Maariko 3:5 - Imuuma Eehya

⁵ Yëësu akabhamoghorra amaiso bhonswe igho eno arërëëyë, akabhaabhayera mo-nkoro iyaaye, ko okoghera iya emetwe ighyabho ëmëköngʼu. Ho Yëësu yaamarrë akatëëbhya ömöbhëëru uyö igha, “Rambora okobhoko ukwaho.” Ömöntö uyö akarambora okobhoko ukwaye, kamwë igho kokahwena!

Maariko 3:5 ပူးပေါင်းရင်းမြစ်များ

Mataayo 12:13

Ho Yëësu yaamarrë akatëëbhya ömörööyë uwa risusu uyö igha, “Rambora okobhoko ukwaho kuyö.” Ömörööyë uyö akarambora okobhoko ukwaye ukwa risusu, kamwë igho okobhoko kokahwena, kokabha kya ukwöndë koora.

Maariko 3:4

Mbe, Yëësu akabhöörya abhantö bhayö igha, “Ne-ngʼana kë ikwikërribhwa ekorwe urusikö urwa Obhotooro, no-kokora amangʼana amaiya, kasi amaghogho? Ukuhwënia, kasi ukwita?” Bhakakira kiri.

Ruuka 13:15

Omonene Yëësu akamohonshora igha, “Bhare bhaihunaania! Temokotashoranga sengʼombe handë sitikërë isyënyu ukurwa mu-righo, mughya ukunywënsya urusikö urwa Obhotooro?

Ruuka 17:14

Yëësu akabhamaaha, akabhatëëbhya igha, “Moghende mwiyöröki ko-bhasëngëri igha muhwënirë.” Bhakasaabhuurwa bhakëërëngë ko-nshera bharaghya.

Ruuka 6:10

Yëësu akamoghorra amaiso abhantö bhayö bhonswe igho. Akamara akatëëbhya ömöntö uyö igha, “Rambora okobhoko ukwaho.” Akarambora okobhoko ukwaye, kokahwena.

Yohana 9:7

Akatëëbhya umuhukuru uyö igha, “Kaghi wisaabhe ubhusyö mwi-ribha irya Sirowamu.” Ensonga iya engʼana iyö igha Sirowamu, ni-igha, ono atömirwë. Mbe umuhukuru uyö akaghya, akaisaabha ubhusyö, akahwena, akakyora yeeka waaye aramaaha bhuuya igho.

Abharuumi 11:25

Abhakumya bharikyëtö, keno nkutuna ni-igha momanye ësëëmyö iya Waryobha, eno yaarenga ibhisirwë ukurwa kare, okore motakaikumya igha, mmomanyirë ghonswe igho. Ekeghaaka ikya Abhaisiraëri n-kya ribhagha ike igho, okohekera hano ekerengere ikya Abhakyaro keno Waryobha akutuna, kirihika.

2 Abhakörintö 3:14

Sehakëri isya Abhaisiraëri, ni-ndito syaarë. Ko bhoora igha, kora bhoono igho, hano Imuuma iya Kare yasomwa, ikikundikiryö keerakeera, nkobhakundikirya kërë. Ikikundikiryö kiyö, tikikuruusibhwa-ko hë, ko bhoora nkuruusibhwa-ko kërë hano ömöntö yaabha na öbhömwë na Yëësu Kiristo.

Abhaëfësö 4:18

Tebhaamanyërrëëyi bhuuya amangʼana agha Waryobha hë, kora tebharëngë haangʼë na öbhöhöru obhohya ubhwa Waryobha hë. Ko bhoora igha, tebhamanyirë Waryobha hë. Ghayö ghonswe igho, n-ko okoghera iya ikisiraani ikyabho.

Abhaëfësö 4:26

Hano mwarerra, okorerra ukwënyu kuyö, kotakaaghera mokore ëbhëbhë, iryobha retakaaghwa mökërëërëëyë.

Abhaëfësö 4:30

Motakaaghera Umwika Ömöhörëëru abhaabhayere, ko bhoora Umwika Ömöhörëëru uyö, we umuhuri ghono Waryobha yaabhatoorra-ko ukwörökya igha m-bantö abhaaye mörë. Uyö we ekemanyërryö igha, rooho urusikö rono Waryobha arebhatungurya këmwë.

Abhaëbhuraania 3:10

Mbe, kiyö nkyo kyaaghërrë nkarererra rekora riyö, nkaghamba igha, abhantö bhano m-batëëyu sinsikö syonswe igho, tebhakutuna bhakore bhono öni nkutuna hë.

Abhaëbhuraania 3:17

M-bantö kë bhano Waryobha yaarëghirë ku imyoka merongo ene? Te-bhaara bhaamosarëëyi, bhakakwa na ibhihundughu ibhyabho bhekanyaraghana ku-riköngö?

Abhaëbhuraania 5:9

Mbe, ko okoghera iya ghayö, Waryobha akamokora aingʼarre okobha esemoko iya öbhötöörya ubhwa amakora ghonswe igho ko bhonswe igho bhano bhakwighwera Ömötöörya uyö.

Okohonyora 6:16

Bhakatëëbhya singuku siyö na amarengo ghayö igha, “Mutughwere! Mutubhise, okore oora ikaayë ku-kitumbë ikya ekekama, atakaatörëghërrya. Mutubhise, totakaasha okomaaha amangʼana ghayö agha okorerra ukwa Omoona Ringʼöndi.