Mataayo 11:3 - Imuuma Eehya

³ bhabhööri Yëësu igha, “Nu-uwe Mesiya ono abharööti bhaaghambirë igha ariisha, kasi nu-wöndë tokaitengʼera?”

Mataayo 11:3 ပူးပေါင်းရင်းမြစ်များ

Mataayo 11:10

Yohana uyö we Amaandeko Amahörëëru ghakoghamba igha, ‘Tamaaha, nendaatome umuhiri uwaane uwa amangʼana, ono araakösëëmëri enshera.’

Mataayo 11:4

Mbe, Yëësu akabhahonshora igha, “Moghende mötëëbhi Yohana ghano mörööshë hano, na ghano mwighuurë.

Mataayo 21:5

“Tëëbhya abhantö bhano bhamënyirë Sayuuni hayö igha, ‘Tamaaha, omokama uwëënyu araasha, m-mohaabhu, nkuusha arë arëngë ku-tikërë na ëkëmööri ikyako.’”

Mataayo 21:9

Rikomo irya abhantö reno ryaarë mbere iya Yëësu, na reno ryaamurwanga nyuma, ghonswe igho ghakakonga bhököngʼu igha, “Ukumibhwi, uwe umwebhorwa Daudi! Waryobha akongʼoore ono ukuusha ko okohetera iriina irya Omonene Waryobha, Waryobha ono arëngë ighörö iyö, akumibhwi.”

Maariko 11:9

Abhantö abhandë bhaarenga bhatangatirë, na abhandë bhaarwanga nyuma Yëësu. Bhonswe igho, bhaasherranga bharaghamba igha, “Hosana! Waryobha akongʼoore ono ukuusha okohetera iriina irya Omonene Waryobha!

Ruuka 19:38

Bhakatöönia igha, “Waryobha angʼoore omokama ono akuusha ko okohetera iriina irya Omonene Waryobha. Omorembe ghobhe ku-Waryobha na abhantö abhaaye, na atöönibhwi Waryobha ono arëngë kighörö iya ëbhëntö bhyonswe igho.”

Yohana 11:27

Maarita akamohonshora igha, “Obhoheene Omonene, nkukumya ndë igha, nu-uwe Kiristo, Omoona uwa Waryobha, ono akuusha ko-kebhara kono.”

Yohana 12:13

Mbe, bhakaghegha amasagharya agha emetende, bhakaghya ukumuturungʼana. Bhakasherra bharaghamba igha, “Hosana! Waryobha akongʼoore ono ukuusha ko okohetera iriina irya Omonene Waryobha! Angʼoorwe Omokama uwa Abhaisiraëri.”

Yohana 16:14

Umwika uyö, narëbhööryökya ubhuhika ubhwane, ko bhoora arebhatëëbhya ghano arinyooranga ukurwa ku-öni.

Yohana 4:21

Yëësu akamohonshora igha, “Ore omokari, uwe otankumya, enkaagha iriihika-ho, eno motaresaasaamanga Taata Waryobha ku-nguku kono, handë Yërusarëëmu eera.

Yohana 6:14

Hano abhantö bhayö bhaarööshë rikono irya ekemanyërryö kiyö Yëësu yaakörrë, bhakaghamba igha, “Obhoheene ömöntö ono, nö-mörööti uwa Waryobha, ono twaitengʼeranga igha, naraashe ko-kebhara kono.”

Yohana 7:31

Kasi abhantö abhaaru bhano bhaarë hayö bhakakumya Yëësu. Abhantö bhayö bhakaghamba igha, “Hano Kiristo ariisha, narekora ebhemanyërryö ibhyaru ibhya amakono okokera bheno ömöntö ono yaakora?”

Abhaëbhuraania 10:37

Amaandeko Amahörëëru gharaghamba igha, “Enkaagha ne-nke igho eno itighaayë, iya uyö akuusha aashe, kora taateghete hë.