Mataayo 13:21 - Imuuma Eehya

²¹ Kasi nkukumya arë engʼana iya Obhokama ubhwa Waryobha iyö ibhagha ike igho, ko bhoora umukumo ughwaye ghotahirrë imiri bhököngʼu. Mbe, hano amangʼana ghamokongʼera handë amateeso ghaashe ko okoghera iya engʼana iyö, n-kamwë igho akutigha ukukumya Waryobha.

Mataayo 13:21 ပူးပေါင်းရင်းမြစ်များ

Mataayo 10:22

Abhantö mbarebharegha hasë honswe igho, ko bhoora igha, m-beegha abhaane mörë. Kasi ono arëghömërrya okohekera ku-muhiko, Waryobha narëmötöörya.

Mataayo 11:6

Nyakara ömöntö ono aköghëndërrya ukunkumya.”

Mataayo 13:20

Ëkërëngyö ikya seheke seera syaaghööyë ku-ritare, siyö nö-möntö oora akwikërrya engʼana iya Obhokama ubhwa Waryobha, na ukushomerwa bhöngöbhöngö.

Mataayo 13:57

Bhakamorererra, bhakaanga ukumukumya. Kasi Yëësu akabhatëëbhya igha, “Ömörööti nkosookwa arë ahasë honswe igho. Kasi ahasë hano atakosookwa, mu-kyaro ikyabho, na mo-bhantö abhaaye umwene.”

Mataayo 13:6

Kasi hano omobhasö ghwaabharrë, sekooma ko bhoora setaarenga sihirrë bhököngʼu imiri.

Mataayo 24:13

Kasi ömöntö ono arëghömërrya okohekera ku-muhiko, uyö we Waryobha arëtöörya.

Mataayo 26:31

Mbe, ho Yëësu yaamarrë, akatëëbhya abheegha abhaaye igha, “Bhëënyu bhonswe igho, moraashe mongʼose muntighe öni umwene ubhutikö ubhwa reero. Neraabhe kya bhoora Waryobha yaaghambirë mo-Maandeko Amahörëëru igha, ‘Nendaateme omonaghya, amangʼöndi ghanyaraghane.’”

Mataayo 26:33

Amangʼana ghayö ghakaghera Peetero akatëëbhya Yëësu igha, “Mbakaangʼosa bhonswe igho, kasi öni tinkutighe hë.”

Maariko 4:17

Kasi ko bhono bharëngë kya ömöröngö ghono ghotahirrë imiri, hano inyanko yabhanyoora ko okoghera iya engʼana iyö, nkutigha bharë umukumo ughwabho kamwë igho.

Ruuka 8:13

“Na simbusiro seno syaatöönyirë ku-rirobha irya ku-ritare, siyö na-bhantö bhano bhakwitegherra engʼana iya Waryobha, bhashomerwa, bhakumya enkaagha enke igho. Kasi hano bhashaashibhwa bhaghitigha, mbatuubhaini kya ëmëröngö gheno ghetahirrë imiri mu-rirobha.

Yohana 6:26

Yëësu akabhahonshora igha, “No-bhoheene nkobhatëëbhya igha, nemanyirë keno mokontonera. Nkuntuna mörë te-ko bhoora igha momanye ensonga iya ebhemanyërryö ibhya amakono bheno naakora, kasi n-ko bhoora naabhahaayë emekaate, mokarya, mokeeghota.

Abharuumi 2:7

Abhantö bhano arehaana öbhöhöru ubhwa amakora ghonswe igho, m-mbano bhaana omotono ughwa okokora amangʼana amaiya. Ko bhoora nkutuna bharë ubhuhika, esooko na öbhöhöru bhono bhotakosareka.

Abhagharatia 5:6

Mbe hano oraanyoore igha ntoghootaini na Kiristo Yëësu, okosaarwa, handë ukwanga okosaarwa, tekoona omoremo ghoghonswe igho hë, ekenene, nu-mukumo ghono ghokokora emeremo ku righonshe.

Abhagharatia 6:12

Abhantö bhayö bhakobhasingʼirrya igha mosaarwe, keno bhakutuna no-kosookwa na Abhayahudi. Bharatuna bhaibhashe, okore bhatakaanyankibhwa na Abhayahudi, ko okoghera iya amangʼana ghano bhakoraareka agha omosarabha ughwa Kiristo.

Abhagharatia 6:15

Okosaarwa handë ukwanga okosaarwa, ghonswe igho teghaana ubhwera bhwobhwonswe bhoora hë. Ëkëntö ekenene, no-kobhombwa bhohya na Waryobha.

Abhaëfësö 3:17

okore Yëësu Kiristo amenye këmwë mo-senkoro isyënyu ku umukumo ghono moonagho. Ndabhasabha igha, möghëndërri okohanshana. Righonshe n-kya imiri, imiri nkokora ghërë ëmëtë ghenagha, kora ghwiki n-kya inyumba eno ehaghaashirwë ku-musingi.

Abhafiripi 1:6

Neena obhoheene igha, Waryobha ono yaasyora emeremo imiiya mo-senkoro isyënyu, naraaghëghëndërri, kora nareghemarërrya urusikö roora Kiristo Yëësu arikyora.

2 Timoteo 1:15

Uwe nomanyirë igha, abhantö bhonswe igho abha mo-mokowa ughwa Asia Enke bhantigha. Mo-bhayö, bhaamo bhaabho Fughero na Herimoghene.

2 Timoteo 4:10

ko bhoora Dema, yaantigha. Dema uyö, yaahansha amangʼana agha ko-kebhara kono, akamaaha igha aghende mu-mughi ughwa Tësarönikë. Kiresike, yaghëëyë mo-mokowa ughwa Gharatia, na Tiito, yaghëëyë mo-mokowa ughwa Darimatia.

Yaakobho 3:2

Obhoheene ni-igha, bhëëtö bhonswe igho, hare kaaru ukunyoora toraituuratuura ko bhoghambi ubhwëtö. Hano oraanyoore aaho ömöntö wowonswe ono atakwituuratuura ko bhoghambi ubhwaye, uyö m-möntö uwa heene, aratora okorebherra ömöbhërë ughwaye ghwonswe igho.

1 Peetero 1:5

Bhëënyu Waryobha nkobharenda arë ko obhotoro ubhwaye, okore munyoore öbhöhönia, bhono bhoremaahekana ku-sinsikö isya umuhiko. Keno kekoghera arabharenda, nu-mukumo ughwënyu ghono moonagho ku-Yëësu Kiristo.

Okohonyora 2:13

Öni nemanyirë ahasë hayö mömënyirë, hayö, ho Oghosambwa ghokotonga. Nokaanyoora ni-igho amangʼana gharë, kasi nkunkumya mökërë. Kora enkaagha eno umwimërërri uwaane uwa heene Antipa yaaitirwë mu-mughi ughwënyu muyö Oghosambwa ghömënyirë, temwanyikaanirë hë. Antipa uyö, nu-mwimërërri uwaane uwa heene yaarë.