Mataayo 11:7 - Imuuma Eehya

⁷ Hano abheegha abha Yohana bhaatanoranga, Yëësu akabhöörya rikomo irya abhantö bhayö amangʼana agha Yohana igha, “Hano mwaaghëëyë ku-riköngö okomaaha Yohana, m-möntö kë mwaaitengʼeranga okomaaha? Mwaaitengʼeranga okomaaha ömöntö ono akwikërrya amangʼana ghonswe igho kya umunyaamunsi ghono ghukuhuushwa na rikama hasë honswe igho hano rikama rekobhata? Ti-igho hë.

Mataayo 11:7 ပူးပေါင်းရင်းမြစ်များ

Mataayo 11:8

Nyoore motaarë möghëëyë okomaaha ömöntö ono anga kya umunyaamunsi, bhoono nkë mwaarë möghëëyë okomaaha? Mwaarë kwitengʼera okomaaha ömöntö ono aibhöhirë singibho isya öbhöghöri? Ti-igho hë. Abhantö bhano bhakwibhoha singibho isya öbhöghöri, bhayö mmu-sinyumba isya ekekama bharë.

Mataayo 12:20

Tarinyahaara ömöntö wowonswe ono anga kya umunyaamunsi ghono ghwikumbirë. Taririmya orotambë rono rukwighunda iryöki, okohekera hano amangʼana agha heene gharebhaaha.

Mataayo 21:25

Ubhwera ubhwa Yohana ubhwa okobhatiisya abhantö, hai yaabhuruusiri? Nku-Waryobha, kasi nko-bhantö?” Mbe, bhakashamerrana igha, “Hano toraaghambe igha nku-Waryobha bhwaaruurë, naraatöbhööri igha, ‘Ndarra mbe temwamukumiri hë?’

Mataayo 3:5

Mbe, abhantö bhaarwanga mu-mughi ughwa Yërusarëëmu, na mo-sembaara syonswe igho isya Yudea, na mu-bhyaro bhyonswe igho, ibhya mö-sëngëghëni syonswe igho, isya omooro ughwa Yorodani, bharaasha ku-Yohana.

Ruuka 8:18

Ku bhuyö amëëghyö aghaane ghano mukwighwa, moghaitegherre bhuuya. Ömöntö ono amanyirë ëkëntö, Waryobha nkumwëngërya arë ko-bhomanyi ubhwaye bhuyö. Kasi ono atamanyirë ëkëntö, nkuruusibhwa arë kora keera akokanya igha naanakyo.”

Yohana 1:38

Mbe, Yëësu akaisyörya, akamaaha abheegha bhayö bharamosoorana. Akabhabhöörya igha, “N-kë mukutuna?” Bho bhakamohonshora igha, “Raabhi, kana hai ömënyirë?” Ensonga iya engʼana iyö “Raabhi,” ni-igha, umwëghya.

Yohana 5:35

Yohana Omobhatiisya yaarenga kya etara eno ekooka na ökömërëkya mu-kisuntë, na bhëënyu mwaashëngëëyë obhorabhu bhuyö ku-ribhagha ike igho.

Abhaëfësö 4:14

Kiyö nkyo keraaghere twange okobha kya abhaana abhake abha ukutuumibhwa tuumibhwa ahasë honswe igho na rikama irya amëëghyö agha obhorongo agha abhantö abhangʼaini, ko obhongʼaini ubhwabho.

Yaakobho 1:6

Kasi hano ömöntö yasaasaama, abhe na umukumo, atakaabha na emetwe imyaru eno arasaasaama Waryobha. Nkoghamba ndë igho ko bhoora igha, okosaasaama ukwa nyametwe imyaru, nkobha körë kya riyengo irya ku-nyansha, reno rikuhirwa ahasë honswe igho na rikama.