Mataayo 10:27 - Imuuma Eehya

²⁷ Amangʼana ghonswe igho ghano nkobhatëëbhya mu-kisuntë, moghaghambe harabhu igho. Kora amangʼana agha Obhokama ubhwa Waryobha ghano mukwighwa mwighara, mogharaareke harabhu igho.

Mataayo 10:27 ပူးပေါင်းရင်းမြစ်များ

Mataayo 24:17

Ömöntö ono urinyoora arëngë kwi-rongo, atakaika hansë igha asohe mu-nyumba, okoghegha ëkëntö kyokyonswe keera, kasi angʼose bhöngöbhöngö, atakaategheta.

Ruuka 12:3

Ghonswe igho ghano mwaaghamba mu-kisuntë, ngariighwebhwe aharabhu igho. Na ghonswe ghano mwashamerrananga riiko, ngareraarekwa aharabhu igho, ko-rosara urwa inyumba.

Ruuka 8:10

Akabhahonshora igha, “Amangʼana agha Obhokama ubhwa Waryobha ngaibhisirë. Nyakara bhëënyu, ko bhoora Waryobha abhahönyörrëëyë amangʼana ghayö, okore moghamanye. Kasi abhandë në-bhërëngyö nkobharëngërya, ko bhoora igha, ‘Hano bhamaaha, n-kya hano bhatarööshë. Nokaanyoora bhaana amatwë bharaighwa, kasi n-kya bhano bhatakwighwa, tebhakomanyërrya hë.’

Yohana 16:1

“Mbatëëbhëri amangʼana ghonswe igho ghayö, okore motakaatigha umukumo ughwënyu.

Yohana 16:13

Kasi Umwika uwa heene oora hano ariisha, narebhahonyorra amangʼana agha obhoheene bhonswe igho. Narekora igho ko bhoora tareghambanga ko bhono umwene akutuna hë, kasi nareghambanga ghano urinyoranga araighwa, narebhatëëbhya kora na amangʼana ghano gharebha mbere iyö.

Yohana 16:25

“Mbarëngëëyi amangʼana ghayö kö-bhërëngyö, kasi enkaagha iriihika-ho eno ntarebharëngëryanga, ko bhoora nindishumaashanga na bhëënyu harabhurabhu igho amangʼana agha Taata.

Yohana 16:29

Mbe abheegha abhaaye bhakaghamba igha, “Tamaaha mbe, bhoono nkoghamba örë bhuuyabhuuya igho, kora tökörëngya ëbhërëngyö hë.

Amangʼana agha Abhatomwa 17:17

Mbe, akabha arasoha mu-nyumba iya esango iya Abhayahudi, arashumaasha na bhano yaasikananga nabho muyö. Akashumaasha na Abhayahudi na Abhakyaro bhano bhaaighweranga Waryobha, akabhaheemera amangʼana agha Yëësu. Akaheemera kora bhano yaasikananga nabho mo-moteera kera urusikö.

Amangʼana agha Abhatomwa 5:20

“Moghende mwimerre mo-bhogho ubhwa risengerro irya Waryobha, mötëëbhi abhantö amangʼana ghonswe igho, agha öbhöhöru obhohya bhono!”

Amangʼana agha Abhatomwa 5:28

“Tetwabhakaanëri kwa öbhörrö igha motakëëghya abhantö ku iriina irya ömöntö uyö? Bhoono n-kwakë mököghëndërrya ukwëghya abhantö amangʼana aghaaye Yërusarëëmu yonswe igho? Morabhatëëbhya igha m-bëëtö ikibhuno ikya uruku urwaye.”

2 Abhakörintö 3:12

Nkoghamba törë ko bhokarë, ko okoghera iya ubhweseghe bhuyö toonabho.