Maariko 9:9 - Imuuma Eehya

⁹ Hano bhaangʼararanga ukurwa ku-nguku kuyö, Yëësu akabhakaania igha, bhatakaatëëbhya ömöntö wowonswe igho, ghano bhaarööshë, okohekera hano Omoona uwa Ömöntö urinyoora ndyökirë ukurwa mo-bhaku.

Maariko 9:9 ပူးပေါင်းရင်းမြစ်များ

Mataayo 12:19

Tarinyeerana senkaani na abhantö, handë okokorrana nabho ikituri. Kora tarekonganga ko-nshera harabhu igho mo-bhantö.

Mataayo 12:40

Kya bhoora Yoona yaabhaayë mo-nda iya ughuswë ku-sinsikö isatö, omobhasö na ubhutikö, ni-igho öni Omoona uwa Ömöntö ndebha mo-mbeehera sinsikö isatö, omobhasö na ubhutikö.

Mataayo 16:21

Ukusimirya enkaagha iyö, Yëësu akasimya ökötëëbhya abheegha abhaaye harabhu igho igha, ni-igha aghende Yërusarëëmu. Yërusarëëmu hayö, ho abhaghaaka abha Ikiyahudi, abhanene abha abhasëngëri, na abhëëghya abha amaraghërryö agha Mosa, bharemoteesa bhököngʼu, kora bhamwite. Kasi nariryoka urusikö urwa katatö.

Mataayo 27:63

Bhakatëëbhya Piraato igha, “Omonene, torahiita igha, enkaagha eno omongʼaini ono waanyöörrë akërëngë möhöru, yaaghambirë igha, ‘Nindiryoka urusikö urwa katatö.’

Mataayo 8:4

Yëësu akamötëëbhya igha, “Otakaatëëbhya ömöntö wowonswe oora keno kebhaayë, kasi kaghi kö-mösëngëri uruusi ikimwenso ikya okorama ukwaho. Ku bhuyö kaghi umwensere Waryobha kya bhoora Mosa yaaraghërrëëyi.”

Maariko 5:43

Yëësu akabhakaania bhököngʼu igha, bhatakaatëëbhya ömöntö wowonswe igho ghayö ghaaikörrë. Akatëëbhya abhaibhöri abha umwisëkë uyö bhahaane umwisëkë uyö ibhyakorya.

Maariko 7:36

Yëësu akakangʼasërrya rikomo irya abhantö bhayö igha, bhatakaatëëbhya ömöntö wowonswe oora, ghayö akörrë. Kasi hano yaabhakaanianga, ho bhëngëryanga okoraareka amangʼana ghayö.

Maariko 9:10

Abheegha bhayö bhakaghoota engʼana iyö, bhakabha bharabhöörania abheene ko abheene igha, “Ensonga iya ukuryoka ukwaye ukurwa mo-bhaku në-ëëhë?”

Maariko 9:8

Kamwë igho abheegha bhayö, bhakamaghamagha eno na eno, tebhaarööshë-ho ömöntö uwöndë hë, kasi Yëësu umwene igho.

Ruuka 24:46

Akabhatëëbhya igha, “Yandëkirwë igha, Kiristo narinyankibhwa igho akwe. Na urusikö urwa katatö, nariryoka ukurwa mo-bhaku.

Ruuka 9:36

Hano engamba iyö yaahööyë, abheegha bhakamaaha Yëësu atighaayë umwene. Ghayö ghonswe igho bhaarööshë hayö, tebhaatëëbhëri ömöntö wowonswe oora ko-nkaagha iyö hë.