Mataayo 10:2 - Imuuma Eehya

² Mbe, ghano hano na-mariina agha abhatomwa ikömi na bhabhërë bhayö yaatömirë, Simööni ono yaabherekerwanga igha Peetero, Anderea, mura uwaabho Peetero enda ëmwë, Yaakobho na Yohana bhamura abha Zebhedaayo,

Mataayo 10:2 ပူးပေါင်းရင်းမြစ်များ

Mataayo 17:1

Hano syaahëtirë sinsikö isansabha, Yëësu yaaghëghirë Peetero, Yaakobho, na mura uwaabho Yaakobho ono yaabherekerwanga igha Yohana. Akariina nabho ku-nguku entambë, okore aikare nabho righara.

Mataayo 20:20

Mbe, mokaa Zebhedaayo akaghya ku-Yëësu na abhamura abhaaye abhabhërë, akamotemera hansë ibhiru, akamosaasaama.

Mataayo 26:37

Akahinana na Peetero na abhamura abhabhërë bhaara abha Zebhedaayo. Akabhaabhayera, akanyanka bhököngʼu mo-nkoro iyaaye.

Mataayo 4:18

Hano Yëësu yaaghendanga ko-morambo ughwa inyansha iya Ghariraaya, akamaaha abhantö abhabhërë, ömöntö na mura uwaabho enda ëmwë. Uwöndë yaabherekerwanga igha Simööni, iriina iryaye iryëndë ni-igha Peetero, na mura uwaabho enda ëmwë uyö, yaabherekerwanga igha Anderea. Bhaarekeranga omotegho mu-nyansha, ko bhoora m-batëghi bhaarë.

Mataayo 4:21

Yëësu akaghëndërrya na oroghendo urwaye, hake igho akamaaha ghwiki abhantö bhabhërë, ömöntö na mura uwaabho. Uwöndë yaabherekerwanga igha Yaakobho na mura uwaabho yaabherekerwanga igha, Yohana, m-bamura abha Zebhedaayo bhaarë. Bhaarenga bhaikaayë mu-bhwato na suwaabho, bharatuma emetegho ighyabho. Bhonswe Yëësu akabhabherekera.

Maariko 1:29

Yëësu na abheegha abhaaye, Simööni, Anderea, Yohana na Yaakobho, bhakarishoka ukurwa mu-nyumba iya esango iyö, bhakaghya ka waabho Simööni na Anderea.

Maariko 13:3

Hano Yëësu yaarenga aikaayë ku-nguku iya Ëmëzëituuni amaahërrëëyë risengerro irya Waryobha, Peetero, Yaakobho, Yohana bhaana Anderea bhakamöbhöörya bharëngë abheene igho hagharë igha,

Maariko 6:30

Hano abhatomwa abha Yëësu bhayö bhaakyörrë, bhakaikomania ku-Yëësu, bhakamötëëbhya ghonswe igho ghano bhaakörrë na ukwëghya abhantö.

Ruuka 11:49

“Kiyö nkyo kyaaghërrë Waryobha ko-bhongʼaini ubhwaye, akaghamba igha, ‘Nendaabhaherre abhatomwa na abharööti, kasi abharööti abhandë, mbaraaitwe, na abhandë mbaraateeswe.’

Ruuka 22:14

Hano enkaagha yaahikirë, Yëësu akaikara okorya hamwë na abhatomwa abhaaye.

Ruuka 22:8

Ho Yëësu yaatömirë Peetero bhaana Yohana, akabhatëëbhya igha, “Moghende mötösëëmëri ibhyakorya ibhya Epasaka, okore tosange hamwë.”

Ruuka 5:10

Yaakobho na Yohana bhamura abha Zebhedaayo, bhano bhaarë mu-bhwato ubhwöndë, mbaarë na öbhömwë na Simööni ko-mangʼana agha öbhötëghi. Abheene bhonswe, ghayö ngaabharöghöörri. Yëësu akatëëbhya Simööni igha, “Uwe otakoobhoha. Uwe m-möghökööri uwa sinswë örë, kasi ukurwa reero, na-bhantö oraaghokoorenga.”

Ruuka 9:10

Mbe, abhatomwa bhayö, bhakakyora ku-Yëësu, bhakamötëëbhya ghonswe igho ghano bhaakörrë. Hayö ho yaabhatangatirë abheene igho hagharë, ukughya mu-mughi ghono ghwaabherekerwanga igha Bhëtisaida.

Yohana 12:22

Firipö akaghya akatëëbhya Anderea amangʼana ghayö, ho bhaamarrë bhakaghya bhonswe igho ökötëëbhya Yëësu amangʼana ghayö.

Yohana 13:23

Yaare-ho umwegha uwa Yëësu, ono Yëësu yaahanshirë bhököngʼu. Umwegha uyö yaarenga aikaayë haangʼë na Yëësu.

Yohana 20:2

Mbe, akakenya akaghya ku-Simööni Peetero na ku-mwegha uwöndë ono Yëësu yaahanshirë. Akabhatëëbhya igha, “Abhantö bharuusiri mo-mbeehera ikihundughu ikya Omonene uwëëtö, kora tetomanyirë hasë bhakihirrë hë!”

Yohana 21:2

Bhano bhaarenga hamwë hayö, m-baabho Simööni Peetero, Toomasi ono yaabherekerwanga igha Ekesare, Natanaëri ono yaarwërëëyë Kana iya mo-mokowa ughwa Ghariraaya, na abhamura abhabhërë abha Zebhedaayo, bheena abheegha abhandë bhabhërë.

Yohana 21:20

Mbe, Peetero akaisyörya, akamaaha umwegha ono Yëësu yaahanshirë bhököngʼu, yaabharwanga nyuma. Umwegha uyö no-oora yaarenga aisëghëkirë ku-kikubha ikya Yëësu, enkaagha iya ibhyakorya ibhya omoghoroobha, kora akabhöörya Yëësu igha, “Omonene, n-nawë araakunyeere inikö?”

Yohana 21:24

Umwegha uyö, we akwemererra amangʼana ghano, kora we yaandeka amangʼana ghano. Kora na bhëëtö bhonswe ntomanyirë igha, no-bhoheene akwemererra.

Yohana 6:67

Mbe, Yëësu akabhöörya abheegha ikömi na bhabhërë bhaara igha, “Kasi, na bhëënyu bhonswe nkutuna mörë okotanora?”

Yohana 6:70

Ho bhoono Yëësu yaabhatëëbhëri igha, “Tenaabhashaaghora bhëënyu ikömi na bhabhërë? Kasi ömwë mö-bhëënyu muyö, aamo uwa Oghosambwa.”

Yohana 6:71

Hayö Yëësu yaashumaasheranga Yuuda omoona uwa Simööni Isikariyote. Ko bhoora uyö, we yaanyëërëëyë Yëësu inikö, nokaanyoora yaarenga ömwë mo-bheegha ikömi na bhabhërë bhaara.

Yohana 6:8

Hayö ho Anderea umwegha uwöndë uwa Yëësu, mumura uwaabho Simööni Peetero enda ëmwë, akatëëbhya Yëësu igha,

Amangʼana agha Abhatomwa 1:13

Hano bhaahikirë Yërusarëëmu, bhakasoha mu-kinyumba ikyabho ikya ko-ghorofa, keno bhaaikaranga-mo. Abhatomwa bhayö, m-baabho Peetero, Yohana, Yaakobho, Anderea, Firipö, Toomasi, Bhatoromaayo, Mataayo, Yaakobho mura wa Arufaayo, Simööni Omozerote, na Yuuda mura wa Yaakobho.

Amangʼana agha Abhatomwa 1:26

Abhantö bhayö, bhakakora ekekoobhwe. Ekekoobhwe, kekaghoota Matiya, ekaghera Matiya abhe hamwë na abhatomwa ikömi na ömwë bhayö.

Amangʼana agha Abhatomwa 12:2

Akaraghërrya igha Yaakobho mura uwaabho Yohana, aitwe na umushonge.

Amangʼana agha Abhatomwa 3:1

Urusikö urwöndë, Peetero bhaana Yohana, bhaaghëëyë mo-bhogho ubhwa risengerro irya Waryobha, saa kenda isya omobhasö. Enkaagha iyö, yo enkaagha eno Abhayahudi bhaasaasaamanga Waryobha.

1 Abhakörintö 15:7

Ghwiki akabhooshokera na Yaakobho, kora na abhatomwa bhonswe igho.

Abhaëfësö 4:11

Uyö we yaahaayë abhantö abhandë obhotoro ubhwa okobha abhatomwa, abhandë bhabhe abharööti, abhandë bhabhe abhainjirisiti, na abhandë akabhahaana obhotoro ubhwa okobha abhakaraabhërri, bhakaraabherrenga na ukwëghya.

Abhaëbhuraania 3:1

Mbe, bhëënyu abhakumya abhahörëëru bharikyane, bhano Waryobha yaashaaghora igha mobhe abhantö abhaaye, mwitegherre bhuuya amangʼana agha Omotomwa Yëësu Kiristo, ono arëngë Omonene uwa abhasëngëri uwa umukumo ghono tukwikërrya.

1 Peetero 1:1

Ritashandighi reno, nö-öni Peetero omotomwa uwa Yëësu Kiristo ndyandëkirë. M-bëënyu abhaahorwa abha Waryobha nandëkëëyë, bhano mwanyaraghana ukughya okomenya ku-bhyaro ibhya abhandë, mo-mekowa ighya Ponto, Gharatia, Kapadokia, Asia Enke na Bhitinia.

2 Peetero 1:1

Ritashandighi reno nö-öni Simeoni Peetero ndyandëkirë, öni ömököri uwa emeremo, na ghwiki m-motomwa uwa Yëësu Kiristo ndë. Bhëënyu bhano mwanyoora umukumo ughwa ubhwera, m-bëënyu nkwandekera. Mwaanyoora umukumo ghooraghoora, ghono na bhëëtö bhonswe twaanyoora okohetera ko obhoheene ubhwa Waryobha na ömötöörya uwëëtö Yëësu Kiristo.

2 Yohana 1:1

Öni omoghaaka uwa ekanisa, nu-uwe umusubhaati nkwandekera ritashandighi reno, hamwë na abhaana abhaaho. Uwe musubhaati, waahorwa na Waryobha hamwë na abhaana abhaaho. Uwe hamwë na abhaana abhaaho, ko bhoheene nembahanshirë. Tö-öni umwene igho mbahanshirë hë, kasi kora abhandë bhonswe igho bhano bhamanyirë obhoheene, mbabhahanshirë.

3 Yohana 1:1

Öni omoghaaka uwa ekanisa, ndakwandekera uwe omoghonshe uwaane Ghaayo. Obhoheene nenkohanshirë.

Okohonyora 1:1

Kono no-kohonyora ukwa Yëësu Kiristo. Waryobha yaahaayë Yëësu Kiristo okore ööröki abhaköri abha emeremo abhaaye amangʼana ghano heene ghakaangöhirë ukwikora. Yëësu wonswe akatëëbhya maraika uwaaye ahonyorre Yohana, ömököri uwaaye uwa emeremo.

Okohonyora 1:9

Öni nö-öni Yohana umukumya murikyënyu. Nkötöörrania ndë hamwë na bhëënyu ököghömërrya inyanko ko okoghera iya Yëësu na Obhokama ubhwaye. Öni naarëbhërrëëywë kwi-ghinga reno rekobherekerwa igha Paatimo. Naarëbhërrëëywë iyö, okore igha, ntakaaraareka engʼana iya Waryobha na ntakaimererra amangʼana agha Yëësu.

Okohonyora 18:20

Mushomerwe abhamënyi abha mu-ryobha, na bhëënyu abhantö abha Waryobha, abhatomwa na abharööti, bhonswe igho mushomerwe, ko bhoora Waryobha ashibhiri umughi ghuyö, ko okoghera iya ghaara umughi ghuyö ghwaabhakörëëyë.

Okohonyora 22:8

Öni Yohana, nö-öni naaighuurë na ukwimaahera amangʼana ghayö bhuuya. Na hano naaghaighuurë na okoghamaaha, naaghööyë bhubhuumaayë, bhöröngë ubhwa maraika uyö yaanyörökyanga amangʼana ghayö, nkatuna igha mosengerre.