Mataayo 10:6 - Imuuma Eehya

⁶ Kasi moghende ko-Bhaisiraëri, bhayö, n-kya amangʼöndi ghano ghasira.

Mataayo 10:6 ပူးပေါင်းရင်းမြစ်များ

Mataayo 18:10

Yëësu akaghëndërrya okobhatëëbhya igha, “Mwangarre, motakaasera ömöntö omoke igha taana ubhwera hë. Ko bhoora igha, abhamaraika abhaaye mu-ryobha iyö, nkunyoora örë nkaagha syonswe igho bharëngë mbere ya Taata uwa mu-ryobha. [

Mataayo 18:11

Ko bhoora öni Omoona uwa Ömöntö, naasha ko-kebhara kono ökötöörya bhano bhaasira.]

Ruuka 24:47

Ko-maraghërryö aghaane, na ku ubhwera ubhwane, amangʼana ghano, ngareraarekwa ko-bhantö abha ibhyaro bhyonswe igho, ukusimirya Yërusarëëmu. Amangʼana ghayö, na-agha abhantö okohongora ëbhëbhë ibhyaho, okore bhaabherwe.

Amangʼana agha Abhatomwa 13:46

Pauro bhaana Bharinaabha, bhakabhahonshora ko obhokarë igha, “Yaarë igha motangate okoraarekerwa amangʼana agha Waryobha. Kasi ko bhono bhëënyu abheene mwangirë, moraimaaha igha timwingʼarëëyi öbhöhöru ubhwa amakora ghonswe igho hë, tigha mbe bhoono bhëëtö twisyöri okoraarekera Abhakyaro.

Amangʼana agha Abhatomwa 18:6

Kasi Abhayahudi bhayö, bhakamunyeera senkaani na okomotoka, ku bhuyö akaghankamora singibho isyaye, na okobhatëëbhya igha, “Hano moraasire m-bëënyu abheene, taaho ömöntö ono amaanyinga aghaaye gharaanyiromberre hë! Tigha öni bhoono ngende okoraarekera Abhakyaro.”

Amangʼana agha Abhatomwa 26:20

Nkasimya ukwëghya abhantö abha Damasiko, nkaghya Yërusarëëmu, hano nkomara hayö, nkaghya Yudea na ko-Bhakyaro bhonswe. Bhonswe igho bhayö, naabhatëëbhyanga igha, bhahongore ëbhëbhë ibhyabho, bhabhe abhantö abha Waryobha. Bhakorenga amangʼana amaiya agha ukwörökya igha, bhahöngööyë ëbhëbhë ibhyabho.

Amangʼana agha Abhatomwa 3:26

Ku bhuyö, hano Waryobha yaaryökëri Yëësu ömököri uwaaye uwa emeremo, nkö-bhëënyu yaamötömirë mbere, okore abhangʼoore ko okobharuusya bhonswe igho mo-bhoghogho ubhwënyu bhono moonabho.”

1 Peetero 2:25

Mwaarenga kya amangʼöndi ghano ghasirrë, kasi bhoono, mwakyörrë ko-mokaraabhërri uwëënyu na we omonaghya uwëënyu.