Mataayo 10:26 - Imuuma Eehya

²⁶ Mbe, Yëësu akabhatëëbhya igha, “Motakoobhoha abhantö, ko bhoora ëkëntö kyokyonswe igho keno kikundikiriibhwi, nkerekondokorwa, na kyokyonswe keno kibhisirwë, nkeremaahwa.

Mataayo 10:26 ပူးပေါင်းရင်းမြစ်များ

Mataayo 10:28

Motakoobhoha abhantö. Keno bhakotora ukwita, nö-möbhërë ughwënyu ughwene igho, kasi tebhakotora ukwita öbhöhöru ubhwa umwika ughwënyu hë. Waryobha we uwa ukwobhoha, ko bhoora umwene aratora ukusikya ömöbhërë na umwika ughwa ömöntö mo-morro ghotakurima.

Maariko 4:22

Ni-igho igha, kora teeho engʼana eno ibhisirwë, eno etarehonyorwa. Ghwiki, tereeho ryoryonswe igho reno rikundikiribhwi, reno retarekondokorwa.

Ruuka 24:47

Ko-maraghërryö aghaane, na ku ubhwera ubhwane, amangʼana ghano, ngareraarekwa ko-bhantö abha ibhyaro bhyonswe igho, ukusimirya Yërusarëëmu. Amangʼana ghayö, na-agha abhantö okohongora ëbhëbhë ibhyaho, okore bhaabherwe.

Ruuka 8:17

Hano yaakora igho, ëkëntö kyokyonswe keno kibhisirwë, nkobha kërë harabhu igho. Na bheno bhikundikiriibhwi mberaakondokorwe bhemaahekane.

Amangʼana agha Abhatomwa 1:8

Kasi murinyoora singuru hano Umwika Ömöhörëëru ariisha kö-bhëënyu. Ho morebha abhaimërërri abha amangʼana aghaane Yërusarëëmu, Yudea yonswe igho, Samaaria na kora ko-kebhara kyonswe igho.”

Amangʼana agha Abhatomwa 4:13

Abhanene bhayö, bhakamaaha igha Peetero na Yohana, bhaashumaashirë ko bhokarë, bhakaroghoora bhököngʼu, ko bhoora mbamanyirë igha, tebhaasömirë hë. Kasi bhakahiita igha, Peetero na Yohana, n-hamwë bhaabhanga na Yëësu.

Amangʼana agha Abhatomwa 4:19

Kasi Peetero na Yohana bhakabhahonshora igha, “Mwahokani bhëënyu abheene, nyoore nkomaaha mörë igha nkongʼarra ërë Waryobha ukwanga ukumwighwera, kasi tobhaighwere bhëënyu.

1 Abhakörintö 4:5

Ku bhuyö motakaabhotora ikiina, enkaagha iyaako etaraabha, moghanye okohekera hano Omonene ariisha. We aremoreka amangʼana agha mu-kisuntë ghonswe igho ghano ghabhisirwë, na okotoora harabhu ghano gharëngë mo-senkoro isya abhantö. Hayö ho bhoono kera ömöntö arinyoora sinkuma seno aingʼarëëyi, ukurwa ku-Waryobha.

1 Peetero 3:14

Kasi hano moraanyankibhwi ko okoghera iya okokora amangʼana agha heene, Waryobha naraabhangʼoore. Ku bhuyö, motakaabha na entarëki handë okoobhoha bhano bhakobhanyankya. Mötööninga Yëësu Kiristo, uyö we Omonene uwa öbhöhöru ubhwënyu.