Maariko 7:34 - Imuuma Eehya

³⁴ Yëësu akagharamera mu-ryobha, akaita ekekoohe, akamötëëbhya igha, “Efata!” Ensonga iyaamo ni-igha, “Rebhoka!”

Maariko 7:34 ပူးပေါင်းရင်းမြစ်များ

Maariko 1:41

Yëësu akamwabhera, akarambora okobhoko ukwaye, akakunia omoghenge uyö. Akamötëëbhya igha, “Ni-igho nkutuna igha uhwene, obhe na esaabhuuro iya ikidiini.”

Maariko 15:34

Mbe, hano yaahikirë saa kenda, Yëësu akakuura bhököngʼu igha, “Ëröi, Ëröi, rama sabhakitani?” Ensonga iyaamo ni-igha, “Waryobha uwaane, Waryobha uwaane, n-kwakë ukuntigha?”

Maariko 5:41

Akamoghoota okobhoko, akamötëëbhya igha, “Tarita, koumu!” Ensonga ya amangʼana ghayö ni-igha, “Nu-uwe nkötëëbhya örë mwisëkë, bhooka!”

Maariko 6:41

Yëësu akaghegha emekaate etaano na sinswë ibhërë siyö, akagharamera mu-ryobha, akakumya Waryobha. Akamonyora emekaate ghiyö, akahërrya abheegha abhaaye igha bhatwenere abhantö. Akabhahaana na sinswë siyö, bhatwenere abhantö bhonswe igho.

Maariko 7:35

Hayö na hayö igho, ömöntö uyö, akarebhoka amatwë na örörëmë urwaye, akasimya okoghamba, na ukwighwa bhuuya igho.

Maariko 8:12

Yëësu akaighwa bhoghogho mo-nkoro iyaaye. Akabhabhöörya igha, “N-kwakë bhëënyu abhantö abha rekora reno, mukutuna ekemanyërryö? No-bhoheene nkobhatëëbhya igha, tëmbööröki ekemanyërryö kyokyonswe igho hë.”

Ruuka 18:42

Yëësu akamötëëbhya igha, “Nikërëëyi igha omaahe. Keno këghërrë uhwënirë, nu-mukumo ughwaho.”

Ruuka 19:41

Hano Yëësu yaahikirë haangʼë na umughi ughwa Yërusarëëmu, bhuyö yaaghörööshë igho, akasimya okoghokorra.

Ruuka 7:14

Ho Yëësu yaasuntarëëyë amasheera ghano bhaaghëghëëyë-ko umuku, akaghakunia. Abhantö bhayö bhaarenga bhaghëghirë umuku bhakaimerra. Yëësu akatëëbhya umuku uyö igha, “Uwe mora, ndakötëëbhya igha, bhooka!”

Yohana 11:33

Hano Yëësu yaarööshë Maryamu arakuura, na Abhayahudi bhano bhahinaini nawe bhonswe bharakuura, akabhaabhayera, kora akaighwa bhoghogho bhököngʼu mo-nkoro iyaaye.

Yohana 11:35

Yëësu akakuura.

Yohana 11:38

Hano ghwiki Yëësu yaaighwanga öbhörrö mo-nkoro iyaaye, akahika ko-mbeehera haara. Embeehera iyö, n-disana ryaarë, reno bhaaribhirë-ko reghena rinene.

Yohana 11:41

Mbe, bhakaruusya-ho reghena reera. Yëësu akagharamera mu-ryobha, akasaasaama ku-Waryobha igha, “Taata, ndakukumya ko bhoora wighuurë amasabhi aghaane.

Yohana 11:43

Hano Yëësu yaamarrë okoghamba amangʼana ghayö, akabherekera bhököngʼu igha, “Raazaaro, rishoka kebhara eno!”

Yohana 17:1

Hano Yëësu yaamarrë okoghamba amangʼana ghayö ghonswe igho, akagharamera mu-ryobha, akasaasaama igha, “Bhoono Taata enkaagha ihikirë. Örökya abhantö ubhuhika ubhwa Omoona uwaaho, okore na öni Omoona uwaaho, nöröki abhantö ubhuhika ubhwaho kya igho bhörë.

Amangʼana agha Abhatomwa 9:34

Peetero akamötëëbhya igha, “Ainea, Yëësu Kiristo akuhwëni! Bhooka waari rishambi iryaho.” Ainea akaimerra kamwë igho.

Amangʼana agha Abhatomwa 9:40

Peetero akabharishökya kebhara bhonswe igho. Akatema hansë ibhiru, akasaasaama Waryobha. Akaisyörrya ikihundughu kiyö, akakëtëëbhya igha, “Tabhita, bhooka!” Hano Tabhita yaaramökëri amaiso akamaaha Peetero, akaikara.

Abhaëbhuraania 4:15

Momanye igha, uyö we Omonene uwa abhasëngëri, ono akotora ököghömërrania na bhëëtö kya igho törë, ko bhoora yaashaashwa ko mangʼana ghonswe igho kya bhëëtö, kasi tiyaakörrë ëkëbhë kyokyonswe igho hë.