Mataayo 12:34 - Imuuma Eehya

³⁴ Bhëënyu m-baghogho mörë kya sinshoka, iyakë moraakore moghambe amangʼana amaiya? Ko bhoora ni-igha, keno ömöntö akoghamba, m-monkoro iyaaye kikurwa.

Mataayo 12:34 ပူးပေါင်းရင်းမြစ်များ

Mataayo 12:35

Ömöntö uwa heene, nkoghamba arë amangʼana amaiya ghano gharëngë mo-nkoro iyaaye. Kasi ömöntö omoghogho, nkoghamba arë amangʼana amaghogho ko bhoora ngo gharëngë mo-nkoro iyaaye.

Mataayo 15:18

Kasi ëkëntö kyokyonswe keera kikurwa mu-munywa ughwa ömöntö, m-monkoro iyaaye kikurwa. Kiyö nkyo kikunyankuhya ömöntö.

Mataayo 23:33

Bhëënyu n-sinshoka, urwebhoro urwa sinshoka. Iyakë moraaibhashe ubhushibhu ubhwa Waryobha ubhwa okobharekera mo-morro ghotakurima?

Mataayo 3:7

Kasi hano Yohana yaarööshë Abhafarisaayo na Abhasadukaayo abhaaru, bharaasha ko-we, okore bhabhatiisibhwi, akabhatëëbhya igha, “Bhëënyu urwebhoro urwa inshoka! Kana nawë uyö abharömirë ökötwë, igha mongʼose okorerra ukwa Waryobha kono kuriisha?

Ruuka 3:7

Ku bhuyö, Yohana akabha aratëëbhya abhantö bhano bhaaishirë okobhatiisibhwa igha, “Bhëënyu urwebhoro urwa inshoka! Kana nawë uyö abharömirë ökötwë igha mongʼose okorerra ukwa Waryobha kono kuriisha?

Ruuka 6:45

“Ni-ighoigho na abhantö bhonswe. Ömöntö uwa heene, amangʼana aghaaye amaiya nkurwa gharë mo-maitegherro aghaaye agha heene ghano aanagho mo-nkoro iyaaye. Na ömöntö omoghogho wonswe, amangʼana aghaaye amaghogho nkurwa gharë mo-maitegherro aghaaye amaghogho ghano aanagho mo-nkoro iyaaye. Mbe, amangʼana ghano ömöntö akoghamba, n-gaara ghaishööyë mo-nkoro iyaaye.

Yohana 8:44

Bhëënyu na-abha Oghosambwa mörë, ghuyö ngwo suwëënyu. Oronamba urwa suwëënyu urwa okokora ghano akutuna, ndwo monaro. Oghosambwa ukurwa bhosemoka n-ghwiti, ghwiki teghohanshirë obhoheene hë, ko bhoora teghoona obhoheene hë. Hano Oghosambwa ghwaghamba obhorongo, iyö ne-teemo iyaaghwo ko bhoora n-gorongo, ghwiki ngwo suwaabho obhorongo bhwonswe igho.

Abhaëfësö 4:29

Motakaaghambanga amangʼana amaghogho. Kasi moghambenga amangʼana amaiya ghano ghakotogheka mukumo ughwa bharikyënyu.

Abhaëfësö 5:4

Kora amangʼana agha sënsöni na agha ubhusheema handë senkaani, ghayö teghakokorwa na abhantö kya bhëënyu hë, kasi bhoono engʼana iya okokora, nu-kukumya Waryobha ko-keno yaabhakorra.

Yaakobho 3:2

Obhoheene ni-igha, bhëëtö bhonswe igho, hare kaaru ukunyoora toraituuratuura ko bhoghambi ubhwëtö. Hano oraanyoore aaho ömöntö wowonswe ono atakwituuratuura ko bhoghambi ubhwaye, uyö m-möntö uwa heene, aratora okorebherra ömöbhërë ughwaye ghwonswe igho.

1 Yohana 3:10

Kasi ömöntö ono atakokora amangʼana agha heene, handë ono atahanshirë umukumya murikyaye, uyö temoona uwa Waryobha hë. Ni-igho tokomanyërrya abhaana abha Waryobha bhono bharë, bheena abhaana abha Oghosambwa bhono bharë.