Maariko 3:7 - Imuuma Eehya

^7-8 Mbe, Yëësu akatanora, akaghya ku-nyansha iya Ghariraaya hamwë na abheegha abhaaye. Rikomo rinene irya abhantö rekamosoorana, ko bhoora bhaarenga bhaighuurë amakono ghano yaakörrë. Abhantö bhayö, mbaaruurë Yërusarëëmu, na mo-mekowa ighya Ghariraaya, Yudea na Idumaaya, humbu iya omooro ughwa Yorodani, na haangʼë na imighi ighya Tiiro na Siidööni.

Maariko 3:7 ပူးပေါင်းရင်းမြစ်များ

Mataayo 10:23

Hano bhabhakorra obhoghogho ahasë nyabhorebhe, mokenyerre ahasë ahandë. No-bhoheene nkobhatëëbhya igha, temoremara okokora emeremo mu-mighi ghyonswe igho ighya Isiraëri, öni Omoona uwa Ömöntö ntaraakyora.

Mataayo 12:15

Yëësu yaamanyirë ësëëmyö iya Abhafarisaayo iya ukumwita, ku bhuyö akarwa hayö. Mbe, abhantö abhaaru bhakamosoorana. Akahwënia abharööyë bhonswe igho mo-bhantö bhayö.

Mataayo 12:16

Kasi akabhakaania bhatakaatëëbhya ömöntö wowonswe igho amangʼana aghaaye.

Mataayo 4:25

Ku bhuyö abhantö abhaaru bhakabha bharasoorana Yëësu. Abhandë bhaarwërëëyë mo-mokowa ughwa Ghariraaya, Dekapööri, Kapadokia, Yërusarëëmu, mo-sembaara isyëndë isya Yudea na humbu ya omooro ughwa Yorodani.

Maariko 1:39

Mbe, akabha araghenda mo-mokowa ghonswe igho ughwa Ghariraaya, arëëghya mu-sinyumba isyabho siyö isya esango, na ukwata amasambwa ko-bhantö.

Maariko 1:45

Kasi hano ömöntö uyö yaatanööyë ukurwa hayö, akasimya okoraareka amangʼana agha ukuhwena ukwaye kera ahasë. Ku bhuyö Yëësu akataamibhwa kya bhono araasohenga mu-mughi ghoghonswe igho ghoora, abhantö bhatamörööshë. Akabha araikara ahasë hano abhantö bhatarë, nokaanyoora igha ni-igho yaarë, kasi abhantö mbaashanga ku-Yëësu ukurwa hasë honswe igho.

Maariko 3:20

Rikomo irya abhantö ghwiki rekaikomania, rekaghera Yëësu na abheegha abhaaye bhakataamibhwa okorya.

Maariko 4:1

Yëësu ghwiki akasimya ukwëghya abhantö mbareka iya inyansha. Rikomo rinene bhököngʼu irya abhantö rekaikomania-ho. Akasoha mu-bhwato, akaikara-mo, okore bhatakamutimbatimba. Abhantö bhayö bho bhakatighara mbareka iya inyansha hayö.

Ruuka 23:5

Kasi bhakakangʼasërrya igha, “Amëëghyö aghaaye, nkösëëghërrya gharë abhantö. N-Gariraaya iyö yaasimiiyi, na gharomaini mo-mokowa ughwa Yudea ghwonswe igho.”

Ruuka 6:12

Urusikö nyabhorebhe mu-sinsikö siyösiyö, Yëësu yaaghëëyë mu-nguku okosaasaama Waryobha. Akasaasaama igho bhokakya kyö.

Ruuka 6:17

Yëësu akangʼaaraara ukurwa ku-nguku kuyö hamwë na abhatomwa abhaaye. Hano yaahikirë ko-kebharabhanshë, akaimerra. Hayö bhaare-ho abheegha abhaaye abhaaru, na rikomo rinene irya abhantö abhandë resangëraini-ho. Bhaarwërëëyë mo-mokowa ughwa Yudea ghonswe igho, abhandë bhaarwërëëyë mu-mughi ughwa Yërusarëëmu, na abhandë bhaarwërëëyë ko-sembaara isya ko-morambo ughwa Tiiro na ughwa Siidööni. Abhantö bhayö mbaaishirë hayö, okore bhaitegherre Yëësu, na ukuhwënibhwa.

Yohana 7:41

Abhantö abhandë bhakaghamba igha, “Ömöntö ono n-Kiristo.” Kasi abhandë bhakaghamba igha, “Ti-igho hë, Kiristo taatore ukurwera mo-mokowa ughwa Ghariraaya hë.

Yohana 7:52

Bho bhakahonshora Nikodeemo igha, “Kasi, na uwe n-Gariraaya ukurwa? Kaghi witaahe bhuuya Amaandeko Amahörëëru, noraamanye igha, taaho ömörööti ono akurwera mo-mokowa ughwa Ghariraaya hë.”

Amangʼana agha Abhatomwa 17:10

Kamwë igho mu-bhutikö ghatë, abhakumya abha Tësarönikë bhakahira bhaabho Pauro na Siira, bhaghi mu-mughi ghono ghwaabherekerwanga igha Bherooya. Hano bhaahikirë iyö, bhakasoha mu-nyumba iya esango iya Abhayahudi.

Amangʼana agha Abhatomwa 17:14

Ko okoghera iya ghayö, abhakumya abha hayö, bhakaherekerra Pauro bhöngöbhöngö, ukughya mo-keghobho. Kasi Siira na Timoteo bho bhakatighara Bherooya hayö.