Maariko 3:3 - Imuuma Eehya

³ Mbe, Yëësu akatëëbhya ömöbhëëru uwa okobhoko uyö igha, “Nshö wemerre ghatëghatë hano.”

Maariko 3:3 ပူးပေါင်းရင်းမြစ်များ

Mataayo 12:10

Ömöntö yaarë mu-nyumba iya esango muyö, ono yaarë na risusu ko-kobhoko. Abhafarisaayo bhaatunanga enshera iya okoghashania Yëësu, okore bhamushongere ku ukwanga okosooka amaraghërryö agha Mosa, ku bhuyö bhakamöbhöörya igha, “Amaraghërryö agha Mosa gharaikërrya igha ömöntö ahwënibhwi urusikö urwa Obhotooro?”

Maariko 3:2

Abhafarisaayo mbaaitaahanga Yëësu nyoore nahwënia ömöntö uyö urusikö urwa Obhotooro. Okore hano araamuhwëni, bhanyoore ikibhuno ikya ukumushongera.

Maariko 3:4

Mbe, Yëësu akabhöörya abhantö bhayö igha, “Ne-ngʼana kë ikwikërribhwa ekorwe urusikö urwa Obhotooro, no-kokora amangʼana amaiya, kasi amaghogho? Ukuhwënia, kasi ukwita?” Bhakakira kiri.

Ruuka 6:8

Kasi Yëësu akangʼura ësëëmya engogho eno bhaarë nayo. Ku bhuyö, Yëësu akatëëbhya ömöbhëëru uwa okobhoko uyö igha, “Nshö wemerre ghatëghatë hano.” Ömöntö uyö akaghya, akemerra.

Yohana 9:4

Ni-igha tokore emeremo ighya Waryobha ono yaantoma, enkaagha eno iryobha rekeeho. Ko bhoora ubhutikö nkuusha bhörë, hano totaretora okokora emeremo gheno.

1 Abhakörintö 15:58

Mbe, bhoono abhakumya bharikyane abhaghonshe, ni-igha monaghe, motakaasingisa. Möghëndërri okokora emeremo ighya Omonene uwëëtö bhököngʼu nkaagha syonswe igho, ko bhoora momanyirë igha, emeremo ighyënyu gheno mokokorra Omonene, ti-ghya bhosa hë.

Abhagharatia 6:9

Mbe, ku bhuyö ni-igha, totakaarosa okokora amangʼana amaiya, ko bhoora hano toraaghömërri, ntoreghesa bhuuya hano enkaagha iya okoghesa irihika.

Abhafiripi 1:14

Hamwë na ghayö ghonswe igho, nemanyirë igha, okobhohwa ukwane kono, kwaghera senkoro isya abhakumya bharikyëtö abhaaru, syanagha ko-Monene Yëësu. Ku bhuyö nkoraarekera bharë abhantö engʼana iya Waryobha ku singuru syonswe igho, kora tebhaana entarëki hë.

1 Peetero 4:1

Mbe, ko bhoora Yëësu Kiristo yaatëësirwë kö-möbhërë ughwaye, bhëënyu bhonswe mwisëëmi okoteeseka kya we. Nkoghamba ndë igho, ko bhoora igha, ömöntö ono amarrë koteeseka kö-möbhërë ughwaye, uyö takobhaahwa na ëbhëbhë hë.