Maariko 4:6 - Imuuma Eehya

⁶ Kasi hano omobhasö ghwaabharrë, sekooma, ko bhoora setaarenga sihirrë bhököngʼu imiri.

Maariko 4:6 ပူးပေါင်းရင်းမြစ်များ

Mataayo 13:6

Kasi hano omobhasö ghwaabharrë, sekooma ko bhoora setaarenga sihirrë bhököngʼu imiri.

Maariko 4:5

Isyëndë sekaghwa ku-rirobha irya ku-ritare, reno ryaarë na amarobha make igho. Seheke siyö sekakiina bhöngöbhöngö.

Maariko 4:7

Seheke isyëndë, sekaghwa mo-maanyamahwa, ghakasetokera, tisyamirë hë.

Abhaëfësö 3:17

okore Yëësu Kiristo amenye këmwë mo-senkoro isyënyu ku umukumo ghono moonagho. Ndabhasabha igha, möghëndërri okohanshana. Righonshe n-kya imiri, imiri nkokora ghërë ëmëtë ghenagha, kora ghwiki n-kya inyumba eno ehaghaashirwë ku-musingi.

Abhakorosaai 2:7

Mohangarre mönsë iyaaye, mwihaghaashe ko-we na umukumo kya bhono mwëëghibhwa. Ghwiki mobhe abhantö bhano mukukumya bhököngʼu Waryobha.

2 Abhatësarönikë 2:10

Narebhangʼaina ko obhongʼanangʼana ubhwaru, bhonswe igho bhano bharëngë ko-bhesendo ibhya ukusira, ko bhoora bhakwanga ukwikërrya obhoheene, okore bhatööribhwi.

Yaakobho 1:11

Hano iryobha ryatora na emerengaari ighyaryo ghëmërëki, ëmëröngö nkooma ghërë, kora ëbhëmörë nkosangoka bhërë, tëbhëkötëghërya ghwiki hë. Ni-igho kora ömöntö umwamë wonswe, mmo-meremo ighya ubhwamë ubhwaye akukwera.

Yuuda 1:12

Abhantö bhayö, n-kya amarengo amaghogho agha mu-nyansha. Nkwingʼahërya bharë okorya abheene mu-sinyangi isyënyu isya righonshe, kora tebhaana sënsöni hë. Ghwiki abhantö bhayö, tebhaana ubhwera hë, mbanga kya amasaarö ghano ghataana imbura, rikama nkoghahuushahuusha rërë, ukughya ahasë honswe igho. Ghwiki mbanga kya ëmëtë gheno ghetaana sehagho enkaagha iya ukutwa sehagho, ghyoma törö, kora ghyaihwa.

Okohonyora 7:16

Tebharebha na inshara handë inyonta ghwiki hë. Kora tebharebharrwa omobhasö ghwiki hë, handë ukunyahaarwa na orooha rworwonswe roora.