Mataayo 13:27 - Imuuma Eehya

²⁷ “Abhaghorwa bhakaghya ko-monene uwaabho bhakamötëëbhya igha, ‘Omonene, ne-ngano iyeene yo twëëmëri kö-möghöndö kya bhoora waatoraghërrëëyi igha tokore. Kasi bhoono tetomanyirë hano ëntöki irwërëëyë eno ituubhaini kya engano.’

Mataayo 13:27 ပူးပေါင်းရင်းမြစ်များ

Mataayo 13:25

Kasi umubhisa akaasha ubhutikö bharaayë, akëëmya ëntöki mö-möghöndö muyö bhaarenga bhëëmëri engano. Hano umubhisa uyö yaamarrë ukwëmya-mo ëntöki, akarwa-mo.

Mataayo 13:26

Hano engano eera yaamërrë, ekakiina, ekasimya kosamunsa, ëntöki eno yaatuubhaini kya engano yonswe ekasamunsa.

Mataayo 13:28

“Omonene uwaabho akabhahonshora igha, ‘Uyö nu-mubhisa we akörrë ghayö.’ “Abhaghorwa bhakamöbhöörya igha, ‘Ni-igha toghende twihe-mo ëntöki eera?’

Mataayo 20:1

Yëësu yaarëngëri ëkërëngyö keno igha, “Obhokama ubhwa Waryobha, mbonga kya ömöntö ono yaarë na ömöghöndö, akamuta nyinkyo shiri, ukughya kutuna abhantö abha okomokorra emeremo kö-möghöndö ughwaye ughwa emezabhibhu.

Abharuumi 16:17

Bhoono abhakumya bharikyëtö, ndabhasaasaama igha, mwiyangarre ko-bhantö bhaara bhakwëghya amëëghyö agha ukunyaraghania abhantö. Amëëghyö ghayö, kora nkosarya gharë umukumo na seteemo isya abhantö. Abhantö kya bhayö, mobhahete hare, ko bhoora amëëghyö ghaabho teghanga kya ghaara mwëghibhwa hë.

1 Abhakörintö 16:10

Hano Timoteo arihika hayö, muushe kömösërëënia bhuuya, okore atakaabha na entarëki yoyonswe eera, ko bhoora nkokora arë emeremo ighya Omonene kya bhono öni wonswe nkoghekora.

2 Abhakörintö 6:1

Mbe, ko bhono tokokora emeremo hamwë na Waryobha, ku bhuyö nkobhasaasaama törë igha, örööbhö urwa Waryobha rono mwanyoora, rotakaaheta bhosa.

2 Abhakörintö 6:4

Kasi nkwörökya törë abhantö ko amangʼana ghonswe igho igha, bhëëtö, m-baköri abha emeremo abha Waryobha törë. Nkokora törë igho, kö ököghömërrya bhököngʼu, amateeso na inyaanyi, na amangʼana amaköngʼu.

Yaakobho 4:4

Bhëënyu tëmörëngë abhantö abha heene ku-Waryobha hë, n-kya abhakari abhasooraare mörë. Kasi temomanyirë igha hano ömöntö yaghootana obhosaani na ekebhara, nkobha arë umubhisa uwa Waryobha? Ömöntö wowonswe ono araatune okoghootana obhosaani na ekebhara, uyö nkobha arë umubhisa uwa Waryobha.