Mataayo 11:25 - Imuuma Eehya

²⁵ Ko-nkaagha iyöiyö, Yëësu akaghamba igha, “Uwe Taata, nu-uwe nkukumya Omonene uwa kera ëkëntö mu-ryobha iyö na ko-kebhara kono. Ko bhoora amangʼana aghaaho ghano, waabhisa abhantö abhangʼaini na bhano bhaasoma, kasi okahonyorra abhantö bhano bhaana umukumo ku-uwe kya abhaana abhake.

Mataayo 11:25 ပူးပေါင်းရင်းမြစ်များ

Mataayo 16:17

Yëësu akatëëbhya Peetero igha, “Uwe Simööni mura uwa Yoona, wangʼoorwa, ko bhoora taaho ömöntö ono aköhönyörrëëyë ghayö, kasi n-Taata uwa mu-ryobha, we aköhönyörrëëyë.

Mataayo 21:16

Bhakabhöörya Yëësu igha, “Oraighwa kiyö abhaana bhayö bhakoghamba?” Yëësu akabhahonshora igha, “Nkwighwa ndë. Kanaa, temwakasömirë amangʼana ghano gharëngë mo-Maandeko Amahörëëru igha, ‘Wisëëmëëyi ukukumibhwa ukwaho okohetera mu-minywa ighya abhaana abhake, na ebhengʼerre’?”

Ruuka 22:42

“Hano oraahanshe Taata uwëëtö, unduusiri-ho engʼanga eno, kasi otakaakora kya bhono öni nkutuna, okore bhono uwe ukutuna.” [

Ruuka 23:34

Yëësu akaghamba igha, “Ë Taata uwëëtö, otabhaabhera, ko bhoora tebhamanyirë keno bhaghokora hë.” Abhasirikare bhayö, bhakakora ekekoobhwe ikya ukutwena singibho isya Yëësu.

Yohana 11:41

Mbe, bhakaruusya-ho reghena reera. Yëësu akagharamera mu-ryobha, akasaasaama ku-Waryobha igha, “Taata, ndakukumya ko bhoora wighuurë amasabhi aghaane.

Yohana 12:27

Mbe, ho bhoono Yëësu yaaghambirë igha, “Enkoro iyaane nkobhaabhayera ërë. Bhoono n-kë ndaaghambe? Ngambe igha, ‘Taata, ntöörya ko-nkaagha iya inyaanyi eno?’ A a, tentore okosabha igho hë, ko bhoora n-ko okoghera iya amangʼana ghayö, nkyo kyaaghera nkaasha ko-kebhara kono.

Yohana 12:28

Taata Waryobha, honyora ubhuhika ubhwa iriina iryaho.” Mbe, engamba ekarwera mu-ryobha eraghamba igha, “Nhönyööyë ubhuhika ubhwane, kora ghwiki nendaaghëndërri okobhohonyora.”

Amangʼana agha Abhatomwa 17:24

“Waryobha we yaabhomba mu-ryobha na ekebhara kyonswe igho, na bheno bheemo. Uyö we Omonene uwa mu-ryobha na ekebhara kyonswe igho, ku bhuyö, takwikara mo-masengerro ghano ghahaghaashwa na abhantö.

1 Abhakörintö 2:10

Kasi bhëëtö, Waryobha yaatorahorra amangʼana ghayö okohetera ku-Mwika Ömöhörëëru. Ko bhoora Umwika Ömöhörëëru nkwitaaha arë ghonswe igho, kora ibhibhisirë ibhya Waryobha.

2 Abhakörintö 3:14

Sehakëri isya Abhaisiraëri, ni-ndito syaarë. Ko bhoora igha, kora bhoono igho, hano Imuuma iya Kare yasomwa, ikikundikiryö keerakeera, nkobhakundikirya kërë. Ikikundikiryö kiyö, tikikuruusibhwa-ko hë, ko bhoora nkuruusibhwa-ko kërë hano ömöntö yaabha na öbhömwë na Yëësu Kiristo.