Mataayo 13:23 - Imuuma Eehya

²³ Kasi ëkërëngyö ikya seheke isya imbusiro seera syaaghööyë mu-rirobha iriiya, siyö m-baara bhakwighwa engʼana iya Obhokama ubhwa Waryobha, bhaghemanya. Bhayö mbo bhakwama righana, merongo esansabha, na merongo etatö.”

Mataayo 13:23 ပူးပေါင်းရင်းမြစ်များ

Mataayo 12:33

Yëësu akaghëndërrya okoghamba igha, “Ömötë umuuya, sehagho isyako syonswe ni-nshiiya. Kasi ömötë omoghogho, sehagho isyako syonswe ne-ngogho. Ku bhuyö ömötë umuuya handë omoghogho, nkoghomanyera örë ko-sehagho isyako.

Mataayo 13:8

Kasi seheke isyëndë sekaghwa mu-rirobha iriiya. Sekakiina, sekahera, sekaama, sekagheswa. Eheke ëmwë yaagheswanga-ko righana, isyëndë merongo esansabha na isyëndë merongo etatö.

Mataayo 3:10

Ikisirë haangʼë kërë okogheesha ëmëtë. Na ömötë ghoghonswe ghono ghotaana sehagho sinshiiya, ngoraagheeshwe, ghobhotorwe bhotorwe, ghotabhutwe mo-morro.”

Mataayo 3:8

Nyoore m-maheene igha nkutuna mörë mbabhatiisi, ëkëntö ekenene ni-igha, mokorenga amangʼana ghano ghakwörökya igha, möhöngööyë ëbhëbhë ibhyënyu.

Maariko 10:15

No-bhoheene nkobhatëëbhya igha, ömöntö ono atakwikërrya Öbhötöngi ubhwa Waryobha kya omoona omoke bhono akukumya, taatore okosoha mo-Bhokama ubhwa Waryobha hë.”

Maariko 4:20

Kasi abhandë, mbatuubhaini na rirobha iriiya. Bhayö hano bhaighwa engʼana iyö, nkogheghoota bharë, ëmwë yaama sehagho merongo etatö, iyëndë merongo esansabha, na kora iyëndë righana.”

Ruuka 13:9

Hano ghuryama, m-buuya. Hano ghuryanga ukwama, bhoono oghogheeshe.’ ”

Ruuka 8:15

“Kasi simbusiro seno syaatöönyirë mu-rirobha iriiya, siyö na-bhantö bhano bhakwighwa engʼana iya Waryobha. Hano bhamara ukughitegherra, bhaghetoora mo-senkoro isyabho sinshiiya, na eno bharaghëndërrya okoghenaghya. Bhayö mbo bhakobha na örööbhö senkaagha syonswe igho.

Ruuka 8:8

“Syaare-ho isyëndë seno syaaghööyë ku-rirobha iriiya. Sekamera na ukukiina bhuuya, sekaama bhököngʼu!” Hano Yëësu yaamarrë okobharëngërya ëkërëngyö kiyö, akaghamba bhököngʼu igha, “Ömöntö wowonswe ono aighuurë ghayö ngambirë, aghaitegherre bhuuya.”

Yohana 15:16

Të-bhëënyu mwaanshaaghora hë, kasi nö-öni naabhashaaghora. Mbatöörrë-ho igha, moghende mwame sehagho seno setakohwa, okore kyokyonswe igho keno moresabhanga Taata okohetera ku iriina iryane, narebhahaana.

Yohana 8:47

Ono arëngë uwa Waryobha nkwighwa arë amangʼana aghaaye. Ensonga iya bhëënyu ukwanga koghoota ghano Waryobha akoghamba n-ko bhoora igha bhëënyu, tëmörëngë abhantö abhaaye hë.”

Amangʼana agha Abhatomwa 16:14

Mo-bhantö bhano bhaatwitegherranga, yaare-mo omokari uwöndë uwa umughi ughwa Tiyatira, ono yaabherekerwanga igha Ridia. Ridia m-möhönia yaarë uwa singibho sinshiiya isya erangë këësërö, omokari uyö, yaasookanga Waryobha. Omonene Yëësu akaghoota enkoro iya Ridia, enkaagha eno yaaitegherranga amangʼana ghano Pauro yaaghambanga. Akakumya amangʼana ghayö, akabhatiisibhwa.

Amangʼana agha Abhatomwa 17:11

Abhabheerooya bhayö, m-bantö abha heene bhaarë okokera Abhatësarönikë. Ko bhoora bhaaghöötirë engʼana iya Waryobha ko motono, bhakabha bharitaaha mo-Maandeko Amahörëëru sinsikö syonswe igho, okore bhamaahe nyoore amangʼana ghayö Pauro akoghamba m-maheene!

2 Abhakörintö 9:10

Waryobha we akohaana abhantö imbusiro, bhëmya, na ibhyakorya ibhya okorya, naraabhaane imbusiro insharu iya ukubhusura, igha, naraabhakore mobhe abhantö abha heene ko okohaana abhantö ëbhëntö.

Abhafiripi 1:11

Öbhöhöru ubhwënyu mburishore amangʼana agha obhoheene ghano ghakotooka okohetera ku-Yëësu Kiristo. Ëkëntö kiyö nkeraaghere Waryobha atöönibhwi na ukukumibhwa ko-ghayö.

Abhafiripi 4:17

Motakaakanya igha nkobhatëëbhya ndë igho, okore möghëndërri okondeetera ëbhëntö, ti-igho hë. Kasi keno nkutuna ni-igha, Waryobha abhangʼoore okohetera ökösërëënia ukwënyu.

Abhakorosaai 1:10

Amangʼana ghayö, ngo tokobhasabhera, okore mobhe na eteemo eno Omonene Yëësu akutuna igha abhantö abhaaye bhabhe nayo. Mbe, hayö ho moraamötëghëri, ko mangʼana amaiya ghonswe igho ghano mokokora, kora ho moraamanye Waryobha bhököngʼu.

Abhakorosaai 1:6

Amangʼana Amaiya ghayö mwaatëëbhiibhwi, nkoromaana gharë ko-kebhara kyonswe igho. Kora nköghëndërrya gharë ukusyörya seteemo isya abhantö, okore bhatëghëri Waryobha. Engʼana iyö, n-kya bhono yaabhaayë kö-bhëënyu ukusimirya hano mwaaighuurë Amangʼana Amaiya agha örööbhö urwa Waryobha, mokamanya bhuuya kya igho örööbhö urwaye urwa heene rörë.

1 Abhatësarönikë 4:1

Bhoono abhakumya bharikyëtö, mwaamaahera kö-bhëëtö kya bhono ikutunwa ukwikara bhuuya, okore mötëghëri Waryobha. M-maheene ni-igho mokokora. Torabhasabha na okobhasaasaama ku ubhwera ubhwa Omonene Yëësu igha, möghëndërri bhököngʼu okokora igho.

2 Abhatësarönikë 2:10

Narebhangʼaina ko obhongʼanangʼana ubhwaru, bhonswe igho bhano bharëngë ko-bhesendo ibhya ukusira, ko bhoora bhakwanga ukwikërrya obhoheene, okore bhatööribhwi.

Abhaëbhuraania 4:2

Momanye igha kora bhëëtö bhonswe ntwaraarekerwa amangʼana amaiya kya bhaaghuuka. Kasi amangʼana ghaara bho bhaaraarëkëëywë, teghabhaayë na ubhwera hë, ko bhoora tebhaghakumiri hë.

Abhaëbhuraania 6:7

Rirobha reno rekoteerwa imbura hare kaaru, nköhëësya rërë ibhyakorya bhëtöörya abharëmi, Waryobha nkongʼoora arë rirobha riyö.

Abhaëbhuraania 8:10

Imuuma Eehya, eno ndekora na Abhaisiraëri ko-nkaagha iyö ikuusha, yo eno, nendetoora amaraghërryö aghaane mo-maitegherro aghaabho, nendeghaandeka mo-senkoro isyabho. Hayö ho ndebha Waryobha uwaabho, nabho mbarebha abhantö abhaane. Ni-igho Omonene Waryobha akoghamba.

2 Peetero 3:18

Kasi möghëndërri okobha mö-rööbhö, mo-bhomanyi ubhwa okomanya Omonene uwëëtö, Ömötöörya uwëëtö Yëësu Kiristo. Atöönibhwi, bhoono igho, na amakora ghonswe igho! Amina.

1 Yohana 5:20

Ghwiki ntomanyirë igha, Omoona uwa Waryobha yaamara ukuusha ko-kebhara kono, yaatohaana obhongʼaini ubhwa okomanya Waryobha ubhwa heene. Ntoona öbhömwë na Waryobha uwa heene, ko okohetera kö-bhömwë ubhwëtö na Yëësu Kiristo Omoona uwaaye. Yëësu Kiristo uyö, we Waryobha uwa heene, na uwa öbhöhöru ubhwa amakora ghonswe igho.