Mataayo 12:41 - Imuuma Eehya

⁴¹ “Rono Waryobha arebhotorra abhantö ibhiina ibhyabho, abhantö abha Ninaawi mbaryemerra hamwë na abhantö abha rekora reno. Abhantö abha Ninaawi, mbarebhotorra ikiina abhantö abha rekora reno igha, m-basarya. Nerebha igho, ko bhoora abhantö abha Ninaawi, mbaahöngööyë ëbhëbhë ibhyabho hano Yoona yaabharaarëkëëyë engʼana iya Waryobha. Na bhoono igho aahano ömöntö omonene okokera Yoona, kasi bhëënyu temwahöngööyë ëbhëbhë ibhyënyu hano yaabharaarëkëëyë engʼana iya Waryobha.

Mataayo 12:41 ပူးပေါင်းရင်းမြစ်များ

Mataayo 12:39

Yëësu akabhahonshora igha, “Bhëënyu, nu-rwebhoro oroghogho mörë, kora temoona umukumo hë, nkyo kekoghera moratuna rikono irya ekemanyërryö irya ököbhöörökya igha, nku-Waryobha naarwa. Kasi tenkore ekemanyërryö kyokyonswe keera hë. Ekemanyërryö ikya rikono keno moraamaahe, n-kya keera kyaaikörrë ku-Yoona ömörööti uwa Waryobha.

Mataayo 12:42

Omokama omokari uwa ikyaro ikya Shebha, wonswe naryemerra hamwë na abhantö abha rekora reno, rono Waryobha arebhotorra abhantö ibhiina ibhyabho. Narebhotorra abhantö abha rekora reno igha m-basarya. Ko bhoora umwene yaaruurë ikyaro ikya hare, akaitegherra na okosooka amangʼana agha obhongʼaini agha omokama Seremaani. Ndabhatëëbhya igha, aahano ömöntö omonene okokera Seremaani, kasi bhëënyu timukwighwa hë.”

Mataayo 12:45

Mbe, hayö ho bhoono risambwa riyö rikughya ukutuna amasambwa aghandë muhungatë amaghogho bhököngʼu koreheteera. Na amasambwa ghayö, ghonswe igho nkuusha gharë ghamenya kö-möntö uyö. Ku bhuyö ömöntö uyö, nkobha arë omoghogho okokera mbere haara. Na ni-igho erebha kö-bhëënyu abhantö abha rekora righogho reno.”

Mataayo 12:6

Keno nkobhatëëbhya ni-igha, aahano omonene okokera risengerro irya Waryobha.

Mataayo 16:4

Bhëënyu nu-rwebhoro oroghogho mörë, kora temoona umukumo hë. Kiyö nkyo kekoghera moratuna rikono irya ekemanyërryö irya ököbhöörökya igha, nku-Waryobha naarwa. Tëmbööröki ekemanyërryö kyokyonswe keera hë, kasi ni-ikya ömörööti Yoona ikyene igho.” Mbe, Yëësu akatanora, akabhatigha hayö.

Mataayo 17:17

Yëësu akabhahonshora igha, “Bhëënyu nde-kora reno ryatimbooshoka, kora temoona umukumo hë! Nendaaikare na bhëënyu ndabhaghömërrya okohekera rööhë? Momondeetere hano.”

Mataayo 23:36

No-bhoheene nkobhatëëbhya igha, Waryobha narishibhya abhantö abha rekora reno ko amaghogho ghonswe igho ghano bhakokora.”

Ruuka 11:32

Rono Waryobha arebhotorra abhantö ibhiina ibhyabho, abhantö abha Ninaawi, mbaryemerra hamwë na abhantö abha rekora reno. Abhantö abha Ninaawi, mbarebhotorra ikiina abhantö abha rekora reno igha, m-basarya. Nerebha igho, ko bhoora abhantö abha Ninaawi, mbaahöngööyë ëbhëbhë ibhyabho, hano Yoona yaabharaarëkëëyë engʼana iya Waryobha. Na bhoono igho aahano ömöntö omonene okokera Yoona, kasi bhëënyu temwahöngööyë ëbhëbhë ibhyënyu hano yaabharaarëkëëyë engʼana iya Waryobha.

Yohana 3:31

Ono akurwa mu-ryobha naana ubhwera ku-bhyonswe igho. Kasi ono akurwa ko-kebhara, uyö n-wa ko-kebhara, kora engamba iyaaye ni-iya amangʼana agha ko-kebhara kono. Ono akurwa mu-ryobha, naana ubhwera ku-bhyonswe igho.

Yohana 4:12

Ömökörö uwëëtö Yaakobho, we yaatohaana ikisima keno, kora na umwene wonswe na-manshë ghano yaanywanga hamwë na abhaana abhaaye, na situgho isyaye. Bhoono toghambe igha uwe m-monene örë okokera ömökörö uwëëtö Yaakobho?”

Abharuumi 2:27

Ghwiki ömöntö ono atasaarrwë, hano araakore bhono amaraghërryö agha Mosa ghakutuna igha akore, amangʼana ghayö akokora, nkwörökya gharë igha, uwe Umuyahudi m-mosarya örë. Ni-igho ekobha ko bhoora igha, uwe Umuyahudi waasaarwa, kora noona amaraghërryö, kasi m-mosarya uwa amaraghërryö örë.

Abhaëbhuraania 11:7

Umukumo, ghwaaghërrë Nuhu akaighwera Waryobha, hano yaamoraghërrëëyi ko amangʼana ghano ghakaaishirë, ghano ghataarenga gharaamaahekana enkaagha iyö. Ku bhuyö akakora esafina, okore ahöni abhantö abhaaye. Ko okoghera iya engʼana iyö, akabhotorra abhantö ikiina, akabha ömöntö uwa heene ku-Waryobha ko koghera iya umukumo ughwaye.