Maariko 3:9 - Imuuma Eehya

⁹ Ko bhoora rikomo irya abhantö ni-nene ryaarë, ku bhuyö Yëësu akatëëbhya abheegha abhaaye bhasëëmi ubhwato, okore hano abhantö bharaahumbushane na okomohegha, asohe mu-bhwato.

Maariko 3:9 ပူးပေါင်းရင်းမြစ်များ

Mataayo 15:39

Hano Yëësu yaamarrë okoraghana na abhantö bhaara, akariina mu-bhwato akaghya ahasë handë, hano haabherekerwanga igha, Maghadani.

Maariko 4:1

Yëësu ghwiki akasimya ukwëghya abhantö mbareka iya inyansha. Rikomo rinene bhököngʼu irya abhantö rekaikomania-ho. Akasoha mu-bhwato, akaikara-mo, okore bhatakamutimbatimba. Abhantö bhayö bho bhakatighara mbareka iya inyansha hayö.

Maariko 4:36

Bhakatigha hayö rikomo irya abhantö, bhakasoha mu-bhwato moora Yëësu yaarë, bhakatanora hamwë nawe. Amaato aghandë ghano ghaare-ho, ghakabhasoorana.

Maariko 5:2

Hano Yëësu yaaikirë ukurwa mu-bhwato, akasikana na ömöntö ono yaarë na amasambwa, ararwera mo-sembeehera.

Maariko 5:30

Kamwë igho, Yëësu akamanya igha, obhotoro ubhwaye bhökörrë emeremo. Akaisyörrya rikomo irya abhantö bhayö, akabhabhöörya igha, “N-nawë ankuniri ku-singibho?”

Maariko 6:32

Bhakatanora ukurwa hayö na ubhwato abheene igho, bhakaghya ahasë hano abhantö bhatarë.

Ruuka 5:1

Urusikö nyabhorebhe, Yëësu yëëghyanga engʼana iya Waryobha, aimërëëyë ko-morambo ughwa inyansha iya Ghariraaya. Abhantö abhaaru bhakamusuntarra haangʼë bhamwinaarrë, okore bhamwitegherre.

Ruuka 5:3

Amaato ghano ghaarë hayö, ubhwöndë nu-bhwa Simööni bhwaarë, mbwo Yëësu yaariinirë-mo. Akatëëbhya Simööni igha, abhuhuni ukurwa ko-morambo hayö, bhoghende bhuribha hake igho. Mbe, Yëësu akëëghya abhantö, aikaayë mu-bhwato muyö.

Yohana 6:15

Ko bhono Yëësu yaamanyirë igha, abhantö bhayö mbaatunanga bhamokore igha abhe omokama uwaabho kwa nguru, akatanora akarwa hayö, akaghya ghwiki mu-nguku umwene igho.