Maariko 8:34 - Imuuma Eehya

³⁴ Akabherekera rikomo irya abhantö hamwë na abheegha abhaaye, akabhatëëbhya igha, “Ömöntö wowonswe ono akutuna igha ansoorane, ni-igha aikaane umwene, aiteeke omosarabha ughwaye, ansoorane.

Maariko 8:34 ပူးပေါင်းရင်းမြစ်များ

Mataayo 10:38

Ömöntö wowonswe ono ataikërri ukunyoora inyanko iya okonsoorana, uyö taingʼarëëyë okobha umwegha uwaane hë.

Mataayo 16:24

Ho Yëësu yaamarrë akatëëbhya abheegha abhaaye igha, “Ömöntö wowonswe ono akutuna igha ansoorane, ni-igha aikaane umwene, aiteeke omosarabha ughwaye, ansoorane.

Mataayo 27:32

Hano Yëësu na abhasirikare bhayö bhaarwanga mu-mughi ughwa Yërusarëëmu, bhakasikana na ömöntö uwöndë ko-nshera. Ömöntö uyö, yaabherekerwanga igha Simööni. Simööni uyö, yaarwërëëyë mu-mughi ughwa Kirene. Mbe, abhasirikare bhayö bhakamusingʼirrya aiteeke omosarabha ughwa Yëësu.

Maariko 10:21

Yëësu akamomaaherra, akamohansha, akamötëëbhya igha, “Usuuhirwë engʼana ëmwë. Kaghi öghöri ëbhëntö bhyonswe igho bheno onabhyo, seehera seno oraanyoore-mo, ohaane abhatöbhu, hayö ho oraabhe na emongo mu-ryobha ku-Waryobha. Bhoono hayö omanye kuusha konsoorana.”

Maariko 7:14

Yëësu akabherekera ghwiki rikomo irya abhantö, akabhatëëbhya igha, “Munyitegherre bhuuya bhëënyu bhonswe igho, momanyërri keno nkoghamba.

Ruuka 13:24

“Mwiköngʼërri okoheta mo-kesaku ikinyintu, ko bhoora m-baaru bharishaashya okosoha, kasi tebharetora hë.

Ruuka 14:33

“Bhoono na bhëënyu bhonswe, m-buyöbhuyö igha, ömöntö taatore okobha umwegha uwaane, hano ataatighe bhyonswe igho bheno aanabhyo.”

Ruuka 18:22

Hano Yëësu yaaighuurë amangʼana ghayö, akamötëëbhya igha, “Eeho engʼana ëmwë, eno ukutunwa okore. Kaghi öghöri ëbhëntö bhyonswe igho bheno onabhyo, seehera syonswe igho seno oraanyoore-mo, utwenani abhatöbhu. Hayö ho oraabhe na emongo iyaaho mu-ryobha. Hano oraamare, uushe onsoorane.”

Ruuka 20:45

Enkaagha eno abhantö bhaamwitegherranga, ho Yëësu yaaraghërrëëyi abheegha abhaaye igha,

Ruuka 9:23

Hano Yëësu yaamarrë okoghamba amangʼana ghayö, akabhatëëbhya bhonswe igho igha, “Ömöntö wowonswe ono akutuna okonsoorana, ni-igha aikaane umwene, aikërri ukunyoora inyanko iya okonsoorana sinsikö syonswe igho.

Yohana 10:27

Amangʼöndi aghaane nkwighwa gharë engamba iyaane. Öni nengamanyirë bhuuya, na agheene ghonswe nkonsoorana gharë.

Yohana 19:17

Yëësu yaarenga aghëghirë omosarabha ughwaye hano bhaaghendanga, akaghya ahasë hano bhakobherekera ku-Kiëbhuraania igha, Ghorighoota, ensonga yaamo ni-igha, ëkëhöörë ikya ömöntö.

Amangʼana agha Abhatomwa 14:22

Bhakaheta mu-mighi ghiyö bharatërëmya abheegha abha Yëësu, okore bhaghëndërri okobha na umukumo. Mbaabhatërëmyanga ko okobhatëëbhya igha, “Ni-igha tohetere mu-nyanko insharu, totaraasoha mo-Bhokama ubhwa Waryobha.”

Abharuumi 6:6

Ntomanyirë igha eteemo iyëëtö iya kare eera, yaahanëkirwë ko-mosarabha hamwë na Yëësu Kiristo. Yaabhaayë igho, okore eteemo iyëëtö iya kare eera, etakaatobhaaha, na okotokora tobhe abhaghorwa abha ëbhëbhë.

Abharuumi 8:17

Mbe, nyoore bhëëtö m-baana abha Waryobha törë, m-bëëtö abhari abha umwandö ughwa Waryobha, hamwë na Yëësu Kiristo. Kasi bhoono keno kikutunwa, nö-köghömërrya inyaanyi kya bhono Kiristo yaaghömërrëëyi. Hayö bhoono ho törëtöönibhwa hamwë nawe.

1 Abhakörintö 15:31

Abhakumya bharikyane, öni nu-ruku nkoghenda narwo nkaagha syonswe igho. Bhuyö m-boheene kya bhono ërëngë obhoheene igha nkwikumya ndë ko okoghera iya bhëënyu, ko bhoora mwaghootana na Omonene uwëëtö Kiristo Yëësu.

1 Abhakörintö 8:13

Ku bhuyö, hano ibhyakorya bheraaghere umukumya murikyane aitimbe, obhoheene tenderya inyama ghwiki hë, okore ntakaaghera umukumya murikyane aitimbe.

1 Abhakörintö 9:19

Öni tëndëngë omoghorwa uwa ömöntö wowonswe igho hë, m-mötöönööni ndë. Kasi naikërrya okobha omoghorwa uwa abhantö bhonswe igho, okore ntöörri abhantö abhaaru bhakumi Kiristo.

Abhagharatia 2:20

Esemoko iya öbhöhöru ubhwane bhoora ubhwa kare, mbwaahanekwa hamwë na Kiristo ko-mosarabha. Bhoono m-möhöru ndë, kora tö-öni hë, kasi Kiristo we öbhöhöru ubhwane bhono bhörëngë ku-öni. Öbhöhöru bhono neenabho enkaagha eno, nneenabho ku ukukumya Omoona uwa Waryobha. Omoona uwa Waryobha uyö yaanhanshirë, akairuusya öbhöhöru ubhwaye, akantöörya.

Abhagharatia 5:24

Hano wanyoora abhantö bhaghootaini na Yëësu Kiristo, nkunyoora örë n-kya bhano bhaahanekwa ko-mosarabha hamwë na Kiristo Yëësu. Tebhakotongwa ghwiki na oronamba urwabho urwa ëmëbhërë, hamwë na amaitegherro aghaabho amaghogho ghaara.

Abhagharatia 6:14

Kasi öni tinkutuna mbe na engʼana iya ukwikumirya hë, kasi nu-kukwa ukwa Omonene uwëëtö Yëësu Kiristo ko-mosarabha. Ko koghera iya ukukwa ukwaye, amangʼana ghonswe igho agha ko-kebhara kono teghaana ubhwera ku-öni hë. Öbhömënyi ubhwane ubhwa kare, bhwakwa hamwë na Yëësu ko-mosarabha.

Abhafiripi 3:10

Nkutuna ndë mmanye Kiristo bhököngʼu, mbe na obhotoro ubhwa ukuryoka ukwaye. Mbe na öbhömwë nawe, nteseke na ukukwa kya igho ghaaikörrë ku-Kiristo.

Abhafiripi 3:7

Kasi, ghonswe igho ghano naitengʼeranga igha ngaana ubhwera, bhoono igho nkoghamaaha ndë igha teghaana ubhwera hë, ko okoghera iya öbhömwë ubhwane na Kiristo.

Abhakorosaai 1:24

Bhoono nkushomerwa ndë ku-nyaanyi eno nkunyoora kö-möbhërë ughwane ko okoghera iya bhëënyu, ko bhoora nkosanga inyaanyi iya Yëësu Kiristo eno ëköghëndërrya ko okoghera iya ömöbhërë ughwaye, ömöbhërë ghuyö ngo ekanisa.

Abhakorosaai 3:5

Mbe, ku bhuyö ni-igha, mutighe okokora amangʼana agha ko-kebhara kono, obhosooraare, ubhunyanku, amaitegherro amaghogho, obhoraaghëri, obhohoobhaaru, na oronamba urwa ëbhëntö. Okobha na oronamba urwa ëbhëntö, n-kya okosengerra ëbhëtöndö.

2 Abhatësarönikë 3:11

Nkoghamba törë amangʼana ghayö ko bhoora tukwighwa igha, bhaaho abhantö abhatereghanu kö-bhëënyu hayö, bhano bhatakokora omoremo ghwoghwonswe ghoora, kasi keno kebhatönëri na-mangʼana agha abhantö abhandë.

Tiito 2:12

Örööbhö ruyö, nkutwörökërrya rörë igha, twange amangʼana amaghogho na oronamba urwa ko-kebhara kono. Ku bhuyö, enkaagha eno tökërëngë ko-kebhara kono, togheerenga ngʼora amangʼana, tobhe abhantö abha heene, na tobhe abhantö abha eteemo iya okosooka Waryobha.

Abhaëbhuraania 13:13

Bhoono ni-igha tughi ku-Yëësu Kiristo kebhara iya umughi, na eno twitëëkirë okoserwa ukwaye.

1 Peetero 4:1

Mbe, ko bhoora Yëësu Kiristo yaatëësirwë kö-möbhërë ughwaye, bhëënyu bhonswe mwisëëmi okoteeseka kya we. Nkoghamba ndë igho, ko bhoora igha, ömöntö ono amarrë koteeseka kö-möbhërë ughwaye, uyö takobhaahwa na ëbhëbhë hë.

1 Peetero 4:13

Kasi bhoono bhëënyu mushomerwe igha, nkunyoora mörë inyaanyi, kya bhoora Kiristo yaanyöörrë. Bhoono ni-igha, mushomerwenga, okore muushe kushomerwa bhököngʼu, hano ariisha na ubhuhika ubhwaye bhötöörwë harabhu igho.

2 Peetero 1:14

Nkoghamba ndë igho, ko bhoora Omonene uwëëtö Yëësu Kiristo yaanhonyorra igha, nendaarwe ko-kebhara kono, na öni nkomaaha ndë igha, enkaagha iyö, n-haangʼë ërë.

1 Yohana 3:16

Hano Yëësu Kiristo yaaruusiri öbhöhöru ubhwaye ko okoghera iya bhëëtö, yaatwörökëri righonshe irya obhoheene. Kora bhëëtö bhonswe ni-igha turuusi öbhöhöru ubhwëtö, ko okoghera iya abhakumya bharikyëtö.

Okohonyora 2:10

Motakoobhoha inyanko iyö murinyoora. Motamaaha! Oghosambwa ngorebhashaashya, kora ghotoore bharikyënyu mo-kebhohe, na bhëënyu murinyankibhwa sinsikö ikömi. Kasi mobhe abhantö abha heene ku-öni, nokaanyoora igha nkukwa, mukwe. Ko bhoora öni, nendebhatuha ibhirighi ibhya öbhöhöru ubhwa amakora ghonswe igho.