Maariko 5:30 - Imuuma Eehya

³⁰ Kamwë igho, Yëësu akamanya igha, obhotoro ubhwaye bhökörrë emeremo. Akaisyörrya rikomo irya abhantö bhayö, akabhabhöörya igha, “N-nawë ankuniri ku-singibho?”

Maariko 5:30 ပူးပေါင်းရင်းမြစ်များ

Maariko 5:31

Abheegha abhaaye bhakamötëëbhya igha, “Tokomaaha kya igho abhantö bhakukwihonderra, ghwiki orabhöörya igha nawë akukuniri? ”

Ruuka 5:17

Urusikö nyabhorebhe Yëësu yëëghyanga Abhantö. Bhaare-ho Abhafarisaayo hamwë na abhëëghya abha amaraghërryö agha Mosa bhaikaayë. Bhaarwërëëyë mu-bhishishi bhyonswe igho ibhya mo-mokowa ughwa Ghariraaya, Yudea na mu-mughi ughwa Yërusarëëmu. Yëësu yaarë na obhotoro ubhwa Omonene Waryobha, ubhwa ukuhwënia abhantö.

Ruuka 6:19

Abhantö bhonswe igho mbaatunanga igha, bhakuni Yëësu, okore bhahwënibhwi, ko bhoora obhotoro ubhwa ukuhwënia bhonswe igho mbwaarwanga ku-Yëësu.

Ruuka 8:46

Kasi Yëësu akaghamba igha, “Nemanyirë igha aaho ömöntö ono ankuniri, ko bhoora nighuurë obhotoro ubhwa ukuhwënia bhundure-ko ukughya ukuhwënia ömöntö.”

1 Peetero 2:9

Kasi bhëënyu no-roghanda urwahorwa mörë, abhasëngëri abha Obhokama, rikomo irya abhahörëëru, abhantö abha Waryobha umwene, okore moraarekenga amangʼana amarito agha Waryobha. We yaabhabhërëkëëyë murwe mu-kisuntë, mosohe mo-bhorabhu ubhwaye obhonene bhono bhököröghöörya.