Maariko 9:7 - Imuuma Eehya

⁷ Mbe, risaarö rekaasha, rekabhakundikirya. Engamba iya Waryobha ekarwera mu-risaarö muyö eraghamba igha, “Ono no-Moona uwaane omoghonshe, mumwitegherre.”

Maariko 9:7 ပူးပေါင်းရင်းမြစ်များ

Mataayo 27:43

Araitengʼeranga Waryobha, amötööri mbe tomaahe nyoore amohanshirë, ko bhoora yaaghambanga igha, ‘Öni m-Moona uwa Waryobha ndë.’”

Mataayo 27:54

Hano omonene uwa abhasirikare hamwë na bhano bhaarendanga Yëësu bhaaighuurë ikirighiti na okomaaha ghaara ghaaikörrë, bhakoobhoha bhököngʼu, bhakaghamba igha, “M-maheene ömöntö ono, m-Moona uwa Waryobha yaarë.”

Mataayo 3:17

Ho Waryobha yaaghambirë ukurwa mu-ryobha igha, “Ono no-Moona uwaane omoghonshe, ono aköntëghërya bhököngʼu.”

Maariko 1:11

Engamba ekarwera mu-ryobha, ekaghamba igha, “Uwe no-Moona uwaane omoghonshe örë, ono ököntëghërya bhököngʼu.”

Maariko 9:6

Tiyaamanyirë engʼana iya okoghamba hë, ko bhoora umwene hamwë na bharikyaye, mbööbhöhirë bhököngʼu.

Maariko 9:8

Kamwë igho abheegha bhayö, bhakamaghamagha eno na eno, tebhaarööshë-ho ömöntö uwöndë hë, kasi Yëësu umwene igho.

Ruuka 3:22

Umwika Ömöhörëëru atuubhaini kya ikighuuti akamwitoomera na ukumwikarra. Engamba ekarwera mu-ryobha muyö, ekaghamba igha, “Uwe, nu-uwe Omoona uwaane omoghonshe ono ököntëghërya bhököngʼu.”

Yohana 1:34

Mbe, Yohana akaghëndërrya okoghamba igha, “Öni namaaha amangʼana ghayö, ku bhuyö nkwimererra ndë igha, uyö we Omoona uwa Waryobha.”

Yohana 1:49

Natanaëri akamohonshora igha, “Raabhi, uwe m-Moona uwa Waryobha örë! Nu-uwe Omokama uwa Isiraëri!”

Yohana 12:28

Taata Waryobha, honyora ubhuhika ubhwa iriina iryaho.” Mbe, engamba ekarwera mu-ryobha eraghamba igha, “Nhönyööyë ubhuhika ubhwane, kora ghwiki nendaaghëndërri okobhohonyora.”

Yohana 19:7

Abhayahudi bhakamohonshora igha, “Bhëëtö ntoona amaraghërryö, na ko okorengʼaana na amaraghërryö ghayö, ni-igha aitwe, ko bhoora akwikora igha m-Moona uwa Waryobha.”

Yohana 20:31

Kasi ebhemanyërryö bheno bhyaandëkirwë, mbyaandëkirwë okore mukumi igha, Yëësu we Kiristo, Omoona uwa Waryobha, na ukukumya kuyö, kobhahaane öbhöhöru ko okohetera ku iriina iryaye.

Yohana 5:18

Ko okoghera iya amangʼana ghayö Yëësu yaaghambirë, abhatangati abha Abhayahudi bhakasimya ukutuna enshera iya ukumwita. Te-ko okoghera iya obhosarya ubhwa urusikö urwa Obhotooro ubhwene igho, kasi na ko bhoora yaaghambanga igha, Waryobha n-Suwaabho. Ku bhuyö bhakamaaha igha, nkwirengʼaania arë na Waryobha.

Yohana 5:37

Taata Waryobha ono yaantoma, yaanyimererra kö-bhëënyu. Engamba iyaaye, temwakaaighuurë kora hake hë. Ituubho iyaaye, temomanyirë bhono ërë hë.

Yohana 6:69

Bhëëtö nkukumya törë, kora ntomanyirë igha, uwe m-Möhörëëru uwa Waryobha örë.”

Yohana 9:35

Hano Yëësu yaaighuurë igha ömöntö uyö arughiibhwi, akaghya ukumutuna. Hano yaamunyöörrë, akamöbhöörya igha, “Kasi, orakumya Omoona uwa Ömöntö?”

Amangʼana agha Abhatomwa 1:9

Hano Yëësu yaamarrë okoghamba ghayö, akagheghwa, ukughya mu-ryobha, bharamomaaherra. Risaarö rekamukundikirya, tebhamara ghwiki bhamomaahe hë.

Amangʼana agha Abhatomwa 7:37

Mosa uyö, we yaatëëbhëri Abhaisiraëri bhayö igha, ‘Omonene Waryobha uwëëtö, arebhaahorra ömörööti kya öni mö-bhëënyu muyö.’

Amangʼana agha Abhatomwa 8:36

Hano bhaaghendanga ko-nshera kuyö, bhakahika ahasë hano haarenga na amanshë. Omotabhuti uwa umuhyö mo-ketende uyö, akatëëbhya Firipö igha, “Maaha, amanshë n-gaayö hayö! Otambatiisya ndarra amanshë n-gaayö hayö?” [

Abharuumi 1:4

Nokaanyoora igha ni-igho yaarë, kasi ko okohetera Umwika Ömöhörëëru, Waryobha yaamwahööyë igha abhe Omoona uwaaye uwa obhotoro bhwonswe igho, hano yaamuryökëri ukurwa mo-bhaku. Yëësu Kiristo uyö, we Omonene uwëëtö.

Abhaëbhuraania 2:1

Mbe, ku bhuyö ni-igha twiyangarre bhököngʼu, ko amangʼana ghayö twaighwa, okore totakaaghatigha.

2 Peetero 1:17

Bhëëtö hamwë twaarenga na Yëësu ku-nguku ëhörëëru, hano yaasöökirwë kora akahaanwa ubhuhika ukurwa ko-Taata Waryobha. Enkaagha iyö, yo twaaighuurë engamba iya ubhuhika obhonene, ararwa mu-ryobha ku-Waryobha umwene, ekaghamba igha, “Ono no-Moona uwaane omoghonshe, we aköntëghërya bhököngʼu.”

1 Yohana 5:20

Ghwiki ntomanyirë igha, Omoona uwa Waryobha yaamara ukuusha ko-kebhara kono, yaatohaana obhongʼaini ubhwa okomanya Waryobha ubhwa heene. Ntoona öbhömwë na Waryobha uwa heene, ko okohetera kö-bhömwë ubhwëtö na Yëësu Kiristo Omoona uwaaye. Yëësu Kiristo uyö, we Waryobha uwa heene, na uwa öbhöhöru ubhwa amakora ghonswe igho.

Okohonyora 1:7

Motamaaha! Nariisha arëngë ko-masaarö! Kera ömöntö naremomaaha, kora abhantö bhaara bhaamöbhëtirë ritimö, bhayö bhonswe mbaremomaaha. Amakabhira ghonswe igho ko-kebhara ngarikuura ko okoghera iya Yëësu. Yëë. Amina.