Maariko 3:2 - Imuuma Eehya

² Abhafarisaayo mbaaitaahanga Yëësu nyoore nahwënia ömöntö uyö urusikö urwa Obhotooro. Okore hano araamuhwëni, bhanyoore ikibhuno ikya ukumushongera.

Maariko 3:2 ပူးပေါင်းရင်းမြစ်များ

Mataayo 12:10

Ömöntö yaarë mu-nyumba iya esango muyö, ono yaarë na risusu ko-kobhoko. Abhafarisaayo bhaatunanga enshera iya okoghashania Yëësu, okore bhamushongere ku ukwanga okosooka amaraghërryö agha Mosa, ku bhuyö bhakamöbhöörya igha, “Amaraghërryö agha Mosa gharaikërrya igha ömöntö ahwënibhwi urusikö urwa Obhotooro?”

Maariko 3:3

Mbe, Yëësu akatëëbhya ömöbhëëru uwa okobhoko uyö igha, “Nshö wemerre ghatëghatë hano.”

Ruuka 14:1

Urusikö urwa Obhotooro, Yëësu yaaghëëyë okorya ibhyakorya yeeka wa ömötöngi ömwë uwa Abhafarisaayo. Abhafarisaayo na abhantö abhandë bhano bhaarë mu-nyumba muyö, mbaamwitaahanga bhököngʼu.

Ruuka 20:20

Ku bhuyö abhanene abha Abhayahudi bhayö, bhakabha bharaitaaha Yëësu bhököngʼu. Bhakatoma abhashamishi, bhatune enshera iya okoghashania Yëësu ko-mangʼana aghaaye. Abhashamishi bhayö, bhakaikora igha m-bantö abha heene. Bhakamöbhöörya amangʼana agha ukumunshinshighania, okore bhamoghoote, bhamuhire kö-mötöngi ono yaatöörrwë-ho na Kaisaari.

Ruuka 6:7

Abhëëghya abha amaraghërryö agha Mosa hamwë na Abhafarisaayo, bhaatunanga enshera iya ukumushongera. Ku bhuyö, mbaamwitaahanga bhamaahe nyoore nahwënia ömöntö uyö, urusikö urwa Obhotooro ruyö.

Yohana 8:6

Bho mbaamöbhöörri igho ku ukumushaashya, okore bhanyoore ikibhuno ikya ukumushongera. Kasi Yëësu akaihiinya akasimya ukwandeka hansë ko-marobha na ikyara ikyaye.

Yohana 9:16

Mbe Abhafarisaayo nyabhorebhe bhakaghamba igha, “Ömöntö ono akörrë igho, tiku-Waryobha akurwa hë, ko bhoora atakoghoota amaraghërryö agha rusikö urwa Obhotooro.” Kasi Abhafarisaayo abhandë bhakaghamba igha, “Iyakë ömököri uwa ëbhëbhë araatore okokora ebhemanyërryö ibhya amakono kya bhiyö?” Mbe bhakaanga korengerrania abheene ko abheene.