Maariko 4:7 - Imuuma Eehya

⁷ Seheke isyëndë, sekaghwa mo-maanyamahwa, ghakasetokera, tisyamirë hë.

Maariko 4:7 ပူးပေါင်းရင်းမြစ်များ

Mataayo 13:22

Ëkërëngyö ikya seheke isya imbusiro seera syaaghööyë mo-maanyamahwa, siyö no-oora akwighwa engʼana iya Obhokama ubhwa Waryobha, kasi abha na ehaho iya amangʼana amaaru na ukutuna ukwaye ubhwamë, komongʼaina. Ku bhuyö takukumya bhököngʼu engʼana iya Obhokama ubhwa Waryobha hë.

Mataayo 13:7

Seheke isyëndë sekaghwa mo-maanyamahwa. Sekakeenera mo-maanyamahwa muyö, ghakasetokera.

Mataayo 13:8

Kasi seheke isyëndë sekaghwa mu-rirobha iriiya. Sekakiina, sekahera, sekaama, sekagheswa. Eheke ëmwë yaagheswanga-ko righana, isyëndë merongo esansabha na isyëndë merongo etatö.

Maariko 4:6

Kasi hano omobhasö ghwaabharrë, sekooma, ko bhoora setaarenga sihirrë bhököngʼu imiri.

Maariko 4:8

Kasi seheke isyëndë, sekaghwa ko-marobha amaiya, sekamera, sekakiina kora sekaama bhököngʼu. Eheke ëmwë iya imbusiro, ekaama sehagho merongo etatö, iyëndë merongo esansabha, na iyëndë righana imwë!”

Ruuka 12:15

Ho Yëësu yaatëëbhëri abhantö bhayö igha, “Mwiyangarre na eteemo iya oronamba urwa ëbhëntö. Ko bhoora öbhöhöru ubhwa ömöntö, tebhokotooka mu-bhwaru ubhwa ëbhëntö bheno aanabhyo hë.”

Ruuka 21:34

“Mwiyangarre motakaasha kuritoherwa na obhoraaghëri, na öbhörëëbhi, na ehaho iya öbhöhöru ubhwa ko-kebhara kono. Hano mutiyangarre, urusikö urwa umuhiko ndorebhabhasha motamanyirë.

Ruuka 8:14

“Simbusiro seera syaatöönyirë mo-maanyamahwa, siyö na-bhantö bhano bhakwitegherra engʼana iya Waryobha bhaghikërrya. Kasi hano enkaagha yaaheta-ho, bhanyankibhwa na amangʼana agha ubhutuni, ukwighomba ubhwamë, na obhoraaghëri. Amangʼana ghayö ngo ghakoghera umukumo ughwabho teghokobha ughwa heene hë.

Ruuka 8:7

Isyëndë sekaghwa mo-maanyamahwa, sekamera hamwë na amaanyamahwa, ëntöki ekasetokera.