Mataayo 12:32 - Imuuma Eehya

³² Hano ömöntö araangambe bhoghogho öni Omoona uwa Ömöntö, Waryobha nkumwabhera arë. Kasi ömöntö ono araaghambe bhoghogho Umwika Ömöhörëëru, Waryobha tamwabhere ko-nkaagha eno, handë iyö ikuusha.”

Mataayo 12:32 ပူးပေါင်းရင်းမြစ်များ

Mataayo 11:19

Mbe, bhoono öni Omoona uwa Ömöntö nishirë, nkorya ndë na ukunywa idivai, kasi nkoghamba bharë igha, ‘Tamaaha uyö, m-mohobhaaru, m-mörëëbhi, na kora m-mosaani uwa abhaghööti abha righööti na abha ëbhëbhë abhandë.’ Kasi obhongʼaini ubhwa Waryobha nkwörökya bhörë igha, m-boheene ko enshera iya öbhömënyi ubhwa abhantö abha Waryobha.”

Mataayo 12:31

Ku bhuyö mwitegherre mbatëëbhi, Waryobha naryabhera abhantö bhano bhakosarrya bharikyabho, handë okobhatoka. Kasi Waryobha, taryabhera abhantö bhano bhakotoka Umwika uwa Waryobha.

Mataayo 12:8

Ko bhoora öni Omoona uwa Ömöntö neena ubhwera ko-mangʼana agha urusikö urwa Obhotooro.”

Mataayo 13:22

Ëkërëngyö ikya seheke isya imbusiro seera syaaghööyë mo-maanyamahwa, siyö no-oora akwighwa engʼana iya Obhokama ubhwa Waryobha, kasi abha na ehaho iya amangʼana amaaru na ukutuna ukwaye ubhwamë, komongʼaina. Ku bhuyö takukumya bhököngʼu engʼana iya Obhokama ubhwa Waryobha hë.

Mataayo 13:39

Umubhisa uyö yëëmëri ëntöki, ghuyö no-Ghosambwa. Enkaagha iya okoghesa, iyö ne-nkaagha iya umuhiko ughwa ekebhara keno. Abhantö bhano bhaaghësirë engano, bhayö na-bhamaraika abha Waryobha.

Mataayo 13:40

“Kya bhoora abhaköri abha emeremo bhaaihirë ëntöki na okoghesamba mo-morro, ni-igho erebha ku-muhiko ughwa ekebhara keno.

Mataayo 13:55

Bhamurë, ono to omoona uwa omoseremara oora? Na nyakuwaabho to-oora akobherekerwa igha Maryamu? Bhamura abhaabho abhake te-bhaabho Yaakobho, Yusufu, Simööni na Yuuda?

Mataayo 8:20

Kasi Yëësu akamohonshora igha, “Nyamobhwe mbaana amaina aghaabho agha okoraara-mo, na ibhinyönyi mbeena amasu. Kasi öni Omoona uwa Ömöntö, teneena ahasë aha okotoora orobharu urwane hë.”

Maariko 10:30

Waryobha naremohaana ëbhëntö ibhyaru bhököngʼu okokera bhiyö. Ko-kebhara kono ikya bhoono igho, naraanyoore sinyumba, bhamura abhaabho, abhasubhaati na bhanyakuwaabho, abhaana bheena ëmëghöndö. Hamwë na ghayö ghonswe igho, narinyoora inyaanyi. Ghwiki ko-kebhara keno kiriisha, narinyoora öbhöhöru ubhwa amakora ghonswe igho.

Maariko 3:28

“No-bhoheene nkobhatëëbhya igha, abhantö mbaraabherwe ëbhëbhë ibhyabho bhyonswe igho. Ghwiki mbaraabherwe amatöki aghaabho ghonswe igho.

Maariko 3:29

Kasi, hano ömöntö araatoke Umwika Ömöhörëëru, taabherwe hë. Uyö naraabhe na risoro irya ëkëbhë amakora ghonswe igho.”

Ruuka 12:10

Kera ömöntö ono akoghamba amangʼana amaghogho agha ukunyikaana öni Omoona uwa Ömöntö, uyö naryabherwa. Kasi kera ömöntö ono akotoka Umwika Ömöhörëëru, uyö taryabherwa hë.

Ruuka 16:8

“Hano umwamë uyö yaaighuurë amangʼana ghayö, akakumya umwimërërri uyö atarë uwa heene, ko-bhongʼaini bhono yaakörrë. Ko bhoora abhantö abha ko-kebhara kono, mbaana obhongʼaini, hano bhatighinkanerana abheene ko abheene, ko-mangʼana agha ko-kebhara kono, okokera abhantö abha Waryobha.

Ruuka 18:30

mbaraanyoore ëbhëntö ibhyaru, okokera bheera bhaatigha, bhakëërëngë ko-kebhara kono. Ghwiki mbarinyoora öbhöhöru ubhwa amakora ghonswe igho ko-kebhara kiyö kiriisha.”

Ruuka 23:34

Yëësu akaghamba igha, “Ë Taata uwëëtö, otabhaabhera, ko bhoora tebhamanyirë keno bhaghokora hë.” Abhasirikare bhayö, bhakakora ekekoobhwe ikya ukutwena singibho isya Yëësu.

Ruuka 7:34

Bhoono mbe, öni Omoona uwa Ömöntö nishirë, nkorya ndë emekaate na ukunywa idivai, bhëënyu moraghamba igha, ‘Motamaaha mbe omohoobhaaru ono, kora m-mörëëbhi, na omosaani uwa abhaghööti abha righööti na abha ëbhëbhë abhandë.’

Yohana 7:12

Abhantö abhaaru bhakabha bharanyeerana senkaani ko okoghera iya Yëësu. Abhandë bhakaghamba igha, Yëësu m-möntö uwa heene, kasi abhandë bhakaghamba igha, ti-igho hë, kasi na-bhantö akongʼaina.

Yohana 7:39

Yëësu yaaghambirë amangʼana ghayö ku ukushumaashera Umwika Ömöhörëëru, ono bharehaanwa abhantö bhonswe igho bhano bhakukumya Yëësu. Enkaagha iyö, waanyöörrë Waryobha ataraatoma Umwika uwaaye ko-obho, ko bhoora tuwaanyöörrë Waryobha arahaana Yëësu ubhuhika hë.

Yohana 7:52

Bho bhakahonshora Nikodeemo igha, “Kasi, na uwe n-Gariraaya ukurwa? Kaghi witaahe bhuuya Amaandeko Amahörëëru, noraamanye igha, taaho ömörööti ono akurwera mo-mokowa ughwa Ghariraaya hë.”

Amangʼana agha Abhatomwa 3:19

Ku bhuyö, mohongore ëbhëbhë ibhyënyu, mukyore ku-Waryobha, abharuusiri-ho ëbhëbhë ibhyënyu, okore siishe senkaagha sensambaaroku, isya okobha-ho ukwa Omonene. Hayö ho Waryobha araabhamuunyi ko okotoma Yëësu Kiristo.

Abhaëfësö 1:21

Kiristo uyö, nkotonga arë abhatöngi bhonswe igho kighörö iyö, abha ubhwera, abha singuru, abhanene na ibhyeo bhonswe igho bheno bhemanyekaini te-kokebhara kono aheene igho hë, kasi kora na ko-kebhara keno kiriisha.

1 Timoteo 1:13

Nokaanyoora naamotokanga kora naateesanga abhantö abhaaye kare hayö, na naarenga na ekeghaaka, kasi Yëësu yaanyabhera. Yaanyabhëëyë ko bhoora amangʼana ghayö naaghakörrë ko obhokangi ubhwane, na ko bhoora ntaarë na umukumo.

1 Timoteo 1:15

Engʼana eno nemanyekaini igha, “Kiristo Yëësu yaaishirë ko-kebhara kono, okore atööri abha ëbhëbhë.” Obhoheene, ni-igho amangʼana gharë, ku bhuyö ni-igha abhantö bhaikërri. Mo-bhantö abha ëbhëbhë, öni wa ëbhëbhë ndë okokera bhonswe igho.

1 Timoteo 4:8

Emanyekaini igha, “Okonarya ömöbhërë ghobhe na singuru, n-kuuya hake igho. Kasi okotonerra okokora kya bhono Waryobha akutuna, n-kuuya bhököngʼu, ko bhoora igha, nkotohaana körë riraghano irya ukunyoora öbhöhöru ubhwa bhoono igho na bhoora bhuriisha.”

1 Timoteo 6:17

Ötëëbhi abhaamë igha, bhatakaihasha handë ukwesegha ubhwamë ubhwa ko-kebhara kono. Ubhwamë bhuyö, m-bwa ribhagha ike igho. Kasi ubhweseghe ubhwabho, bhobhenga ku-Waryobha, ono akötösërëënia ko okotohaana ëbhëntö bhyonswe igho, okore tushomerwe nabhyo.

2 Timoteo 4:10

ko bhoora Dema, yaantigha. Dema uyö, yaahansha amangʼana agha ko-kebhara kono, akamaaha igha aghende mu-mughi ughwa Tësarönikë. Kiresike, yaghëëyë mo-mokowa ughwa Gharatia, na Tiito, yaghëëyë mo-mokowa ughwa Darimatia.

Tiito 2:12

Örööbhö ruyö, nkutwörökërrya rörë igha, twange amangʼana amaghogho na oronamba urwa ko-kebhara kono. Ku bhuyö, enkaagha eno tökërëngë ko-kebhara kono, togheerenga ngʼora amangʼana, tobhe abhantö abha heene, na tobhe abhantö abha eteemo iya okosooka Waryobha.

Yaakobho 1:27

Amangʼana amaiya agha idiini ghano ghakushomera Taata uwëëtö Waryobha, ghano akomaaha igha teghaana isoro hë, nö-kötöörrya sentakaana na abhasinö mu-sinyanko isyabho, na ukwibhasha ëbhëbhë ibhya ko-kebhara kono.