoreharörrya arë, okore ryame bhököngʼu.

Yohana 15:6

Ömöntö wowonswe ono ataana öbhömwë na öni, uyö natuubhaini na risagharya reno resabhööywë, retabhutirwë kora ryömirë. Mbe, ömöntö nkobhoosha arë risagharya kya riyö, aretabhuta mo-morro, rerongora.

Amangʼana agha Abhatomwa 20:30

Kora mö-bhëënyu monomono, mbaryebhoka-mo abhantö bhano bharëtëëya amangʼana agha obhoheene okore bhangʼöröngʼööbhi Abhakiristo, bhabhasoorane.

1 Abhakörintö 11:19

Ko bhoora ni-igha ukwahokana kobhe mö-bhëënyu, okore bhamanyekane bhano bhaikërribhwa na Waryobha.

2 Abhakörintö 11:26

Okoghenda kono naaghendanga ndaraareka engʼana iya Waryobha, nkwaarë na ibhiituurotuuro ibhyaru. Naanyöörrë inyanko iya ököhëtibhwa na imyoro, amajambaazi, inyanko ko-Bhayahudi bharikyane, inyanko ko-Bhakyaro. Naanyöörrë inyanko mu-mighi, inyanko mo-masisi, inyanko mu-nyansha, inyanko iya abhahiiri abharongo.

Abhagharatia 2:4

Engʼana iya okosaarwa iyö, yaabhöriibhwi na abhantö bhano bhaaikoranga igha m-basoorani abha Yëësu, kasi mbaaibhumburrë-mo kwa bhongʼaini, okore bhaitaahe öbhötöönööni ubhwëtö bhono Kiristo Yëësu yaatohaana. Keno bhaatunanga, no-kotokora tobhe abhaghorwa abha amaraghërryö agha Mosa.

Okohonyora 3:1

Mbe, ömöntö uyö arëngë kya m-Moona uwa Ömöntö akaghëndërrya okoghamba igha, “Andekera maraika uwa ekanisa iya Saridi, ömötëëbhi igha, Öni nö-öni nkotongera Imiika muhungatë abha Waryobha, na nö-öni neena sinyota muhungatë seera. Mwitegherre ghano nkobhatëëbhya! Nemanyirë amangʼana aghëënyu ghonswe igho, monga kya abhahöru, kasi mwamara ukukwa.