Mataayo 10:41 - Imuuma Eehya

⁴¹ Ömöntö wowonswe ono akösërëënia ömörööti, ko bhoora igha ömörööti uyö, m-moraarëki uwa amangʼana agha Waryobha, Waryobha narimutuha kya bhono arituha ömörööti. Ömöntö wowonswe ono akösërëënia ömöntö uwa heene ko bhoora igha wa heene, Waryobha narimutuha kya bhono arituha omoheene.

Mataayo 10:41 ပူးပေါင်းရင်းမြစ်များ

Mataayo 16:27

Öni Omoona uwa Ömöntö nindiisha na abhamaraika ko-merengaari ighya Taata. Hayö ho ndehaka abhantö bhonswe igho okorengʼaana na emeremo gheno bhaakora.

Mataayo 25:44

“Ho bhoono bhaara urinyoora bharëngë bhömösi ubhwane bharehonshora igha, ‘Mbe! Omonene, hai twaakomaaha ösëngëëyë, oona inyonta, örëngë ömöghëni handë örëngë kengʼaabhi, öröörrë, handë igha örëngë mo-kebhohe, tokanga ökökötöörrya?’

Mataayo 25:45

Ho na öni wonswe nendebhahonshora igha, ‘No-bhoheene nkobhatëëbhya igha, kyokyonswe keno mwaanga okokorra umukumya wowonswe ono mokomaaha igha taana ubhwera hë, nö-öni mwaanganga okokorra.’

Mataayo 6:1

Yëësu akaghëndërrya ukwëghya abheegha abhaaye igha, “Mwiyangarre, motakaakora amangʼana aghëënyu, okore momaahwe na ukukumibhwa na abhantö. Ko bhoora hano moraakore igho, Taata uwëëtö uwa mu-ryobha tabhatuhe hë.

Mataayo 6:18

okore abhantö bhatakaamanya igha, wisasirë ibhyakorya. Hayö bhoono, ho Taata uwëëtö uwa mu-ryobha, ono atakomaahwa araakutuhe.”

Mataayo 6:4

engʼana iyö, otakaagherekera kebhara. Hayö ho Taata uwëëtö uwa mu-ryobha ono akomaaha imbumbure iya ömöntö, araakutuhe.”

Mataayo 6:6

Kasi hano uwe wasaasaama, ni-igha osohe mu-kinyumba ikyaho, usiike-ho ekesaku. Saasaama ku-Waryobha Taata uwëëtö, ono atakomaahekana. Ho bhoono Taata uwëëtö uyö akomaaha imbumbure iya ömöntö, araakutuhe.”

Mataayo 7:8

Ko bhoora ömöntö wowonswe ono akosabha Waryobha keno akutuna, Waryobha nkomohaana arë. Ömöntö ono akutuna ëkëntö ku-Waryobha, nkunyoora arë. Na ömököngʼönti uwa ekesaku, Waryobha nkumweghorra arë-ho.

Amangʼana agha Abhatomwa 16:15

Ho omokari uyö yaabhatiisiibhwi hamwë na abhantö abha waaye, akatosaasaama igha, “Nyoore bhamurë, mörööshë igha nkumiri Omonene uwëëtö Yëësu, ndabhasabha toghende motanaahe-ko waane.” Akatokangʼasërrya bhököngʼu igha toghende waaye, tokaikerrya.

Abharuumi 16:23

Ghaayo ono öni Pauro nikaayë waaye, wonswe nkobhakëërya arë. Kora waaye hayö, ho ekanisa iya Omonene uwëëtö Yëësu Kiristo ikusikanera. Ghwiki ömöntö uwöndë ono akobhakëërya, ne-Erasito omonaghya uwa seehera isya umughi ghono, na umukumya murikyëtö ono akobherekerwa igha Kwarito wonswe nkobhakëërya arë. [

1 Abhakörintö 9:17

Hano ndaakore emeremo ghiyö ko okohansha ukwane öni umwene, nendaatuhwe. Kasi hano oraanyoore igha te-ko okohansha ukwane hë, mmanye igha naakumibhwa, nkahaanwa ubhwimërërri.

Abhaëbhuraania 6:10

Ko bhoora Waryobha wa heene, taatore ukwebha emeremo ighyënyu gheno mwaakora, na righonshe reno mwöörökya ko okoghera iya we, ku ukutighinkanera abhahörëëru, na kora bhoono nköghëndërrya mörë okobhatighinkanera.

2 Yohana 1:8

Mbe, ku bhuyö ni-igha mwiyangarrenga, okore omotono ughwënyu ughwa okokorra Waryobha emeremo, ghotakaaheta bhosa igho. Kasi omotono ughwënyu ghuyö, ghobhareetere ehoorohooro iya okobhaisa, eno ikurwa ku-Waryobha.