Mataayo 13:11 - Imuuma Eehya

¹¹ Akabhahonshora igha, “Amangʼana agha Obhokama ubhwa Waryobha ngaibhisirë. Nyakara bhëënyu, ko bhoora Waryobha abhahönyörrëëyë amangʼana ghayö, okore moghamanye.

Mataayo 13:11 ပူးပေါင်းရင်းမြစ်များ

Mataayo 13:10

Mbe, abheegha abha Yëësu bhaaishirë ku-Yëësu, bhakamöbhöörya igha, “N-kwakë ökörëngërya abhantö ëbhërëngyö hano washumaasha nabho?”

Mataayo 16:17

Yëësu akatëëbhya Peetero igha, “Uwe Simööni mura uwa Yoona, wangʼoorwa, ko bhoora taaho ömöntö ono aköhönyörrëëyë ghayö, kasi n-Taata uwa mu-ryobha, we aköhönyörrëëyë.

Mataayo 19:11

Yëësu akabhahonshora igha, “Engʼana kya iyö, te-bhantö bhonswe igho bhakoghetora hë. Kasi m-baara Waryobha yaahaana obhotoro ubhwa ukwanga okoteta.

Mataayo 20:23

Mbe, Yëësu akabhatëëbhya igha, “M-maheene mmoteeseka kya bhono öni ndaateeseke, kasi okobhatoora orobhareka urwane urwa bhoryo, na uwöndë bhömösi, ghuyö te-moremo ughwane hë. Imyeya ghiyö ni-ighya bhano bhaasëëmibhwa na Taata.”

Maariko 10:40

Kasi okotoora ömöntö aikare bhoryo ubhwane handë bhömösi, ghuyö te-moremo ughwane hë. Waryobha umwene we arehaana bhano yaamara ökösëëmërya.”

Maariko 4:11

Akabhahonshora igha, “Bhëënyu mwahonyorrwa amëëghyö agha Obhokama ubhwa Waryobha. Kasi abhantö abhandë nköbhëëghya ndë amangʼana ghonswe igho, ko okobharëngërya ëbhërëngyö.

Ruuka 8:10

Akabhahonshora igha, “Amangʼana agha Obhokama ubhwa Waryobha ngaibhisirë. Nyakara bhëënyu, ko bhoora Waryobha abhahönyörrëëyë amangʼana ghayö, okore moghamanye. Kasi abhandë në-bhërëngyö nkobharëngërya, ko bhoora igha, ‘Hano bhamaaha, n-kya hano bhatarööshë. Nokaanyoora bhaana amatwë bharaighwa, kasi n-kya bhano bhatakwighwa, tebhakomanyërrya hë.’

Yohana 6:65

Mbe akaghëndërrya okobhatëëbhya igha, “Kiyö nkyo këghërrë nkabhatëëbhya igha, taaho ömöntö ono akotora ukuusha ku-öni, hano atatangatirwë na Taata.”

Yohana 7:17

Ömöntö wowonswe igho ono akutuna okokora bhono Waryobha akutuna, uyö naraamanye igha, amëëghyö ghano nku-Waryobha ghaarwa. Kora ghwiki naraamanye igha, tenkoghamba ku ubhwera ubhwane umwene hë.

Amangʼana agha Abhatomwa 16:14

Mo-bhantö bhano bhaatwitegherranga, yaare-mo omokari uwöndë uwa umughi ughwa Tiyatira, ono yaabherekerwanga igha Ridia. Ridia m-möhönia yaarë uwa singibho sinshiiya isya erangë këësërö, omokari uyö, yaasookanga Waryobha. Omonene Yëësu akaghoota enkoro iya Ridia, enkaagha eno yaaitegherranga amangʼana ghano Pauro yaaghambanga. Akakumya amangʼana ghayö, akabhatiisibhwa.

Abharuumi 11:25

Abhakumya bharikyëtö, keno nkutuna ni-igha momanye ësëëmyö iya Waryobha, eno yaarenga ibhisirwë ukurwa kare, okore motakaikumya igha, mmomanyirë ghonswe igho. Ekeghaaka ikya Abhaisiraëri n-kya ribhagha ike igho, okohekera hano ekerengere ikya Abhakyaro keno Waryobha akutuna, kirihika.

Abharuumi 16:25

Bhoono ni-igha tötööni Waryobha! Ko bhoora we nkotora arë okobhakora mobhe na umukumo ghono ghonaghirë, okohetera ko Amangʼana Amaiya agha Yëësu Kiristo ghano naabharaarekera, agha ësëëmyö iya Waryobha eno yaarenga ibhisirwë ukurwa kare.

1 Abhakörintö 13:2

Ghwiki nekaabha na obhotoro ubhwa ukuruusya öbhörööti, kora mmanye imbumbure na amangʼana ghonswe igho, nenkaabha na umukumo omonene, ughwa okotora okongʼaanya singuku, kasi nyoore ntaana righonshe, m-bosa.

1 Abhakörintö 15:51

Bhoono tigha mbarome ökötwë, te-bhonswe igho turikwa hë, kasi nturisyöribhwa bhonswe igho.

1 Abhakörintö 2:14

Mbe, ömöntö ono ataana Umwika uwa Waryobha, uyö takotora okoghoota amangʼana ghano ghakurwa ku-Mwika uwa Waryobha, ko bhoora uyö, nkomaaha arë amangʼana ghayö igha, n-ga ekekangi. Kora taatore okoghamanya hë, ko bhoora nkomanywa gharë ko obhotoro ubhwa Umwika Ömöhörëëru.

1 Abhakörintö 2:7

Obhongʼaini bhuyö tokoraareka, ni-kibhisirë ikya Waryobha keno yaasëëmëri ukurwa kare, kora ekebhara ketaraabhombwa, okore atokorre ikuughë iya ubhuhika.

1 Abhakörintö 4:1

Mbe, abhantö bhamanye igha, bhëëtö m-baköri abha emeremo abha Yëësu Kiristo törë, abharaarëki abha amangʼana agha ibhibhisirë ibhya Waryobha.

1 Abhakörintö 4:7

Bhoono uwe n-nawë yaakokora obhe uwa heene okokera abhandë? N-kë onakyo keno otaahaanwa na Waryobha? Nyoore waahaanwa, n-kwakë ukwibhaaka kya ono otaahaanwa?

Abhaëfësö 1:18

Ghwiki nkobhasabhera ndë igha, abhatöörri momanye obhoheene, okore momanye ubhweseghe bhono yaaraghaini kö-bhëënyu hano yaabhabhërëkëëyë. Momanye ubhwaru ubhwa obhongʼoore ubhwaye bhono yaaraghaini igha akaahaayë abhantö abhaaye.

Abhaëfësö 1:9

Atöhönyörrëëyë ësëëmyö iyaaye eno yaatunanga aghehekerani okohetera ku-Yëësu Kiristo, ko bhoora yaashömëëywë okokora igho.

Abhaëfësö 5:32

Amangʼana ghano m-marito, te-mahöhö hë. Kasi öni keno nkushumaashera, nu-bhwighwerrani ubhwa Yëësu Kiristo na ekanisa iyaaye, igha n-kya ömöntö na mokaaye.

Abhaëfësö 6:19

Monsaasaamere na öni wonswe, okore Waryobha angʼaane amangʼana amaiya agha okoghamba enkaagha yoyonswe igho, eno ukunyoora ndashumaashera amangʼana agha Yëësu Kiristo, ndaghërri abhantö kö obhokarë, obhoheene bhono bhörëngë mo-Mangʼana Amaiya, bhaghamanye.

Abhakorosaai 2:2

Nkokora ndë igho, okore senkoro isyabho setereme, bhabhe ëkëntö ëkëmwë ku righonshe, bhanyoore obhongʼaini bhono bhoraaghere bhamanye bhuuya igha, Yëësu Kiristo we ësëëmyö iya Waryobha.

1 Timoteo 3:16

Obhoheene bhono Waryobha öörökëri nu-bhwa ököröghöörya. Obhoheene bhuyö ni-igha, Kiristo yaaiyörökëri aana ömöbhërë kya bhëëtö, akaimererrwa na Umwika Ömöhörëëru igha mwihöötu. Akamaahwa na abhamaraika, amangʼana aghaaye ghakaraarekwa mu-bhyaro bhyonswe igho, akakumibhwa na abhantö abha ko-kebhara kono, akagheghwa ukughya mu-bhuhika ighörö iyö.

1 Timoteo 3:9

Kasi, bhabhe abhantö bhano bhakonaghya kwa amaitegherro amaiya obhoheene ubhwa umukumo ughwëtö bhono bhwahonyorwa.

Yaakobho 1:5

Kasi hano oraanyoore ömöntö mö-bhëënyu muyö, asuuhirwë na obhongʼaini, asaasaame Waryobha, naraamohaane. Ko bhoora Waryobha m-mohaani ko-bhantö bhonswe igho, kora takohamera ömöntö hë.

1 Yohana 2:20

Kasi bhëënyu, Yëësu Ömöhörëëru yaabhahaana Umwika uwaaye, bhoono bhëënyu bhonswe igho, mmomanyirë obhoheene.

1 Yohana 2:27

Kasi bhëënyu, Yëësu Kiristo yaabhahaana Umwika Ömöhörëëru, ono akwikara mö-bhëënyu. Uyö we aköbhöörökërrya ghonswe igho, na amëëghyö aghaaye na-agha obhoheene, te-agha obhorongo hë. Ku bhuyö, taaho ömöntö uwöndë uwa ököbhöörökërrya, kya bhono Umwika aköbhëëghya, möghëndërri okobha na öbhömwë na Yëësu Kiristo.