Mataayo 11:21 - Imuuma Eehya

²¹ “Haahö bhëënyu abhantö abha Korazini, Waryobha narebhashibhya. Haahö abhantö abha Bhëtisaida, Waryobha narebhashibhya. Singa amakono ghano naakora kö-bhëënyu ngo naakora mu-mighi ighya Tiiro na Siidööni, singa abhantö abha Tiiro na Siidööni mbakaatöörrë singibho isya amaghonera na ukwihaka riibhu ukwörökya igha, bhahöngööyë ëbhëbhë ibhyabho.

Mataayo 11:21 ပူးပေါင်းရင်းမြစ်များ

Mataayo 11:22

Kasi nkobhatëëbhya ndë igha, hano Waryobha arebhotorra abhantö ibhiina ibhyabho, narebhashibhya bhököngʼu okokera bhono arishibhya abhantö abha Tiiro na Siidööni.

Mataayo 15:21

Mbe, Yëësu akarwa hayö, akaghya mo-sembareka isya imighi ighya Tiiro na Siidööni.

Mataayo 18:7

Haahö, bhëënyu abhantö abha ko-kebhara kono, ko bhoora amangʼana agha ukutimba, ngariisha. Amangʼana agha ukutimba ghayö, ni-igha ghaashe, kasi haahö, kö-möntö ono arereeta amangʼana agha ukutimba ghayö.

Mataayo 26:24

Öni Omoona uwa Ömöntö, nendaaitwe kya igho yandëkirwë mo-Maandeko Amahörëëru. Kasi haahö, ömöntö ono araannyeere inikö. Ömöntö uyö, nyakara atakaaibhööywë.”

Maariko 6:45

Mbe, Yëësu akaraghërrya abheegha abhaaye igha, bhasohe mu-bhwato, bhatangate bhaamboke inyansha bhaghi Bhëtisaida. Kasi umwene akatama araraghana na rikomo irya abhantö.

Maariko 7:24

Mbe, Yëësu na abheegha abhaaye bhakatanora ukurwa mo-mokowa ughwa Ghariraaya, bhakaghya mo-sembaara isya umughi ughwa Tiiro. Akasoha mu-nyumba nyabhorebhe, tiyaatunanga ömöntö amanye hano arë hë. Kasi abhantö bhakamanya hano arë.

Maariko 7:31

Mbe, Yëësu akatanora ukurwa Tiiro hayö, akahetera Siidööni, akahika ku-nyansha iya Ghariraaya, ku-kyaro ikya Dekapööri.

Maariko 8:22

Yëësu na abheegha abhaaye bhakahika mu-kishishi ikya Bhëtisaida. Abhantö nyabhorebhe bhakareeta umuhukuru ku-Yëësu. Bhakamosabha igha amukuni, amuhwëni.

Ruuka 4:26

Waryobha tiyaatömirë Ëriya ku-musinö wowonswe igho, uwa Isiraëri. Kasi yaatömirwë ku-musinö ömwë ono yaarenga Sareputa, mu-kyaro ikya Siidööni keno ketarë Isiraëri!

Ruuka 6:17

Yëësu akangʼaaraara ukurwa ku-nguku kuyö hamwë na abhatomwa abhaaye. Hano yaahikirë ko-kebharabhanshë, akaimerra. Hayö bhaare-ho abheegha abhaaye abhaaru, na rikomo rinene irya abhantö abhandë resangëraini-ho. Bhaarwërëëyë mo-mokowa ughwa Yudea ghonswe igho, abhandë bhaarwërëëyë mu-mughi ughwa Yërusarëëmu, na abhandë bhaarwërëëyë ko-sembaara isya ko-morambo ughwa Tiiro na ughwa Siidööni. Abhantö bhayö mbaaishirë hayö, okore bhaitegherre Yëësu, na ukuhwënibhwa.

Ruuka 9:10

Mbe, abhatomwa bhayö, bhakakyora ku-Yëësu, bhakamötëëbhya ghonswe igho ghano bhaakörrë. Hayö ho yaabhatangatirë abheene igho hagharë, ukughya mu-mughi ghono ghwaabherekerwanga igha Bhëtisaida.

Yohana 1:44

Firipö yaarenga ömöntö uwa umughi ughwa Bhëtisaida, mono Anderea na Peetero bhaamënyirë.

Yohana 12:21

Mbe, abhantö bhayö bhakaghya ku-Firipö ono yaaruurë Bhëtisaida, mo-mokowa ughwa Ghariraaya, bhakamötëëbhya igha, “Omosookwa, torasabha tomaahane na Yëësu.”

Amangʼana agha Abhatomwa 12:20

Mbe, okanyoora omokama Herode uyö, yaarererra bhököngʼu abhantö abha mu-mighi gheno ghyaabherekerwanga igha Tiiro bheena Siidööni. Ku bhuyö abhantö abha mu-mighi ghiyö, bhakatoma abhahiri abha amangʼana ko-Herode uyö, bhamosaasaame, okore bharengerrani bhabhe na omorembe. Abhahiri abha amangʼana bhayö, bhakangʼënërrya Bhurasito, umwimërërri uwa ughunyumba ughwa omokama Herode, okore aghootane nabho, abhe orobhareka urwabho ko mangʼana aghaabho na Herode. Bhaatunirë omorembe ko bhoora imighi ighya Tiiro na Siidööni, ngyaanyooranga ibhyakorya ukurwa mu-kyaro ikya omokama Herode.

Amangʼana agha Abhatomwa 27:3

Nyinkyo yaako, tokaghobha ko-keghobho ikya mu-mughi ghono ghwaabherekerwanga igha Siidööni. Yuriyo akakorra Pauro öbhöntö ubhwa heene, ko okomohaana umweya amaahane na abhasaani abhaaye, okore bhamusumi-ko ëbhëntö bheno yaarë na obhohabhë nabhyo.

Yuuda 1:11

Haahö, abheene bhayö! Ko bhoora bhaghöötirë enshera iya Kaini, iya okokora ëbhëbhë. Ko bhoora nu-bhwamë bhakutuna, bhaihaatera këmwë, kora mö-bhöngʼënërrya kya ubhwa Bharaamu bhoora bharë. Bhaasika, ko bhoora bhaatëëyirë kya bhoora Koora yaatëëyirë akasika.

Okohonyora 11:3

Nendaatome abhaimërërri abhaane bhabhërë, bhano ndaahaane obhotoro ubhwa okokora öbhörööti sinsikö ëkëkwë ëkëmwë amaghana abhërë na merongo esansabha. Abhaimërërri bhayö, nurinyoora bhaibhöhirë singibho isya amaghonera, ukwörökya igha bhasorombaayë.” Sinsikö siyö, nsengʼana kya imyëri merongo ene na ibhërë.

Okohonyora 6:12

Mbe, nkamaaha Omoona Ringʼöndi aranaanora ubhurimbo ku-muhuri ughwa kasansabha ghoora. Hano yaanaanööyë-ko, ikirighiti ekenene bhököngʼu kekeebhoka. Iryobha rekaisyörya erangë, rekamwama twi kya amakara, umwëri ghokakangaara bhököngʼu kya amaanyinga.