Mataayo 12:18 - Imuuma Eehya

¹⁸ “Tamaaha, ono we ömököri uwaane uwa emeremo ono naahööyë, omoghonshe uwaane ono aköntëghërya. Nendaamohaane Umwika uwaane, okore araareke amangʼana aghaane agha obhoheene ko-Bhakyaro.

Mataayo 12:18 ပူးပေါင်းရင်းမြစ်များ

Mataayo 12:17

Yaaghambirë igho, okore ahekerani amangʼana ghano Waryobha yaaghambirë okohetera kö-mörööti Isaaya igha,

Mataayo 17:5

Enkaagha eno waanyöörrë Peetero akishumaasha, tamaaha, risaarö reno ryaamekamekanga, rekabhakundikirya. Bhakaighwa engamba erarwera mu-risaarö eraghamba igha, “Ono no-Moona uwaane omoghonshe we aköntëghërya bhököngʼu, mumwitegherrenga.”

Maariko 1:11

Engamba ekarwera mu-ryobha, ekaghamba igha, “Uwe no-Moona uwaane omoghonshe örë, ono ököntëghërya bhököngʼu.”

Maariko 9:7

Mbe, risaarö rekaasha, rekabhakundikirya. Engamba iya Waryobha ekarwera mu-risaarö muyö eraghamba igha, “Ono no-Moona uwaane omoghonshe, mumwitegherre.”

Ruuka 23:35

Abhantö mbaarenga bhaimërëëyë hayö, bharamaaherra. Abhatöngi bhakasimya okomosekerra bharaghamba igha, “Ndarra yaatööryanga abhandë, nyoore mbe we Kiristo ono yaahorwa na Waryobha, ataitöörya mbe umwene tomaahe.”

Ruuka 3:22

Umwika Ömöhörëëru atuubhaini kya ikighuuti akamwitoomera na ukumwikarra. Engamba ekarwera mu-ryobha muyö, ekaghamba igha, “Uwe, nu-uwe Omoona uwaane omoghonshe ono ököntëghërya bhököngʼu.”

Ruuka 4:18

“Umwika uwa Omonene Waryobha, hamwë arë na öni. Anyahööyë ndaarekere abhatöbhu Amangʼana Amaiya. Antömirë ndaarekere abhabhohe igha, mbaraahaaterwe ukurwa mo-kebhohe, ntëëbhi na abhahukuru igha, mbaraamaahe, nhaane öbhötöönööni bhano bhakunyankibhwa.

Ruuka 9:35

Engamba ekarwera mu-risaarö muyö, ekaghamba igha, “Ono we Omoona uwaane, we nshaaghööyë ku bhuyö mumwitegherre.”

Yohana 3:34

Ko bhoora Waryobha yaamötömirë, okore aghambe amangʼana agha Waryobha. Waryobha amohaayë Umwika Ömöhörëëru ono ataana ekerengere.

Amangʼana agha Abhatomwa 10:38

Waryobha yaahööyë Yëësu uwa Nazarëëti, ko okomohaana Umwika Ömöhörëëru na obhotoro. Yëësu uyö, yaainaarrënaarrë arakora amangʼana amaiya na ukuhwënia bhonswe igho, bhano bhaanyankibhwanga na Oghosambwa, ko bhoora Waryobha, n-hamwë yaarë nawe.

Amangʼana agha Abhatomwa 11:18

Hano Abhayahudi bhayö bhaaighuurë amangʼana ghayö, bhakakira kiri. Bhakatöönia Waryobha bharaghamba igha, “Waryobha ahaayë Abhakyaro umweya, ughwa okohongora ëbhëbhë ibhyaho, okore bhanyoore öbhöhöru ubhwa amakora ghonswe igho!”

Amangʼana agha Abhatomwa 14:27

Hano bhaahikirë Antiökia, bhakakora-ho Ikiikaro ikya ekanisa. Bhakatëëbhya abhantö amangʼana ghonswe igho ghano Waryobha yaakörrë okohetera bho, na kya igho yaakörëëyë Abhakyaro enshera iya ukukumya Yëësu.

Abhaëfësö 1:6

Ku bhuyö ni-igha tumukumi, ko okoghera iya örööbhö urwaye urwa ököröghöörya, rono yaatohaayë bhosa igho okohetera ku-Kiristo Yëësu ono Waryobha ahanshirë.

Abhakorosaai 1:1

Ritashandighi reno nö-öni Pauro ndyandëkirë, öni omotomwa uwa Kiristo Yëësu ko okohansha ukwa Waryobha umwene, öni hamwë na Timoteo umukumya murikyëtö.

Abhakorosaai 1:13

Waryobha yaatötöörri ukurwa mo-bhokama ubhwa ikisuntë, akatongʼaanyërya mo-Bhokama ubhwa Omoona uwaaye omoghonshe.

1 Peetero 2:4

Yëësu we reghena rihöru irya okohaghaashera. Reghena riyö, ndyo abhantö bhaangirë, kasi Waryobha akarishaaghora, kora ndeena ubhwera obhonene ku-Waryobha. Mbe, musuntarre Yëësu.

2 Peetero 1:17

Bhëëtö hamwë twaarenga na Yëësu ku-nguku ëhörëëru, hano yaasöökirwë kora akahaanwa ubhuhika ukurwa ko-Taata Waryobha. Enkaagha iyö, yo twaaighuurë engamba iya ubhuhika obhonene, ararwa mu-ryobha ku-Waryobha umwene, ekaghamba igha, “Ono no-Moona uwaane omoghonshe, we aköntëghërya bhököngʼu.”