Maariko 8:12 - Imuuma Eehya

¹² Yëësu akaighwa bhoghogho mo-nkoro iyaaye. Akabhabhöörya igha, “N-kwakë bhëënyu abhantö abha rekora reno, mukutuna ekemanyërryö? No-bhoheene nkobhatëëbhya igha, tëmbööröki ekemanyërryö kyokyonswe igho hë.”

Maariko 8:12 ပူးပေါင်းရင်းမြစ်များ

Mataayo 12:38

Mbe, Abhafarisaayo nyabhorebhe na abhëëghya abha amaraghërryö agha Mosa bhaatëëbhëri Yëësu igha, “Umwëghya, toratuna okore ekemanyërryö ikya rikono, keno keraaghere tomanye igha, Waryobha we yaakotoma.”

Mataayo 16:4

Bhëënyu nu-rwebhoro oroghogho mörë, kora temoona umukumo hë. Kiyö nkyo kekoghera moratuna rikono irya ekemanyërryö irya ököbhöörökya igha, nku-Waryobha naarwa. Tëmbööröki ekemanyërryö kyokyonswe keera hë, kasi ni-ikya ömörööti Yoona ikyene igho.” Mbe, Yëësu akatanora, akabhatigha hayö.

Maariko 3:5

Yëësu akabhamoghorra amaiso bhonswe igho eno arërëëyë, akabhaabhayera mo-nkoro iyaaye, ko okoghera iya emetwe ighyabho ëmëköngʼu. Ho Yëësu yaamarrë akatëëbhya ömöbhëëru uyö igha, “Rambora okobhoko ukwaho.” Ömöntö uyö akarambora okobhoko ukwaye, kamwë igho kokahwena!

Maariko 6:6

Akaroghoora bhököngʼu ko bhoora bhataarenga na umukumo kora hake hë. Hano Yëësu yaamarrë, akainaaranaara mu-bhishishi ibhya haangʼë hayö, akabha arëëghya-mo abhantö.

Maariko 7:34

Yëësu akagharamera mu-ryobha, akaita ekekoohe, akamötëëbhya igha, “Efata!” Ensonga iyaamo ni-igha, “Rebhoka!”

Maariko 8:13

Akabhatigha hayö, akasoha ghwiki mu-bhwato. Akatanora na abheegha abhaaye, okore amboke, aghi humbu iya inyansha.

Maariko 9:19

Yëësu akabhatëëbhya igha, “Bhëënyu urwebhoro rono motaana umukumo! Nendaaikarane na bhëënyu ndabhaghömërrya igho okohekera rööhë? Momondeetere hano.”

Ruuka 19:41

Hano Yëësu yaahikirë haangʼë na umughi ughwa Yërusarëëmu, bhuyö yaaghörööshë igho, akasimya okoghokorra.