Mataayo 10:4 - Imuuma Eehya

⁴ Simööni Omozerote na Yuuda Isikariyote ono yaanyëërëëyë Yëësu inikö.

Mataayo 10:4 ပူးပေါင်းရင်းမြစ်များ

Mataayo 26:14

Mbe, Yuuda Isikariyote ömwë mo-bheegha abha Yëësu ikömi na abhabhërë bhaara, akaghya ko-bhanene abha abhasëngëri.

Mataayo 26:15

Hano yaahikirë, akabhabhöörya igha, “N-kë moraangʼaane hano ndaabhaghööti Yëësu?” Bhakamohaana seehera merongo etatö.

Mataayo 26:2

“Kya bhono bhëënyu bhonswe momanyirë igha, syaatighaayë sinsikö ibhërë igho, inyangi iya Epasaka ebhe. Ho bhoono öni Omoona uwa Ömöntö, ndaatoorwe mu-bhitaano ibhya abhabhisa abhaane, mbarinnyeera inikö, okore nhanekwe ko-mosarabha.”

Mataayo 26:47

Enkaagha eno waanyöörrë Yëësu akishumaasha, tamaaha, Yuuda ömwë uwa bheegha abhaaye ikömi na bhabhërë bhaara, akatora aana rikomo rinene irya abhantö. Rikomo riyö, ryaaruurë ko-bhanene abha abhasëngëri na abhaghaaka abha Ikiyahudi, bhamanööyë imishonge na sirungu.

Mataayo 27:3

Yuuda oora yaanyëërëëyë Yëësu inikö hano yaarööshë igha Yëësu abhötörëëywë ikiina igha aitwe, akaighwa bhoghogho mo-nkoro iyaaye. Akaghegha seehera merongo etatö seera, akakyörrya abhanene abha abhasëngëri na abhaghaaka abha Ikiyahudi.

Maariko 14:10

Mbe, Yuuda Isikariyote, ömwë mo-bheegha ikömi na bhabhërë abha Yëësu, akaghya ko-bhanene abha abhasëngëri, ukunyeera Yëësu inikö, okore abhööröki enshera iya okomoghoota.

Maariko 14:43

Enkaagha eno waanyöörrë Yëësu akishumaasha, Yuuda ömwë uwa bheegha abhaaye ikömi na bhabhërë bhaara, akahika aana rikomo irya abhantö. Rikomo riyö ryaarenga remanööyë imishonge na sirungu. Ryaaruurë ko-bhanene abha abhasëngëri abha Waryobha, abhëëghya abha amaraghërryö agha Mosa na ko-bhaghaaka abha Ikiyahudi.

Ruuka 22:3

Mbe, mo-bheegha abha Yëësu ikömi na bhabhërë bhaara, yaare-mo umwegha ono yaabherekerwanga igha Yuuda Isikariyote. Yuuda uyö, we Oghosambwa ghwaaghöötirë-ko,

Ruuka 22:47

Hano Yëësu yaarenga akeeghamba ghayö, akeesherwa na rikomo irya abhantö abhaaru, bhano bhaatangatirwë na Yuuda umwegha uwaaye mu-ikömi na abhabhërë bhaara. Hayö ho Yuuda yaasuntarëëyë Yëësu akamwibhaara.

Yohana 13:2

Yëësu na abheegha abhaaye, bhakaikara okorya ibhyakorya ibhya omoghoroobha. Enkaagha iyö, waanyöörrë Oghosambwa ghomarrë köngʼënërrya Yuuda, mura uwa Simööni Isikariyote, okore anyeere Yëësu inikö.

Yohana 6:64

Kasi hobharë abhandë mö-bhëënyu, bhano bhakwanga ukunkumya.” Yëësu yaaghambirë igho, ko bhoora yaamanyirë ukurwa okosemoka igha, m-baabho wë bhaamukumyanga, na ghwiki igha n-nawë akaamunyëërëëyë inikö.

Yohana 6:71

Hayö Yëësu yaashumaasheranga Yuuda omoona uwa Simööni Isikariyote. Ko bhoora uyö, we yaanyëërëëyë Yëësu inikö, nokaanyoora yaarenga ömwë mo-bheegha ikömi na bhabhërë bhaara.

Amangʼana agha Abhatomwa 1:13

Hano bhaahikirë Yërusarëëmu, bhakasoha mu-kinyumba ikyabho ikya ko-ghorofa, keno bhaaikaranga-mo. Abhatomwa bhayö, m-baabho Peetero, Yohana, Yaakobho, Anderea, Firipö, Toomasi, Bhatoromaayo, Mataayo, Yaakobho mura wa Arufaayo, Simööni Omozerote, na Yuuda mura wa Yaakobho.

Amangʼana agha Abhatomwa 1:25

Ömöntö uyö oraashaaghore, omokore abhe hamwë na bhëëtö, ko-meremo ighya obhotomwa bhono Yuuda yaatigha akakwa, akaghya ahasë hano hamwingʼarëëyë.”