Maariko 5:7 - Imuuma Eehya

^7-8 Hano Yëësu yaamörööshë, akahamera risambwa riyö igha, “Uwe risambwa, karwe kö-möntö ono!” Ömöntö uyö akakora ikituri bhököngʼu araghamba igha, “Uwe Yëësu Omoona uwa Waryobha ono ökërrë bhyonswe igho, ne-ngʼana kë ukuntuna-ko? Ndakosaasaama ku iriina irya Waryobha, otakaanteesa!”

Maariko 5:7 ပူးပေါင်းရင်းမြစ်များ

Mataayo 16:16

Simööni Peetero akamohonshora igha, “Nu-uwe Kiristo, Omoona uwa Waryobha ömöhöru.”

Mataayo 26:63

Yëësu tiyaamumurri hë. Mbe, omonene uwa abhasëngëri uyö akatëëbhya ghwiki Yëësu igha, “Ndakötëëbhya ku iriina irya Waryobha ömöhöru igha, tutyanere nyoore nu-uwe Kiristo, Omoona uwa Waryobha.”

Mataayo 4:3

Oghosambwa ghokaasha, ghokamushaasha. Ghokatëëbhya Yëësu igha, “Nyoore m-Moona uwa Waryobha örë, tëëbhya amaghena ghano ghaisyöri, ghabhe emekaate.”

Mataayo 8:29

Mbe, amasambwa ghayö ghakakongera Yëësu igha, “Ë Omoona uwa Waryobha, iyakë ukutuna okotokora? Kasi wishirë ukutusikya, kora enkaagha eno Waryobha yaatoora-ho iya ukutusikya etaraahika?”

Maariko 1:24

“Uwe Yëësu uwa Nazarëëti, n-kë ukututuna-ko? Kasi wishirë igha utusiki? Nenkomanyirë igha, uwe nö-Möhörëëru uwa Waryobha örë.”

Maariko 14:61

Kasi, Yëësu tiyaamumurri hë. Omonene uwa abhasëngëri akaghëndërrya ökömöbhöörya igha, “Kasi, nu-uwe Kiristo, Omoona uwa Waryobha Ömötöönibhwa?”

Maariko 3:11

Abhantö bhano bhaarë na amasambwa, bhuyö bhaamomaahanga igho, bhairekera hansë ko-maghörö aghaaye eno bharakuura bhököngʼu igha, “Uwe no-Moona uwa Waryobha örë!”

Maariko 5:6

Hano ömöntö uyö yaarööshë Yëësu araasha akërëngë hare, akamokenyerra, akamotemera hansë ibhiru.

Ruuka 1:32

Narebha omonene. Narebherekerwanga igha, Omoona uwa ono arëngë kighörö iya bhyonswe igho. Omonene Waryobha naremokora abhe ömötöngi uwa Abhaisiraëri kya igho Daudi ömökörö uwaaye yaarë.

Ruuka 4:34

“Uwe Yëësu uwa Nazarëëti, n-kë ukututuna-ko? Kasi wishirë igha utusiki? Nenkomanyirë igha, uwe nö-Möhörëëru uwa Waryobha örë!”

Ruuka 6:35

“Kasi bhëënyu, mohanshe abhabhisa abhëënyu, mobhatöörringa. Mohaanenga abhantö isiirë motakwitengʼera igha, moreehakwa. Hayö ho murituhwa ituho enene, na hayö ho moraabhe abhaana abha Waryobha ono arëngë kighörö iya bhyonswe igho. Ko bhoora Waryobha, m-buuya akokorra abhakora amaghogho, na bhano bhataana umukumo.

Ruuka 8:28

Risambwa riyö, m-mara kaaru ryaamoghootanga. Abhantö bhaashaashyanga okomorenda ko okomobhoha ebheraangʼani na sipingu, kasi yaabhebhotoranga. Risambwa riyö ndyaamuhiranga ku-riköngö. Hano ömöntö uwa risambwa uyö yaahomeraini na Yëësu, akakora ikituri. Mbe, Yëësu akahamera risambwa riyö rirwe kö-möntö uyö. Ömöntö uyö akairekera hansë bhubhuumaayë mbere iya Yëësu hayö, arakonga bhököngʼu igha, “Uwe Yëësu Omoona uwa Waryobha ono ökërrë bhyonswe igho, ne-ngʼana kë ukuntuna-ko? Ndakosaasaama, otakaanteesa!”

Yohana 20:31

Kasi ebhemanyërryö bheno bhyaandëkirwë, mbyaandëkirwë okore mukumi igha, Yëësu we Kiristo, Omoona uwa Waryobha, na ukukumya kuyö, kobhahaane öbhöhöru ko okohetera ku iriina iryaye.

Amangʼana agha Abhatomwa 16:17

Umwisëkë uyö akabha araturwa nyuma, arakora ikituri igha, “Abhantö bhano na-bhaköri abha emeremo abha Waryobha ono akërrë bhyonswe igho, bharabharaarekera enshera eno eraaghere möhönibhwi.”

Amangʼana agha Abhatomwa 19:13

Bhaare-ho Abhayahudi abhandë abhërëëri, bhano bhaashaashyanga ukwata amasambwa okohetera ku iriina irya Omonene Yëësu. Bhaaghatëëbhyanga igha, “Ndabhahamera, more masambwa, okohetera ku ubhwera ubhwa Yëësu oora Pauro akoraarekanga, murwe kö-möntö ono!”

Amangʼana agha Abhatomwa 8:36

Hano bhaaghendanga ko-nshera kuyö, bhakahika ahasë hano haarenga na amanshë. Omotabhuti uwa umuhyö mo-ketende uyö, akatëëbhya Firipö igha, “Maaha, amanshë n-gaayö hayö! Otambatiisya ndarra amanshë n-gaayö hayö?” [

Abharuumi 16:20

Bhoono Waryobha ono akotohaana omorembe, m-böngö araatashere hansë Oghosambwa. Naraaghotashere mo-bhora ubhwa amaghörö aghëëtö. Örööbhö urwa Omonene uwëëtö Yëësu Kiristo robhe hamwë na bhëënyu. [Amina.]

Abhaëbhuraania 2:14

Mbe, ko bhoora ntoona ëmëbhërë na amaanyinga, Yëësu Kiristo wonswe yaaishirë akabha na ömöbhërë na amaanyinga kya bhëëtö. Yaakörrë igho, okore ko okohetera ukukwa ukwaye, asiki Oghosambwa nyabhwera ubhwa uruku.

Abhaëbhuraania 7:1

Mërikizëdëki uyö, no-mokama uwa Sarëëmu yaarë, kora m-mösëngëri uwa Waryobha ono arëngë ighörö iyö. Mërikizëdëki, yaasikaini na Ibhurahimu enkaagha eno Ibhurahimu yaarwanga mu-riihë. Ibhurahimu waanyöörrë aitaini na abhakama abhane abhakërrë, Mërikizëdëki akamongʼoora.

Yaakobho 2:19

Nkukumya örë igha, Waryobha nö-ömwë igho. M-maheene ni-igho ërë! M-buuya okokora! Kasi amasambwa ghonswe nkukumya gharë ighoigho, kora nkurighita gharë na okoobhoha!

2 Peetero 2:4

Abhamaraika bhano bhaakörrë ëbhëbhë, Waryobha tiyaabhatighirë hë. Kasi yaabhatabhutirë mu-kyaro ikya abhaku, bhakabhohwa-mo na ebheraangʼani mu-kisuntë. Mu-kyaro ikya abhaku muyö, mo bhakoghanyera urusikö urwa okobhotorrwa ikiina.

1 Yohana 3:8

Kasi ömöntö wowonswe ono aköghëndërrya okokora ëbhëbhë, uyö m-möntö uwa Oghosambwa. Ntomanyirë igho, ko bhoora Oghosambwa n-gököri ughwa ëbhëbhë ukurwa kare. Kiyö nkyo ikibhuno keno kyaaghërrë Omoona uwa Waryobha akaasha ko-kebhara kono, okore asari emeremo ighya Oghosambwa.

Yuuda 1:6

Muhiitoke igha, kora abhamaraika bhano bhataanaghëri ibhyeo ibhyabho, bhakatigha ahasë ahaabho aha okomenya, Waryobha yabhabhoha na ebheraangʼani mu-kisuntë. Nkoghanya bharë urusikö oronene roora, urwa okobhotorrwa ikiina.

Okohonyora 12:12

Ku bhuyö ni-igha mushomerwe, bhonswe igho bhano mömënyirë ighörö mu-ryobha! Kasi haahö, ekebhara na inyansha, ko bhoora Oghosambwa ghörëkëëywë kö-bhëënyu iyö na eno ghörërëëyë bhököngʼu, ko bhoora ngomanyirë igha, sinsikö isyagho, ne-nke sitighaayë.”