Maariko 4:1 - Imuuma Eehya

¹ Yëësu ghwiki akasimya ukwëghya abhantö mbareka iya inyansha. Rikomo rinene bhököngʼu irya abhantö rekaikomania-ho. Akasoha mu-bhwato, akaikara-mo, okore bhatakamutimbatimba. Abhantö bhayö bho bhakatighara mbareka iya inyansha hayö.

Maariko 4:1 ပူးပေါင်းရင်းမြစ်များ

Maariko 2:13

Yëësu akatanora, akaghya ghwiki mbareka iya inyansha iya Ghariraaya. Abhantö abhaaru bhakamosoorana-yo, akabhëëghya.

Maariko 3:7

Mbe, Yëësu akatanora, akaghya ku-nyansha iya Ghariraaya hamwë na abheegha abhaaye. Rikomo rinene irya abhantö rekamosoorana, ko bhoora bhaarenga bhaighuurë amakono ghano yaakörrë. Abhantö bhayö, mbaaruurë Yërusarëëmu, na mo-mekowa ighya Ghariraaya, Yudea na Idumaaya, humbu iya omooro ughwa Yorodani, na haangʼë na imighi ighya Tiiro na Siidööni.

Maariko 3:9

Ko bhoora rikomo irya abhantö ni-nene ryaarë, ku bhuyö Yëësu akatëëbhya abheegha abhaaye bhasëëmi ubhwato, okore hano abhantö bharaahumbushane na okomohegha, asohe mu-bhwato.

Maariko 4:36

Bhakatigha hayö rikomo irya abhantö, bhakasoha mu-bhwato moora Yëësu yaarë, bhakatanora hamwë nawe. Amaato aghandë ghano ghaare-ho, ghakabhasoorana.

Maariko 5:2

Hano Yëësu yaaikirë ukurwa mu-bhwato, akasikana na ömöntö ono yaarë na amasambwa, ararwera mo-sembeehera.

Maariko 5:21

Hano Yëësu na abheegha abhaaye bhaambökirë na ubhwato ukughya humbu, mbareka iya inyansha, bhakanyoora-ho rikomo rinene irya abhantö, rekamwisangerra.