Mataayo 10:5 - Imuuma Eehya

⁵ Mbe, Yëësu akatoma abhatomwa ikömi na bhabhërë bhayö, akabharaghërrya igha, “Motakaaghya ko-Bhakyaro, handë ku-mughi ghoghonswe ghoora ughwa Samaaria.

Mataayo 10:5 ပူးပေါင်းရင်းမြစ်များ

Mataayo 22:3

Omokama uyö, akatoma abhaghorwa abhaaye bhaghende okobherekera bhaara bhaaraarëkirwë mu-bhwenga. Kasi bhakaanga ukuusha mu-bhwenga.

Mataayo 4:15

“Mwitegherre abhantö abha ikyaro ikya Zabhurööni na ikya Nafutaari, ahasë hano harëngë haangʼë na inyansha iya Ghariraaya, humbu iya omooro ughwa Yorodani, mo-mokowa ughwa Ghariraaya iya Abhakyaro.

Maariko 6:7

Akabherekera abheegha abhaaye ikömi na bhabhërë. Akabhahaana ubhwera ubhwa ukwata amasambwa ukurwa ko-bhantö. Akabhatoma bhabhërë bhabhërë.

Ruuka 10:1

Hano ghayö ghaahööyë, Omonene Yëësu akashaaghora abhasoorani merongo muhungatë na bhabhërë. Akabhatoma bhabhërë bhabhërë, bhatangate ukughya mu-mighi ghyonswe igho, na ahasë honswe igho, hano umwene yaatunanga ukughya-ho.

Ruuka 10:33

“Kasi Omosamaaria uwöndë, ono yaarë ko-roghendo urwaye, ni-igho yaarööshë ömöntö uyö igho, akamwabhera.

Ruuka 17:16

Hano yaahikirë ku-Yëësu, akairekera hansë bhubhuumaayë, ko-maghörö aghaaye hayö, aramukumya. Na ömöntö uyö, m-Mosamaaria yaarë.

Ruuka 9:1

Yëësu yaabhërëkëëyë abhatomwa abhaaye ikömi na bhabhërë. Akabhahaana ubhwera na obhotoro ubhwa ukwata amasambwa ghonswe igho ko-bhantö, na ukuhwënia abharööyë.

Ruuka 9:2

Akabhatoma bhaghende okoraarekera abhantö amangʼana agha Obhokama ubhwa Waryobha na ukuhwënia abharööyë.

Yohana 17:18

Kya bhono waantoma ko-kebhara kono, ni-ighoigho na öni wonswe nkobhatoma ko-kebhara kono.

Yohana 20:21

Yëësu akabhakëërya ghwiki igha, “Mobhe na omorembe bhamurë. Kya bhono Taata Waryobha yaantoma, ni-ighoigho na öni wonswe nkobhatoma ko-kebhara kono.”

Yohana 4:20

Abhakörö abha Abhasamaaria, nku-nguku eno bhaasengerranga Waryobha, na bhëënyu Abhayahudi moraghamba igha, Yërusarëëmu ho ahasë aha okosaasaamera Waryobha.”

Yohana 4:5

Ku bhuyö, akahika mu-mughi ghono ghwaarë Samaaria, ghokobherekerwa igha, Sikaari. Umughi ghuyö ghwaarë haangʼë na ömöghöndö ghono Yaakobho yaahaayë umwandö omoona uwaaye, Yusufu.

Yohana 4:9

Mbe, omokari Omosamaaria uyö, akahonshora Yëësu igha, “N-kwakë uwe Umuyahudi, okonsabha amanshë agha ukunywa öni omokari uwa Ekesamaaria?” Yaabhöörri igho, ko bhoora Abhayahudi, tebhaighwerrananga na Abhasamaaria hë.

Yohana 7:35

Amangʼana ghayö, ghaaghërrë abhatangati abha Abhayahudi bhakateebhania igha, “Ömöntö ono hai araaghi twange ukumunyoora? Kasi, nkutuna arë ukughya ko-Bhayahudi bhano bhaanyaraghana ukughya mu-bhyaro ibhyëndë, na ukwëghya abhantö bhano bhatarë Abhayahudi?

Yohana 8:48

Abhayahudi bhakabhöörya Yëësu igha, “Kasi to-bhoheene tokoghamba igha, uwe m-Mosamaaria örë, kora noona risambwa?”

Amangʼana agha Abhatomwa 1:8

Kasi murinyoora singuru hano Umwika Ömöhörëëru ariisha kö-bhëënyu. Ho morebha abhaimërërri abha amangʼana aghaane Yërusarëëmu, Yudea yonswe igho, Samaaria na kora ko-kebhara kyonswe igho.”

Amangʼana agha Abhatomwa 10:45

Hano Abhayahudi abhakumya Yëësu bhano bhaahinaini na Peetero ukurwa Yafa bhaarööshë amangʼana ghayö, bhakaroghoora okomaaha igha Abhakyaro bhonswe bhatuhirwë Umwika Ömöhörëëru.

Amangʼana agha Abhatomwa 8:1

Sauri wonswe yaaikererrraini na ukwitwa ukwa Sitefaano. Mbe, abhantö bhano bhaaighweranga Waryobha, bhakabheeka Sitefaano, bhakamokoorra bhököngʼu. Urusikö roora Sitefaano yaaitirwë, abhantö abha ekanisa iya Yërusarëëmu, bhaanyankiibhwi bhököngʼu, kora bhakanyaraghana. Abhaaru mbaangʼösirë, kasi abhatomwa abha Yëësu abheene igho, mbo bhaatighaayë Yërusarëëmu hayö. Bhano bhaangʼösirë, mbaangʼösëëyë mo-mokowa ughwa Yudea na Samaaria.

1 Abhatësarönikë 2:16

ko bhoora bhakotokaania okoraareka Amangʼana Amaiya ko-Bhakyaro. Keno bhakutuna ni-igha, Abhakyaro bhatakaatööribhwa. Ku bhuyö ni-igho bhaköghëndërrya okohekerania ëbhëbhë bhyonswe igho bheno bhakokora senkaagha syonswe igho. Kasi bhoono öbhöbhë ubhwa Waryobha, bhobhahëkërëëyë!