Mataayo 10:22 - Imuuma Eehya

²² Abhantö mbarebharegha hasë honswe igho, ko bhoora igha, m-beegha abhaane mörë. Kasi ono arëghömërrya okohekera ku-muhiko, Waryobha narëmötöörya.

Mataayo 10:22 ပူးပေါင်းရင်းမြစ်များ

Mataayo 10:39

Ömöntö wowonswe ono araaronerre öbhöhöru ubhwaye ubhwa ko-kebhara kono, uyö narisirya öbhöhöru ubhwaye ubhwa mu-ryobha. Kasi ömöntö wowonswe ono araaruusi öbhöhöru ubhwaye ubhwa ko-kebhara kono, uyö narinyoora öbhöhöru ubhwaye ubhwa amakora ghonswe igho.”

Mataayo 24:13

Kasi ömöntö ono arëghömërrya okohekera ku-muhiko, uyö we Waryobha arëtöörya.

Mataayo 24:9

Ko-nkaagha iyö, abhantö mbarebhaghoota, bhabhateese na okobhaita, na abhantö abha ibhyaro bhyonswe igho, mbarebharegha ko okoghera igha, m-basoorani abhaane mörë.

Mataayo 5:11

“Nyakara hano abhantö bhaabhatoka, bharabhateesa, na okobhaghamba amangʼana amaghogho amaaru agha obhorongo ko okoghera iya öni.

Maariko 13:13

Abhantö mbarebharegha ahasë honswe igho, ko bhoora igha, m-beegha abhaane mörë. Kasi ono arëghömërrya okohekera ku-muhiko, Waryobha narëmötöörya.”

Ruuka 21:17

Abhantö bhonswe igho mbarebharegha ko bhoora igha, m-basoorani abhaane mörë.

Ruuka 21:19

Hano mörëghömërrya, ho mörëtööribhwa munyoore öbhöhöru.

Ruuka 6:22

Nyakara bhëënyu, hano abhantö bharebharegha, bhabhaahore, bhabhatoke, na okobhaghamba bhoghogho ko okoghera iya öni Omoona uwa Ömöntö.

Ruuka 8:15

“Kasi simbusiro seno syaatöönyirë mu-rirobha iriiya, siyö na-bhantö bhano bhakwighwa engʼana iya Waryobha. Hano bhamara ukughitegherra, bhaghetoora mo-senkoro isyabho sinshiiya, na eno bharaghëndërrya okoghenaghya. Bhayö mbo bhakobha na örööbhö senkaagha syonswe igho.

Yohana 17:14

Öni marrë okobhatëëbhya engʼana iyaaho, ku bhuyö abhantö abha ko-kebhara kono bhabharëghirë. Mbabharëghirë ko bhoora bhatarëngë abha ko-kebhara kono, kya hano öni ntarëngë uwa ko-kebhara kono.

Yohana 7:7

Abhantö abha ko-kebhara kono, tebhaana ikibhuno keno keraaghere bhabhareghe hë, kasi öni bharaandegha, ko bhoora nkobhatëëbhya igha, amangʼana aghaabho m-maghogho.

Amangʼana agha Abhatomwa 9:16

Nendaamwöröki kya igho araatundësibhwi bhököngʼu, ko okoghera iya iriina iryane.”

Abharuumi 2:7

Abhantö bhano arehaana öbhöhöru ubhwa amakora ghonswe igho, m-mbano bhaana omotono ughwa okokora amangʼana amaiya. Ko bhoora nkutuna bharë ubhuhika, esooko na öbhöhöru bhono bhotakosareka.

2 Abhakörintö 4:11

Ku bhuyö bhëëtö bhano tokeheeshera, nkoghenda törë na uruku nkaagha syonswe igho ko okoghera iya Yëësu Kiristo, okore öbhöhöru ubhwa Yëësu Kiristo bhomaahekane kö-mëbhërë ighyëtö gheno ghikukwa.

Abhagharatia 6:9

Mbe, ku bhuyö ni-igha, totakaarosa okokora amangʼana amaiya, ko bhoora hano toraaghömërri, ntoreghesa bhuuya hano enkaagha iya okoghesa irihika.

Abhaëbhuraania 3:14

Ku bhuyö nkoghootana törë hamwë na Yëësu Kiristo, hano twesegha Waryobha kya bhono twaamukumiri, tokamwesegha, töghëndërri ighoigho na okohekera ku-muhiko.

Abhaëbhuraania 6:11

Keno tukutuna ni-igha, kera ömöntö mö-bhëënyu, aghëndërri okobha na omotono ko mangʼana ghayö okohekera ku-muhiko, okore muushe ukunyoora ghayö mukwitengʼera.

Yaakobho 1:12

Nyakara ömöntö ono aköghömërrya hano yaashaashwa, ko bhoora hano araaghömërri ukushaashwa kuyö, Waryobha narimutuha ituho iya öbhöhöru ubhwa amakora ghonswe igho, bhono yaaraghaini okohaana bhonswe igho bhano bhamohanshirë.

1 Yohana 3:13

Ku bhuyö abhakumya bharikyane, motakaaroghoora hano abhantö bhano bhatakwighwera Waryobha bharaabhareghe.

Okohonyora 2:10

Motakoobhoha inyanko iyö murinyoora. Motamaaha! Oghosambwa ngorebhashaashya, kora ghotoore bharikyënyu mo-kebhohe, na bhëënyu murinyankibhwa sinsikö ikömi. Kasi mobhe abhantö abha heene ku-öni, nokaanyoora igha nkukwa, mukwe. Ko bhoora öni, nendebhatuha ibhirighi ibhya öbhöhöru ubhwa amakora ghonswe igho.

Okohonyora 2:17

Ono aana amatwë, aitegherre amangʼana ghano Umwika Ömöhörëëru akötëëbhya amakanisa. Ömöntö wowonswe ono arekera amangʼana ghayö, ndimutuha ituho ekerengere ikya ibhyakorya ibhya emana eno yaabhiswa. Ghwiki nendemohaana reghena rirabhu. Reghena riyö, nurinyoora ryandëkirwë-ko iriina reehya. Taaho ömöntö ono aremanya iriina riyö hë. Kasi ono arehaanwa reghena riyö, we aremanya.”

Okohonyora 2:26

Ömöntö wowonswe ono arekera amangʼana ghayö na aghëndërri okokora bhono nkutuna okohekera umuhiko, “Nendemohaane ubhwera ubhwa okotonga ibhyaro bhyonswe igho.

Okohonyora 2:3

Kora nemanyirë igha, mworeka bhököngʼu na amangʼana aghaane, kasi mwaaghömërrya nanyabhoono temoraarosa hë. Mwitegherre ghano nkobhatëëbhya!

Okohonyora 2:7

Ono aana amatwë, aitegherre amangʼana ghano Umwika Ömöhörëëru akötëëbhya amakanisa. Ömöntö wowonswe ono arekera amangʼana ghayö na aghömërri righonshe irya mbere reera, nindimwikërrya araaghere sehagho isya ömötë ghono ghokohaana abhantö öbhöhöru. Ömötë ghuyö, mu-ryobha iyö ghörë mu-bhusitaani iya Waryobha.”

Okohonyora 3:21

Ömöntö wowonswe ono arekera amangʼana ghayö, nindimwikërrya aikare hamwë na öni ku-kitumbë ikyane ikya ekekama, kya bhono öni wonswe naakërrë, nkaikara na Taata ku-kitumbë ikyaye ikya ekekama.