Mataayo 13:19 - Imuuma Eehya

¹⁹ Hano ömöntö yaighwa engʼana iya Obhokama ubhwa Waryobha, ange okomanyërrya ensonga yaamo, nkunyoora örë Oghosambwa ghwishirë, ghomosakirë ghaara Waryobha yëëmya mo-nkoro iya ömöntö uyö. Uyö we eheke iya imbusiro eera yaaghööyë ko-nshera.

Mataayo 13:19 ပူးပေါင်းရင်းမြစ်များ

Mataayo 12:26

Kora Oghosambwa ghwonswe ni-ighoigho. Hano Oghosambwa ghoraate Oghosambwa ukurwa kö-möntö, hayö nkwisikya ghörë ughwene. Ku bhuyö, obhokama ubhwagho mboraasike.

Mataayo 13:20

Ëkërëngyö ikya seheke seera syaaghööyë ku-ritare, siyö nö-möntö oora akwikërrya engʼana iya Obhokama ubhwa Waryobha, na ukushomerwa bhöngöbhöngö.

Mataayo 13:38

Ömöghöndö, bhayö na-bhantö bhano bharëngë ko-kebhara kono. Na imbusiro inshiiya, bhayö na-bhantö bhano bhakotongwa na Waryobha. Ëntöki, iyö na-bhantö abha Oghosambwa.

Mataayo 4:23

Yëësu yaainaarrë ikyaro kyonswe igho ikya mo-mokowa ughwa Ghariraaya, yëëghyanga abhantö mu-sinyumba isya esango iya Abhayahudi. Akabha araraarekera abhantö Amangʼana Amaiya agha Obhokama ubhwa Waryobha, kora akabha arahwënia abharööyë bhonswe igho.

Mataayo 5:37

Hano mwikërëëyi engʼana, mughikërri këmwë. Na hano mwangirë engʼana, mughyanga këmwë. Moghambenga obhoheene. Aghandë ghonswe igho ghano ghakoheteera hayö, nko-Ghosambwa ghakurwera.”

Maariko 4:15

Abhantö abhandë, mbatuubhaini na rirobha irya ko-nshera. Abhantö bhayö, hano bhaighwa engʼana iyö, Oghosambwa nkuusha ghörë kamwë igho, ghuruusya engʼana iyö mo-senkoro isyabho.

Ruuka 10:9

Muhwëni abharööyë abha mu-mughi ghuyö. Moraarekere abhantö abha mu-mughi muyö igha, ‘Enkaagha iya Obhokama ubhwa Waryobha n-haangʼë ërë.’

Ruuka 9:2

Akabhatoma bhaghende okoraarekera abhantö amangʼana agha Obhokama ubhwa Waryobha na ukuhwënia abharööyë.

Yohana 18:38

Piraato akamöbhöörya igha, “Obhoheene n-këntö kë?” Hano Piraato yaamarrë ököbhöörya engʼana iyö, akarishoka ghwiki kebhara, akatëëbhya abhatangati abha Abhayahudi igha, “Öni tenkomaaha obhosarya bhobhonswe igho kö-möntö ono hë.

Yohana 8:43

N-kwakë motakomanya ghano nkoghamba? N-ko bhoora mukwanga amangʼana aghaane.

Amangʼana agha Abhatomwa 17:32

Mbe, hano bhaaighuurë amangʼana agha ukuryoka ukwa abhaku, abhandë bhakashabhura. Kasi abhandë bhakamötëëbhya igha, “Toratuna ghwiki tukwitegherre ko engʼana iyö.”

Amangʼana agha Abhatomwa 18:15

Kasi ko bhono n-senkaani isya amangʼana, amariina na amaraghërryö ghëënyu, moghamare bhëënyu abheene. Öni tëndëngë umwahokania uwa amangʼana ghayö hë.”

Amangʼana agha Abhatomwa 20:25

“Kasi bhoono nemanyirë igha, kö-bhëënyu bhonswe igho bhano naaraarekera amangʼana agha Obhokama ubhwa Waryobha, taaho ömöntö ono areemaaha ghwiki hë.

Amangʼana agha Abhatomwa 28:23

Ku bhuyö bhakaikererrania urusikö rono bhakaasikaini mu-nyumba eno Pauro yaaikaranga-mo. Hano urusikö ruyö rwaahikirë, Abhayahudi bhayö bhakaasha abhaaru haara Pauro yaamënyirë. Pauro akabharaghërrya bhuuya amangʼana agha Obhokama ubhwa Waryobha, ukurwa nyinkyo, okohekera omoghoroobha. Arashaashya abharute ko-nshera iya amaraghërryö agha Mosa, na mo-bhetabho ibhya abharööti okore bhakumi Yëësu.

Abharuumi 1:28

Mbe, ko bhoora bhaanga okoghoota amangʼana agha Waryobha, Waryobha wonswe yaabhatigha bhakore bhono bhakutuna. Ku bhuyö nkokora bharë amangʼana amaghogho ghano bhaanagho mo-maitegherro aghaabho. Amangʼana ghayö, kora teghaana ubhwera hë.

Abharuumi 14:17

Ko bhoora Obhokama ubhwa Waryobha, tokorya handë ukunywa hë, kasi no-kokora amangʼana agha heene, okobha na omorembe, na ukushomerwa, ghayö nku-Mwika Ömöhörëëru ghakurwa.

Abharuumi 2:8

Kasi abhaingʼahërya, na bhano bhakwanga amangʼana agha obhoheene, kora m-baköri abha amangʼana amaghogho, Waryobha narebharererra, abhashibhi.

Abhaëfësö 3:8

Öni m-möntö moke ndë ko-bhantö abhahörëëru bhonswe igho abha Waryobha, kasi naahaaywë örööbhö urwa amaabhë aghaaye, okore ndaarekere Abhakyaro ubhwamë ubhwa Yëësu Kiristo. Ubhwamë bhuyö, tebhoona ekerengere hë. N-këköngʼu okomanyërribhwa na abhantö.

2 Abhatësarönikë 2:12

Hayö ho bharebhotorrwa ikiina, abhantö bhonswe igho bhano bhatarikumya obhoheene kasi në-bhëbhë bhaashomerrwanga nabhyo.

Abhaëbhuraania 2:1

Mbe, ku bhuyö ni-igha twiyangarre bhököngʼu, ko amangʼana ghayö twaighwa, okore totakaaghatigha.

1 Yohana 3:12

Totakaabha kya Kaini, ömöntö uwa Oghosambwa, oora yaaitirë mura waabho omoke. N-kwakë yaamwitirë? Yaamwitirë ko bhoora ghano Kaini yaakoranga, m-maghogho ghaarë, kasi ghano mura uwaabho omoke uyö yaakoranga, n-ga heene ghaarë.

1 Yohana 5:18

Ntomanyirë igha, omoona uwa Waryobha taköghëndërrya okokora ëbhëbhë hë. Keno kekoghera ataköghëndërrya okokora ëbhëbhë, n-ko bhoora Yëësu Kiristo akomorenda. Ku bhuyö Oghosambwa teghokomokora ngʼana hë.

1 Yohana 5:20

Ghwiki ntomanyirë igha, Omoona uwa Waryobha yaamara ukuusha ko-kebhara kono, yaatohaana obhongʼaini ubhwa okomanya Waryobha ubhwa heene. Ntoona öbhömwë na Waryobha uwa heene, ko okohetera kö-bhömwë ubhwëtö na Yëësu Kiristo Omoona uwaaye. Yëësu Kiristo uyö, we Waryobha uwa heene, na uwa öbhöhöru ubhwa amakora ghonswe igho.